SHAKAWN KUNGDAWN 7:3 - Jinghpaw Common Language Bible 2009

^3-4 O Madu nye a Karai Kasang e, ngai masha langai ngai hpe shut kau ni ai rai yang mung, nye a manang wa hpe gumle gumlau galaw kau ni ai rai yang mung, shing n rai, matu kata nye a gumlau hpyen wa a ntsa e, kashun kashe amu galaw kau ai hte, ndai lam langai ngai hpe ngai galaw hkrup kau ni ai rai yang mung,

Jinghpaw Hanson Version Bible

³ Nye a Karai Wa Yehowa e, ndai ngai galaw taw gaw, Nye a lata hta yubak kap nga taw gaw,

SHAKAWN KUNGDAWN 7:3 ပူးပေါင်းရင်းမြစ်များ

YOBA 11:14

N hkru ai amu hte shut hpyit ai amu ni hpe na a nta kaw nna yeng seng kau u.

SHAKAWN KUNGDAWN 22:12

Gumlau hpyen law law ni gaw ngai hpe usu ni zawn wang gawan da mi ai; Bashan ga na matse ai usu ni zawn shanhte ngai hpe shinggrup da mi ai.

SHAKAWN KUNGDAWN 22:20

Ngai hpe nhtu kaw na hkrang shaw la e; gwi ni kaw na, nye a asak hpe hkye hkrang la e.

SHAKAWN KUNGDAWN 59:3

Yu u! Shanhte gaw ngai hpe sat na matu ala nga ma ai; mazut ai masha ni ngai hpe hkap daw na matu zup hpawng nga ma ai. O Madu e, shanhte gaw shanhte a shara ni hta gasat na matu jin jin rai nga ai lam gaw, ngai galaw shut kau sai shut hpyit lam, shing n rai, yubak a majaw mung n rai, dai sha n ga, nye a mara langai ngai a majaw mung n rai nga ai.

SHAKAWN KUNGDAWN 66:18

Nye a yubak ni hpe ngai hpa zawn n nawn kau ai rai yang; dai Madu ngai hpe madat ya na wu ai n rai.

YAWSHU 22:22

“Chyahtum Chyalai N-gun rawng ai wa gaw Karai Kasang rai nga ai! Shi gaw dai Madu rai nga ai! Chyahtum Chyalai N-gun rawng ai wa gaw Karai Kasang rai nga ai! Shi gaw dai Madu rai nga ai! Shi gaw anhte ndai amu hpe hpa majaw galaw nga ga ai lam chye ai zawn nanhte hpe mung anhte chye shangun nga ga ai! Anhte gumlau nna dai Madu hta kam sham ai myit n rawng saga ai rai yang, anhte hpe galoi mung hkum jahkrung da mi!

1 SAMUELA 20:8

Chyeju hte ngai hpe matsan dum la e law; nang ngai hpe jaw ai dai chyoi pra ai ga sadi hpe shatup nga u law; rai ti mung ngai mara lu ai wa rai n yang gaw nang nan ngai hpe sat kau rit! Ngai hpe sat kau na she rai yang, hpa majaw na nwa kaw naw woi wa ra na rai ta?,” ngu nna tsun htang wu ai.

1 SAMUELA 22:13

Shawlu gaw shi hpe, “Nang hte Dawi hpa majaw ngai hpe gumlau na maw mawn myit ni? Nang gaw shi a matu Karai Kasang kaw hpa majaw san ya nhtawm lusha nkau mi hte nhtu langai mi jaw kau dat ya n ni? Ya chyawm gaw shi ngai hpe nhtang gumlau kau ni ai hte ngai hpe sat kau lu na ahkaw ahkang ginjang tam let ala nga ai!,” ngu nna tsun wu ai.

1 SAMUELA 22:8

Dai lam a majaw nanhte ngai hpe gumlau na maw mawn nga myit ni? Nye kasha nan Dawi hte jinghku galaw da masai mung, nanhte hta na kadai mung n tsun dan yu myit dai. Nye a matu langai mi mung myit n hkan tsang nang myit dai; nye kasha nan shi hpe n-gun jaw nhtawm ngai hpe sat kau na matu ndai aten hta ahkaw ahkang la mayu nga ai dai nye a masha hta na Dawi a lam, ngai hpe n tsun dan myit dai!,” ngu nna tsun wu ai.

1 SAMUELA 24:11

Yu yu u, nye wa e, ya ngai lang da nga ai na a ntsa palawng adaw achyen hpe mada yu u! Ngai nang hpe sat kau lu sha gaw rai sai, rai ti mung shing rai galaw na malai ndai adaw hpe sha kadoi di la nngai. Ndai hpe yu nna ngai nang hpe gumlau na matu n myit hkawn nga ai hpe mung, nang hpe n machyi shangun mayu ai hpe mung, nang hpe chye na hkawn hkrang shangun mayu nngai. Ngai chyawm gaw nang hpe hpa mung n shut n hpyit kau yu tim, nang mahtang ngai hpe sat kau na matu tam gyam hkawm nga ndai.

1 SAMUELA 24:9

“Ngai mahtang nang hpe machyi hkra mat hkra shakut nga nngai, ngu nna masha ni tsun kajai nga ai hpe nang hpa majaw madat kau n ni?