SHAKAWN KUNGDAWN 7:5 - Jinghpaw Common Language Bible 2009

⁵ nye a gumlau hpyen ni ngai hpe hkan shachyut rim nna, shanhte ngai hpe kahtum kadaw di sat kau nhtawm, asak n rawng sai ngai hpe ga ntsa e, kau da nga mu ga.

Jinghpaw Hanson Version Bible

⁵ Gumlau wa gaw nye a myit masin hpe hkan lep nna, Ga hta nye a asak kabye kau ya n ga, Nye a arawng ga nhpu hta a taw nga u ga. [Selah.]

SHAKAWN KUNGDAWN 7:5 ပူးပေါင်းရင်းမြစ်များ

YOBA 16:15

Lachyit sumpan hte galaw ai hpun nba ni bu hpun let ngai yawn madai nngai; ndai yang e, sum kadawng ai myi man hte ga nhpu hta dung nga nngai.

SHAKAWN KUNGDAWN 3:2

“Karai Kasang gaw shi hpe karum la na ra ai n rai,” nga nna, shanhte gaw nye a lam hpe tsun nga ma ai.

SHAKAWN KUNGDAWN 44:5

anhte gaw gumlau hpyen ni hpe na a daru magam n-gun hte dang ga ai.

SHAKAWN KUNGDAWN 49:12

Masha a galu kaba ai lam gaw si ai kaw nna shi hpe n lu hkum da nga ai; shi gaw dusat ni zawn naw si wa na ra ai.

SHAKAWN KUNGDAWN 60:12

Karai Kasang anhte a hpang maga de tsap yang, anhte awng padang lu la na ga ai; shi gaw anhte a gumlau hpyen ni hpe shamyit kau na ra ai.

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 63:3

Dai Madu gaw, “Ngai gaw masha amyu baw ni hpe sabyi si ni hpe zawn kabye anut kau ni ai, kadai mung ngai hpe sa karum la ai n rai. Ngai gaw masin pawt ai hte shanhte hpe kabye mani kau nngai, shanhte a asai gaw nye a hpun palawng ni yawng hta numsha mat sai.

YEREMIA 17:13

Madu e, nang gaw Israela a myit mada shara rai nga ndai; nang hpe kau da ai ni yawng kaya kahpa hkrum na mara ai. Shanhte gaw asak hka hpawk ngu ai nang Madu hpe kau da nga masai majaw ga nhpu hta ka da ai amying ni zawn shanhte hkoi mat wa na mara ai.

HABAKU 3:13

Nang gaw na a amyu masha ni hpe hkye la na matu mung, nang lata da sai hkawhkam wa hpe hkye la na matu mung pru sa wa nga ndai. Nang gaw n hkru ai ni a ningbaw wa hpe adup kadang kau nna shi a hpang hkan masha ni hpe tsep kawp shamyit kau nit dai.

ZEHKARIA 10:5

Yuda amyu masha ni gaw shanhte a gumlau hpyen ni hpe nmaw lam ntsa na hkumpup kata de kabye bang kau dat ai hte hpyenla ni zawn awng padang hkam la lu na mara ai. Dai Madu gaw shanhte hte rau rai nga ai majaw, shanhte gasat nna gumlau hpyen gumra jawn ai ni hpe pyi dang kau na mara ai.

MALAHKI 4:3

Ngai shabyin ai nhtoi hta, nanhte gaw tara n lang ai ni hpe ka-up kau ai hte shanhte mung nanhte a lagaw npu e taw ai ga nhpu zawn tai mat na mara ai.

1 SAMUELA 24:11

Yu yu u, nye wa e, ya ngai lang da nga ai na a ntsa palawng adaw achyen hpe mada yu u! Ngai nang hpe sat kau lu sha gaw rai sai, rai ti mung shing rai galaw na malai ndai adaw hpe sha kadoi di la nngai. Ndai hpe yu nna ngai nang hpe gumlau na matu n myit hkawn nga ai hpe mung, nang hpe n machyi shangun mayu ai hpe mung, nang hpe chye na hkawn hkrang shangun mayu nngai. Ngai chyawm gaw nang hpe hpa mung n shut n hpyit kau yu tim, nang mahtang ngai hpe sat kau na matu tam gyam hkawm nga ndai.

1 SAMUELA 24:18

Dai Madu gaw ngai hpe na a lata e ap ya tim nang ngai hpe n sat kau nit dai majaw, nye a ntsa e nang kade wa mai kaja nga ndai hpe dai ni nang madun dan nga nit dai.

1 SAMUELA 24:20

Ya nang gaw Israela hkawhkam tai na ra ai mung, dai mungdan gaw nang up hkang ai npu hta matut nna grin nga na mung, ngai hkrak chye ni ai.