SHAKAWN KUNGDAWN 7:12 - Jinghpaw Common Language Bible 2009

¹² Shanhte gaw shanhte a lam ni hta n galai shai ai rai yang, Karai Kasang gaw shi a nhtu hpe garang shadai ya wu ai. Shi gaw shi a ndan hpe shachyen nna dai hpe gap na matu jin jin rai nga na ra ai;

Jinghpaw Hanson Version Bible

¹² Masha myit n kayin yang shi nhtu garang nna, Shi a ndan dawn nna, jin jin rai nga ai.

SHAKAWN KUNGDAWN 7:12 ပူးပေါင်းရင်းမြစ်များ

NINGPAWT NINGHPANG 18:25

Nang gaw teng teng mara n kap ai ni hpe sat kau na n rai nga ndai. Dai gaw mai byin na n rai! Shing re ai amu hpe nang galaw lu na n rai nga ai. Nang galaw ai rai yang, mara n kap ai ni mung, mara lu ai ni hte rau ari jaw ai hkrum na mu ai. Dai gaw n mai byin ai lam rai nga ai. Ga ntsa ting a tara agyi wa gaw teng man ai hku daw dan na rai wu ai,” ngu nna san wu ai.

SHAKAWN KUNGDAWN 129:4

Rai ti mung, ding man ai wa ngu ai dai Madu gaw, mayam yam ai kaw nna, ngai hpe shalawt la nu ai.

SHAKAWN KUNGDAWN 85:4

Anhte a hkye la Madu Karai Kasang e, anhte hpe mi na hte maren bai hkap la mi, anhte hpe n yu ra hkum rai nu yaw!

SHAKAWN KUNGDAWN 9:5

Nang gaw tara maigan ni hpe daw dan nna, tara n lang ai ni hpe shamyit kau nit dai; shanhte hpe galoi mung dum sana n rai.

ESAIA 27:1

Dai shani e, dai Madu gaw hkram shingkun ai hte magyi magaw re ai baren numraw Lewihtan hpe ari jaw na matu mung, panglai kata rawng ai numraw hpe sat na matu mung shi a daru magam n-gun hte si shangun lu ai nhtu hpe lang na ra ai.

ESAIA 34:5

Dai Madu gaw sumsing lamu hta shi a nhtu hkyen lajang da nu ai, ya chyawm gaw dai hte Edom mung hte jahten kau na matu shi daw dan kau nu ai masha ni hpe adup kayat na ra ai.

EZEKELA 18:30

“Ya chyawm gaw, nanhte galaw dan sai arawn alai hte maren, nanhte langai hte langai hpe tara jeyang na nngai, nga nna dai Tsaw Htum ai Madu ngai nan Israela amyu masha ni hpe tsun nga nngai. Nanhte galaw shut kau ai yubak gaw nanhte hpe n jahten kau u ga, nanhte galaw shut hpyit kau ai n hkru n shawp ai amu yawng kaw nna kayin wa marit.

EZEKELA 21:23

Yerusalem hta shanu nga ai amyu masha ni gaw shanhte galaw da lu sai jinghku ga shaka ni a majaw ndai tsun shadum ai ga ni hpe n kam ma ai. Rai ti mung, ndai zawn jau nna hkaw tsun tawn ai ga gaw shanhte galaw ai yubak ni hpe dum shangun ai hte shanhte rim la hkrum na mara ai lam ni hpe shadum jahprang ai lam rai nga ai.

EZEKELA 33:11

Tsaw Htum ai dai Madu ngai gaw ahkrung nga ai Karai Kasang rai nga nngai, dai majaw yubak kap ai wa si mat wa na hpe yu kabu nga nngai n rai. Yubak galaw ai hpe kau da nna hkrung nga na hpe ngai yu sharawng nga nngai ngu shanhte hpe htawn tsun u. Israela e, nang galaw nga ai dai n hkru n shawp ai amu hpe kau da u. Nang hpa majaw si mayu nga n ta?

MAHTE 3:10

Hpun ni hpe ru npawt kaw nna kran daw kau na matu ningwa hpe hkyen tawn da chyalu rai nna, asi kaja n si ai hpun shagu hpe kran daw kau nna, wan hta kabai bang kau na ra ai.

KASA 3:19

Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,

TARA JAHPRANG 32:41

tu ala ai nye a nhtu hpe ngai galaw garang nna, teng man rap ra ai amu galaw nga sai hpe mu na mara ai. Nye a gumlau hpyen ni hpe ngai matai htang nna, ngai hpe n ju n dawng ai ni hpe ari jaw na mawe ai.