SHAKAWN KUNGDAWN 69:8 - Jinghpaw Common Language Bible 2009

⁸ Nye a hpu nau ni hta tsasam wa zawn, nye a dinghku masha ni hta maigan masha langai mi zawn ngai rai nga nngai.

Jinghpaw Hanson Version Bible

⁸ Nye hpunau ni hta tsasam wa zawn ngai rai nga nna, Nu a kasha ni hta sumtsan masha ngai rai mat ni ai.

SHAKAWN KUNGDAWN 69:8 ပူးပေါင်းရင်းမြစ်များ

SHAKAWN KUNGDAWN 31:11

Nye a gumlau hpyen ni yawng hta, grau nna nye a htingbu ni ngai hpe n kaw n law di mi ai; ngai hpe chye ai ni mung, ngai hpe hkrit nna, shanhte gaw ngai hpe lam nmaw e mu mada ma ai shaloi; shanhte hprawng kagat mat wa ma ai.

SHAKAWN KUNGDAWN 38:11

Nye a ningma ni a majaw, nye a manang ni hte htingbu ni ngai kaw n ni sa wa na ma ai; nye a dinghku pyi ngai hpe gang kau da nga ai.

SHAKAWN KUNGDAWN 89:51

Madu e, nang lata san da ai hkawhkam wa hpe na a gumlau hpyen ni n kaw n law di nga ma ai! Shi hkawm sa ai shara shagu hta, shi hpe asawng asang di mu ai.

SHAKAWN KUNGDAWN 89:52

Madu hpe htani htana shakawn kungdawn nga mu law! Amen! Amen!

ESAIA 50:6

Ngai hpe kayat ai ni hpe nye a shingma shakrin ja ya nngai. Shanhte ngai hpe n kaw n law di nna, nye a nhka mun ni hpe gang baw ai hte nye a myi man hpe mayen mahtaw bun ai shaloi, ngai shanhte hpe jahkring we ai n rai.

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

ESAIA 53:4

“Rai ti mung shi gaw anhte hkam sha ang ai nni nkri hte anhte gun ang ai nchyi nmu hpe hkam sharang ya nga sai. Shi a nni nkri gaw Karai Kasang jaw ai ari rai nga ai ngu, aten shagu anhte myit nawn la ga ai.

YEREMIA 15:15

Dai hpang, ngai gaw, “Madu e, nang chye nga ndai; ngai hpe dum nga e law. Ngai hpe zingri zingrat ai ni hpe ngai matai dawp lu n-ga law. Shanhte ngai hpe sat ai hta awng dang ai hpe grai wa hkum yu sharang nga et. Na a majaw ngai n kaw n law hkrum nga nngai hpe dum nga u.

MAHTE 26:56

Rai ti mung ndai lam yawng hte byin wa ai chyawm gaw, myihtoi ni ka da ai laika ni dik wa mu ga majaw byin wa sai,” ngu mu ai. Shaloi jang sape ni yawng shi hpe kau da nna hprawng mat wa ma ai.

YAWHAN 1:11

Mungga gaw shi a buga mungdan de du sa ra ai, rai ti mung shi a amyu bawsang ni shi hpe n hkap la ma ai.

YAWHAN 7:5

Shi a kanau ni pyi shi hpe n kam n sham ma ai.)

1 SAMUELA 17:28

Dawi hte dai masha ni shaga hkat ai ga hpe Dawi a kahpu kaba Eliaba na wu ai. Shaloi shi masin pawt ai hte Dawi hpe, “Nang ndai yang e hpa sa galaw nga n ta? Na a sagu ni hpe nam mali kata e kadai wa rem ya nga a ta? Nang gaw maka n kap ai ma she rai nga n hka! Nang gaw gasat gala hpe yu azi na matu sa du nga ai n rai hka!,” ngu nna tsun wu ai.