SHAKAWN KUNGDAWN 7:6 - Jinghpaw Common Language Bible 2009

⁶ Madu e, Pawt sindawng ai hte rawt u! Nye a gumlau hpyen ni a sindawng kahtet ai hpe rawt ninghkap u; hprang u, ngai hpe karum la e! Nang hpyi ai gaw teng man rap ra ai lam rai nga ai.

Jinghpaw Hanson Version Bible

⁶ Yehowa e, masin pawt let rawt u; Nye a gumlau ni n-yun bu ma ai hpe, shabai ya mu. Nye a lam dum u; dawdan ai hku nang hkang da ngut sai.

SHAKAWN KUNGDAWN 7:6 ပူးပေါင်းရင်းမြစ်များ

2 SAMUELA 17:14

Absalom hte Israela masha ni yawng gaw, “Hushai a hpaji jaw ai ga mahtang Ahihtohpela jaw ai ga hta grau kaja nga ai,” ngu nna tsun ma ai. Dai gaw Ahihtohpela a kaja ai hpaji jaw ga hta n hkan mat wa lu hkra, Absalom a ntsa ru yak tsin-yam tsindam shapraw dat ai dai Madu a daw dan hpajang ai lam rai nga ai.

SHAKAWN KUNGDAWN 103:6

Madu gaw dip gamyet sha hkrum nga ai ni hpang maga de, tara dara ya nga nna; shanhte lu la ang ai ahkaw ahkang ni hpe jaw ya nga ai.

SHAKAWN KUNGDAWN 12:5

“Rai ti mung, ra kadawn ai ni gaw dip gamyet sha hkrum nga ma ai hte, zingri zingrat hkrum ai ni machyi madai sharung nga ma ai majaw, shanhte marit nga ai shim lam, ngai shanhte hpe jaw ya na matu, ya jang, ngai sa wa na nngai,” nga nna Madu tsun ai.

SHAKAWN KUNGDAWN 138:7

Ru tsang ai hte gawan da ai ngai hkrum nga ai shaloi, ngai hpe nang makawp maga da nga ndai. Nye a gumlau hpyen ni a sindawng kahtet ai hpe nang hkap shingdang ya nna, na a daru magam n-gun hte ngai hpe hkye hkrang la nga ndai.

SHAKAWN KUNGDAWN 143:3

Nye a gumlau hpyen wa ngai hpe hkan shachyut dep ni ai hte; ngai hpe atsai awai di nna dang kau nu ai. Shi gaw ngai hpe sin mak ai shara hta sharen da ai rai nna, moi na ten hta si mat wa sai ni zawn ngai rai nga nngai.

SHAKAWN KUNGDAWN 3:7

Madu e, sa rit! Nye a Karai Kasang e, ngai hpe hkye hkrang la e! Nang gaw nye a gumlau hpyen ni yawng hpe ari jaw ndai, ngai hpe machyi shangun lu ai shanhte a n-gun atsam hpe nang shadaw kau ya nga ndai.

SHAKAWN KUNGDAWN 35:1

Madu e, ngai hpe ninghkap ai ni hpe ninghkap kau u; ngai hpe gasat ai ni hpe mung, gasat kau u.

SHAKAWN KUNGDAWN 35:23

Madu e, na a myit hpe shajin u; Ngai hpe makawp maga la e; Nye a Karai Kasang e, rawt nna nye a maga de tsap nhtawm nye a amu hpe dangrang ya e.

SHAKAWN KUNGDAWN 44:23

Madu e, rawt u! Nang hpa rai yup pyaw nga n ta? Na a myit hpe shajin u! Anhte hpe htani htana hkum kau da nga et!

SHAKAWN KUNGDAWN 44:26

Anhte hpe karum la na sa rit! Na a dinggrin tsaw ra myit a majaw, anhte hpe hkye hkrang la mi law!

SHAKAWN KUNGDAWN 59:5

Chyahtum Chyalai n-gun rawng ai Madu Karai Kasang e, rawt u, ngai hpe karum la na sa rit; Israela a Karai Kasang e, nang hkum nan yu yu u! Rawt nna maigan masha ni hpe ari jaw u: gumle gumlau sadi n dung ai masha ni hpe matsan dum ai myit hkum madun nga et!

SHAKAWN KUNGDAWN 73:20

Madu e, shanhte gaw jahpawt manap aten hta mat mat ai yup mang ni zawn rai nga nna; Madu nang rawt wa ai shaloi, shanhte n nga nga masai.

SHAKAWN KUNGDAWN 74:3

Anhte a gumlau hpyen ni atsai awai hpya jahten kau sai Nawku Htingnu kata na arung arai ni mahkra hpe sa du gawan yu u.

SHAKAWN KUNGDAWN 78:65

Jahtum e, Madu gaw yup nga ai kaw na yup hprang wa ai wa zawn; sabyi ntsin a majaw myit katu kahtet wa nna n-gun ja ai share shagan wa zawn hprang wa nga sai.

ESAIA 3:13

Dai Madu gaw shi a amu tsun na matu jin jin rai nga ai; shi gaw shi a amyu masha ni hpe jeyang na matu jin jin rai nga ai.

ESAIA 33:10

Dai Madu gaw masha amyu baw ni hpe, “Ya chyawm gaw, ngai amu galaw na nngai. Ngai kade daram daru magam n-gun rawng nga nngai hpe madun dan na we ai.

ESAIA 37:20

Ya chyawm gaw, Madu anhte a Karai Kasang e, Asuri masha ni a lata kaw na anhte hpe hkye mawai la mi, shaloi mungkan ga na masha amyu baw ni yawng gaw nang chyu sha Karai Kasang rai nga ai hpe chye lu na mara ai.”

ESAIA 51:9

Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.