SHAKAWN KUNGDAWN 7:2 - Jinghpaw Common Language Bible 2009

² shing n rai yang, shanhte gaw hkanghkyi zawn ngai hpe kawa hpai mat wa na maru ai, ngai hpe hkye hkrang la na, kadai mung n nga ai shara hta, shanhte gaw ngai hpe ashep ashin di gang je kau na mu ai.

Jinghpaw Hanson Version Bible

² Hkrang la ai wa n nga yang, dai hpe n ashin kau u ga, Hkan shachyut ai ni yawng kaw na ngai hpe hkye la nna shaw la e law.

SHAKAWN KUNGDAWN 7:2 ပူးပေါင်းရင်းမြစ်များ

2 SAMUELA 14:6

Madu e, ngai shadang sha lahkawng lu nngai; lani mi na aten hta shan hpe je la na masha kadai n nga ai pa hkan e ga law ningdang hkat nna gasat hkat ma ai; shaloi langai wa mi gaw kaga langai wa hpe sat kau wu ai.

YOBA 10:7

Ngai mara n lu nga nngai mung, na a lata kaw na ngai hpe kadai n hkye la lu ai hpe mung nang chye nga ndai.

SHAKAWN KUNGDAWN 10:9

Shi gaw hkanghkyi langai zawn lagyim shara hta la nga nhtawm; matsan mayan ni hpe gamu rim la na shi la nga let, shi gaw shi a mahkam hta shanhte hpe rim bang ai hte shanhte hpe tsan tsan de garawt mat wa wu ai.

SHAKAWN KUNGDAWN 11:1

Madu hta shim nga lu na matu ngai kam hpa nngai. “Ntsa malen u langai mi zawn bum ni hkan pyen hkawm u,

SHAKAWN KUNGDAWN 16:1

O Karai Kasang e, Ngai hpe makawp maga la e, Shim nga na matu, ngai nang hpe kam hpa nga nngai.

SHAKAWN KUNGDAWN 17:12

Shanhte ni gaw hkanghkyi ni zawn ngai hpe ashep ashin di nna, gang amya je kau na matu, gyem ai hte la nga ma ai.

SHAKAWN KUNGDAWN 22:13

Shanhte gaw hkanghkyi ni zawn, n-gup ni hpe mahka nna; shabam ai hte ngai hpe amya je nga ma ai.

SHAKAWN KUNGDAWN 31:2

Ngai hpyi ai ga hpe na ya e! Ngai hpe ya jang hkye hkrang la e! Ngai hpe makawp maga la na matu, nye a shingbyi shara tai nga u; ngai hpe hkye hkrang la na matu, nye a makawp ninggang tai nga u.

SHAKAWN KUNGDAWN 35:15

Rai ti mung, ngai ru yak tsin-yam hkrum nga ai shaloi, shanhte yawng kabu gara nga ma ai; ngai hpe jawm shinggrup da nna asawng asang di mi ai. Tsasam masha ni ngai hpe gayat ai hte ngai hpe n sim n sa kahpret nga ma ai.

SHAKAWN KUNGDAWN 50:22

“Ngai hpe malap mali rai nga ai wa nang e, ndai ga ni hpe madat yu u: shing n rai, ngai nanhte hpe jahten sharun kau na nngai, nang hpe hkye hkrang la na kadai mung nga na n rai.

SHAKAWN KUNGDAWN 59:2

N hkru n shawp ai masha ni a lata kaw nna ngai hpe hkye hkrang la e; masha sat amu galaw ai ni a lata kaw nna mung, ngai hpe mawai la e!

GA SHAGAWP 19:12

Hkawhkam wa a masin kahtet ai gaw hkanghkyi shabam ai zawn rai nga ai; shi a chyeju myit gaw marang nhpaw hte bung nga ai.

ESAIA 38:13

Ngai gaw shana tup nchyi nmu hte marawn hkrap nngai, Hkanghkyi gaw nye a nrut nra ni hpe agrawp kau ya ai zawn Karai Kasang gaw nye a asak hpe jahtum kau ya nga sai ngu, ngai myit nawn kau we ai.

TARA JAHPRANG 33:20

Gad amyu bawsang hte lakap nna ning ngu tsun wu ai: “Gad a lamu ga hpe maden jat ya ai Karai Kasang hpe shakawn mu; Gad gaw hkanghkyi zawn ala nga nna, lata sha n-ga, baw hpe pyi amya je kau na ra ai.

2 TIMOHTI 4:17

Rai ti mung Madu gaw ngai hte rau nga nna ngai hpe n-gun lagaw shaja ya nga ai majaw ngai gaw maigan amyu masha ni yawng na lu hkra dai Kabu Gara Shiga hpe hkum hkum tsup tsup hkaw dan lu u ga, sat kau na daw dan hkrum ai kaw na mawai la ai hkrum ni ai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.