SHAKAWN KUNGDAWN 7:9 - Jinghpaw Common Language Bible 2009

⁹ Nang gaw ding hpring ai Karai Kasang rai nga ndai rai nna, anhte a myit mang ai lam hte ra sharawng ai lam ni hpe jeyang ya nga ndai. N hkru ai masha ni a tara n lang ai lam hpe jahkring kau nna, mai kaja ai masha ni hpe shagrau kumhpa jaw ya nga ndai.

Jinghpaw Hanson Version Bible

⁹ Tara n lang ai ni a n hkru ai lam sim mat malu ga; Dinghpring ai ni hpe mahtang shagrin mu. Dinghpring ai Karai Kasang gaw, Masin hte nhkyun ni hpe chyam yu ai wa rai nga ai.

SHAKAWN KUNGDAWN 7:9 ပူးပေါင်းရင်းမြစ်များ

NINGPAWT NINGHPANG 20:5

Sara gaw shi a kajan re ngu nna Abraham shi nan tsun mi ai hte maren Sara mung dai zawn sha tsun mi ai. Ngai gaw ndai amu hpe san seng ai myit hte galaw nngai, ngai gaw shut hpyit ai amu hpa mung n galaw kau nga nngai,” ngu nna tsun wu ai.

1 HKAWHKAM 8:32

O Madu e, sumsing lamu hta e madat la nna, na a shangun ma ni hpe jeyang mi. Mara kap ai wa hpe shi hkam la ging ai hte maren ari jaw u; mara n kap ai wa hpe chyawm gaw shi lu la ging ai hte maren mara dat ya u law.

1 HKAWHKAM LABAU 28:9

Shi gaw Shawlumon hpe, “Ngai sha e, na nwa a Karai Kasang hta yin la nna labra ai myit n rawng ai sha, awng sharawng ai myit masin hte shi hpe daw jau na ngai nang hpe tsun shadut nngai. Anhte a myit mang ai lam hte ra sharawng ai lam yawng mayawng hpe shi chye ya nga ai. Nang shi kaw sa ai rai yang, shi nang hpe hkap la na ra ai; rai ti mung, nang shi hpe kayin kau da ndai rai yang, shi nang hpe htani htana kau da na ra ai.

SHAKAWN KUNGDAWN 10:15

Tara n lang ai hte n hkru ai masha ni a n-gun atsam hpe daw kau ya u; shanhte galaw dan sai shut hpyit amu dai hpe, shanhte bai n matut galaw ai aten du hkra, shanhte hpe ari jaw u.

SHAKAWN KUNGDAWN 10:18

Zingri zingrat hkrum ai ni hte jahkrai nmai ni a hpyi jahtau ai nsen ni hpe nang na ya na ndai; nang gaw shanhte a maga de tara jeyang ya ai shaloi shinggyim masha ni gaw hkrithpa lam hpe bai naw shabyin sana n rai.

SHAKAWN KUNGDAWN 11:5

Shi gaw kaja ai ni hpe mung, tara n lang ai ni hpe mung maren san jep nna; tara kata ai ni hpe shi a myit masin mahkra hte n dawng nga ai.

SHAKAWN KUNGDAWN 139:1

Madu e, nang ngai hpe manaw yu nna chye nga ndai.

SHAKAWN KUNGDAWN 17:3

Nang gaw nye a myit masin hpe chye ya nga ndai. Shana aten hta, nang gaw ngai kaw du sa nna, ngai hpe akri akrai san jep yu nit dai, ngai hta n hkru ai myit hpa mung n rawng nga ai hpe nang mu ya nga ndai.

SHAKAWN KUNGDAWN 18:21

Madu a tara hpe, ngai hkan nang ni ai, nye a Karai Kasang kaw nna tsan tsan de, ngai kayin mat wa ni ai n rai.

SHAKAWN KUNGDAWN 26:2

Madu e, ngai hpe dinglik yu nna chyam yu et, nye a myit ra ai lam ni hte myit sawn ai lam hpe san jep ya e.

SHAKAWN KUNGDAWN 35:23

Madu e, na a myit hpe shajin u; Ngai hpe makawp maga la e; Nye a Karai Kasang e, rawt nna nye a maga de tsap nhtawm nye a amu hpe dangrang ya e.

SHAKAWN KUNGDAWN 37:23

Dai Madu gaw masha wa hpe shi sa ang ai lam hta woi wa ai; shi hta sharawng awng ai ni hpe makawp maga ya nga ai.

SHAKAWN KUNGDAWN 40:2

Shi gaw ngai hpe hkrit hpa nhkun hta na mung, lup si shangun ai nawng wam hta na mung gang shaw la nhtawm; lunghkrung ntsa e, shim hkra ngai hpe tawn da nna makawp maga da ni ai.

SHAKAWN KUNGDAWN 43:1

O Karai Kasang e, ngai hpe mara n kap ai wa ngu nna tsun shana ya e; n kam n sham ai masha ni kaw na nye a maw mawn ai lam hpe makawp maga ya e. Masu magaw ai ni hte n hkru n shawp ai masha ni a lata kaw nna ngai hpe hkrang shaw la e!

SHAKAWN KUNGDAWN 44:21

anhte a kraw kata e makoi da ai myit sawn lam ni hpe nang chye ya nga ndai majaw; nang dai lam hpe teng teng mu chye kau na ndai.

