SHAKAWN KUNGDAWN 7:8 - Jinghpaw Common Language Bible 2009

⁸ Nang gaw masha amyu baw yawng hte a tara agyi wa rai nga ndai; Madu e, ngai hpa mara n kap nga nngai hpe nang chye nga ai rai nna, nye a maga de tsap nna tara dara ya e.

Jinghpaw Hanson Version Bible

⁸ Yehowa gaw masha amyu ni hpe jeyang nga ai. Yehowa e, ngai hta rawng ai dinghpring ai hte myit tsup ai hpe tau yu nna, ngai hpe tara dara ya e.

SHAKAWN KUNGDAWN 7:8 ပူးပေါင်းရင်းမြစ်များ

NINGPAWT NINGHPANG 18:25

Nang gaw teng teng mara n kap ai ni hpe sat kau na n rai nga ndai. Dai gaw mai byin na n rai! Shing re ai amu hpe nang galaw lu na n rai nga ai. Nang galaw ai rai yang, mara n kap ai ni mung, mara lu ai ni hte rau ari jaw ai hkrum na mu ai. Dai gaw n mai byin ai lam rai nga ai. Ga ntsa ting a tara agyi wa gaw teng man ai hku daw dan na rai wu ai,” ngu nna san wu ai.

NINGPAWT NINGHPANG 31:53

Abraham a Karai Kasang hte Nahora a Karai Kasang gaw an a lapran e jeyang ya nu ga,” ngu nna tsun wu ai. Dai hpang Yaku gaw ndai ga sadi grin nga u ga, shi kawa Isak nawku ai Karai Kasang a mying nsang hte dagam shaka da wu ai.

2 HKAWHKAM LABAU 20:12

Nang gaw anhte a Karai Kasang rai nga ndai, shanhte hpe ari jaw u; anhte hpe gasat nga ai ndai hpyen luksuk kaba a man hta anhte gaw karum la lam n lu ai ni she rai nga saga ai. Kaning rai galaw na mung anhte n chye saga ai, rai ti mung anhte chyawm gaw karum la hkrum na matu nang hpe sha mada yu nga saga ai law,” ngu nna nsen ja ja hte hpyi jahtau wu ai.

SHAKAWN KUNGDAWN 11:4

Dai Madu gaw shi a chyoi pra ai Nawku Htingnu hta e, nga nga ai; sumsing lamu hta shi a tingnyang nga nga ai. Shara shagu hkan nga nga ai amyu masha ni hpe shi mada yu nna, shanhte hpa galaw nga ma ai hpe chye nga ai.

SHAKAWN KUNGDAWN 25:21

Nang hpe ngai kam hpa nga nngai majaw, nye a mai kaja ai hte myit malang ai gaw ngai hpe bau sin nga u ga.

SHAKAWN KUNGDAWN 26:1

O Madu e, teng man ai lam hpe ngai galaw nna nang hta tsep kawp kam hpa nga nngai majaw ngai hpe mara n kap ai wa ngu nna htawn shana ya e.

SHAKAWN KUNGDAWN 26:11

Nye a matu chyawm gaw, tara ai lam hpe ngai galaw nga nngai; ngai hpe matsan dum ai hte hkye hkrang la e law!

SHAKAWN KUNGDAWN 41:12

Teng man ai amu hpe ngai galaw nga nngai majaw nang ngai hpe karum la na rin dai; nang gaw ngai hpe na a man e, htani htana bau sin na rin dai.

SHAKAWN KUNGDAWN 43:1

O Karai Kasang e, ngai hpe mara n kap ai wa ngu nna tsun shana ya e; n kam n sham ai masha ni kaw na nye a maw mawn ai lam hpe makawp maga ya e. Masu magaw ai ni hte n hkru n shawp ai masha ni a lata kaw nna ngai hpe hkrang shaw la e!

SHAKAWN KUNGDAWN 78:72

Dawi gaw shanhte hpe tinggyeng myit n rawng ai sha lanu lahku bau maka ai hte; kung kyang ai hpaji hte shanhte hpe woi lakawn wa nga sai.

SHAKAWN KUNGDAWN 82:1

Karai Kasang gaw sumsing lamu na kongsi hpe woi awn nga ai; karai ni a zup hpawng hta shi a daw dan ai lam hpe tsun dan nga ai;

SHAKAWN KUNGDAWN 9:8

Shi gaw mungkan ga hpe ding man ai hku up hkang nga nna; amyu baw ni hpe teng man rap ra ai tara hte shi jeyang nga ai.

SHAKAWN KUNGDAWN 96:13

Dai Madu gaw mungkan ga hpe up hkang na matu du sa wa ai shaloi, shi gaw mungkan ga na amyu masha ni hpe teng man rap ra ai tara ni hte up hkang na ra ai.

SHAKAWN KUNGDAWN 98:9

kawng ni e shi a man hta, kabu gara ai hte mahkawn jawm mahkawn shakawn nga mu. Shi gaw mungkan ga na amyu masha ni hpe teng man rap ra ai tara hte up hkang na ra ai.

GA SHAGAWP 19:1

Hkalem hkalau ga tsun nna angawk ai wa hta, myit malang nna matsan mayan rai nga na gaw, grau nna kaja nga ai.

KASA 17:31

Hpa majaw nga yang Madu lata san da sai wa a lata hte mungkan ga hpe tara malang ai hku daw dan na ninghtoi gaw shi tawn da nu ai rai nga ai. Dai wa hpe si ai kaw na shi hkrung sharawt la ai hte dai lata san da ai lam masha yawng hpe kam ram ai sakse madun dan nu ai,” ngu nna tsun wu ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

1 HTESALONI 2:10

Kam sham nga ai ni nanhte a man e anhte a arawn asam san seng nna teng man ai hte mara n rawng nga ai gaw anhte a matu nanhte nan sakse ni rai nga myit dai, dai hte maren Karai Kasang mung sakse rai nga ai.