SHAKAWN KUNGDAWN 69:5 - Jinghpaw Common Language Bible 2009

⁵ O Karai Kasang e, nye a yubak ni hpe nang kaw na makoi magap da lu nga ai n rai; ngai kade sha angawk lai wa sai hpe mung nang chye nga ndai.

Jinghpaw Hanson Version Bible

⁵ Karai Kasang e, ngai angawk ai amu nang chye nga ndai, nye a mara mung, na a man e up da lu ai n rai.

SHAKAWN KUNGDAWN 69:5 ပူးပေါင်းရင်းမြစ်များ

SHAKAWN KUNGDAWN 17:3

Nang gaw nye a myit masin hpe chye ya nga ndai. Shana aten hta, nang gaw ngai kaw du sa nna, ngai hpe akri akrai san jep yu nit dai, ngai hta n hkru ai myit hpa mung n rawng nga ai hpe nang mu ya nga ndai.

SHAKAWN KUNGDAWN 19:12

Tinang nang a shut ai lam ni hpe kadai wa mung n mu lu nga ai; Madu e, makoi magap da ai yubak mara kaw na mung, ngai hpe hkrang shaw la e!

SHAKAWN KUNGDAWN 35:19

Masu magaw ai nye a gumlau hpyen ni gaw ngai hpe dang kau lu ma ai majaw gumrawng ai lam hkum byin shangun et! Lachyum n pru ai sha, ngai hpe n ju n dawng ai ni, ngai yawn hkyen hkrum ai hpe mu nna, hkrum sha sahka, nga nna hkum kabu shangun et!

SHAKAWN KUNGDAWN 38:5

Ngai gaw angawk angak rai mat ni ai majaw, nye a nma ni yat nna manam hkying nga li ai.

SHAKAWN KUNGDAWN 38:9

O Madu e, ngai hpa hpe ra marit nga ai gaw nang chye nga ndai; nye a madai ai nsen ni yawng hpe mung nang na ya nga ndai.

YEREMIA 16:17

Shanhte galaw ai lam shagu hpe ngai mu nngai. Hpa mung ngai kaw nna makoi gyem lu ai n rai. Shanhte galaw ai yubak mara ni gaw nye a man kaw na hprawng lawt mat wa lu nga ai n rai.