SHAKAWN KUNGDAWN 58:6

Karai Kasang e, ndai hkanghkyi matse ni a wa ni hpe shadaw kau ya u.

SHAKAWN KUNGDAWN 9:9

Dai Madu gaw dip da hkrum ai ni a shingbyi shara rai nga ai; ru tsang hkrum ai aten ni hta shim lum ai shara mung rai nga ai.

SHAKAWN KUNGDAWN 96:10

“Dai Madu gaw hkawhkam rai nga ai! Aga hpe ngang ngang kang kang shi gaw da nna, dai gaw shamu shamawt nga ai n rai; shi gaw amyu masha ni hpe teng man ai lam hte tara jeyang na ra ai,” nga nna amyu baw ni yawng hpe tsun mu.

SHAKAWN KUNGDAWN 96:13

Dai Madu gaw mungkan ga hpe up hkang na matu du sa wa ai shaloi, shi gaw mungkan ga na amyu masha ni hpe teng man rap ra ai tara ni hte up hkang na ra ai.

SHAKAWN KUNGDAWN 98:9

kawng ni e shi a man hta, kabu gara ai hte mahkawn jawm mahkawn shakawn nga mu. Shi gaw mungkan ga na amyu masha ni hpe teng man rap ra ai tara hte up hkang na ra ai.

YEREMIA 11:20

Dai hpang, ngai gaw, “Chyahtum Chyalai N-gun Rawng ai Madu e, nang gaw teng man ai tara agyi wa rai nga ndai; nang gaw amyu masha ni a myit mang lam ni hte hkam sha lam ni hpe chyam dinglik yu nga ndai. Ngai gaw nye a amu na a lata hta tawn da ni ai; ndai amyu masha ni hpe nang matai dawp ai hpe ngai sin yu nga n-ga,” ngu nna hpyi nem we ai.

YEREMIA 17:10

Ngai Madu nan masha a myit mang ai lam ni hpe sawk tam yu nna shinggyim masha ni a myit masin ni hpe chyam dinglik yu nga nngai. Langai hte langai hpe tinang a arawn alai hte tinang galaw ai amu hte maren, ngai shabrai jaw na nngai,” ngu nna tsun ai.

YEREMIA 20:12

Rai ti mung, Chyahtum Chyalai N-gun Rawng ai Madu e, nang gaw amyu masha ni hpe teng man ai hku chyam dinglik yu nga ndai; shanhte a myit masin hte kraw lawang ni hta hpa baw rawng nga ai hpe nang chye nga ndai. Dai rai nna, na a lata hta nye a amu ap da ni ai majaw, nye a gumlau hpyen ni hpe nang matai dawp na lam ngai mu lu n-ga law.

Daniela 11:45

Shi gaw panglai hte Nawku Htingnu shadun da ai bum yan a lapran hta hkawhkam sum kaba ni hpe pyi sharawt tawn da na ra ai. Rai ti mung dai yang e shi hpe karum la na kadai mung n nga ai sha shi si mat na ra ai.”

KASA 12:23

Dai shaloi jang Herod Hkawhkam gaw Karai Kasang hpe n shagrau n sha-a n kaw n law di wu ai majaw dai Madu a lamu kasa shi hpe kadawng taw mat shangun nna kan shingtai byet manu ni e sha nna si mat wa sai.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

1 HTESALONI 3:13

Ndai lam hku nna shi nanhte hpe shadaw shangang na ra ai. Anhte a Madu Yesu gaw shi a chyoi pra ai ni yawng hte rau bai du sa ai shaloi e, nanhte gaw anhte a Kawa Karai Kasang a man e hkum tsup nna chyoi pra san seng ai ni tai wa na marin dai.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.

YUDA 1:1

Yesu Hkristu a shangun ma hte Yaku a kanau ngai Yuda gaw, Karai Kasang e shaga la nna Kawa Karai Kasang a tsaw ra ai hte Madu Yesu a makawp maga ai hta asak hkrung nga ai ni hpe ga shana dat nngai.

SHINGRAN 2:23

Shi a hpang hkan nang ai ni hpe mung ngai sat kau na mawe ai. Dai shaloi ngai gaw, masha shagu a myit mang ai lam ni hte maw mawn ai lam ni hpe yawng chye ya ai Madu ngai rai nga nngai gaw, hpung ni chye lu na mara ai. Nanhte hta na langai hte langai hpe, tinang galaw sai amu hte maren ngai htang jaw na made ai.

1 SAMUELA 16:7

Rai ti mung, dai Madu gaw shi hpe, “Shi gaw kade wa mi hkum shingyan galu nna ahpraw tsawm htap nga wu ti mung, myit hkum shang sha et, ngai gaw masha e daw dan masat ai zawn n daw dan ai majaw, ngai shi hpe n la nngai. Masha gaw shinggan ahpraw asam hpe sha yu chye nga ai; rai ti mung ngai chyawm gaw myit masin hpe she yu nngai,” ngu nna tsun wu ai.

1 SAMUELA 2:9

“Shi gaw sadi sahka myit rawng ai amyu masha ni a asak hkrun lam ni hpe makawp maga ya nga ai, rai ti mung, n hkru ai ni chyawm gaw nsin kata hta hkoi mat na mara ai; masha gaw tinang a atsam hte dang lu ai n rai.