SHAKAWN KUNGDAWN 69:35 - Jinghpaw Common Language Bible 2009

³⁵ Shi gaw Yerusalem mare hpe hkye hkrang la na ra ai hte Yuda mung na mare ni hpe mung bai gaw gap da na ra ai. Shi a amyu masha ni dai shara hta shanu nga lu nna, lamu ga hpe madu lu na mara ai;

Jinghpaw Hanson Version Bible

³⁵ Karai Kasang gaw Ziun hpe hkye hkrang la nna, Yuda a mare ni hpe de ya nga mu ai. Dai ni hta e shanhte nga nga nna, madu lu na mara ai.

SHAKAWN KUNGDAWN 69:35 ပူးပေါင်းရင်းမြစ်များ

1 HKAWHKAM LABAU 16:32

Panglai hte dai hta rawng marawng hkrung kanu shagu hte e, nsen kaba hte kashaw nga mu; pa ni hte dai yang na nga manga hte e, kabu gara nga mu.

SHAKAWN KUNGDAWN 102:13

Nang rawt wa nna, Ziun mare hpe matsan dum na rin dai; dai mare hpe matsan dum na aten du wa nga sai, dai aten gaw ya e nan rai nga ai.

SHAKAWN KUNGDAWN 102:16

Madu gaw Ziun mare hpe bai gaw gap da ai shaloi, shi a galu kaba ai lam hpe madun dan na ra ai.

SHAKAWN KUNGDAWN 145:10

Madu e, nang hpan da ai hkrung mahkrung yawng hte gaw nang hpe shakawn na mara ai hte, na a amyu masha ni yawng hte mung nang hpe chyeju dum shakawn na mara ai.

SHAKAWN KUNGDAWN 145:21

Ngai gaw dai Madu hpe tut nawng e shakawn kungdawn nga na nngai; shi hpan da ai hkrung mahkrung yawng hte gaw shi a chyoi pra ai mying nsang hpe htani htana shakawn kungdawn nga mu ga law.

SHAKAWN KUNGDAWN 148:4

Tsaw htum ai sumsing lamu ni hte lamu a ntsa hta nga nga ai hka hpung ni e, shi hpe shakawn mu.

SHAKAWN KUNGDAWN 51:18

Karai Kasang e, Ziun hpe matsan dum nna shi hpe karum u; Yerusalem mare a bunghku ni hpe bai gaw gap da u.

ESAIA 14:32

Anhte gaw Hpilisti mung kaw nna anhte hpang de du sa wa ai kasa ni hpe kaning ngu htan na rai ga ta? Anhte gaw shanhte hpe dai Madu gaw Ziun hpe gaw da nu ai; nni nkri hkam sha nga ai shi a amyu masha ni gaw dai yang e shim lum lam mu tam la na mara ai, ngu tsun dan na ga ai.

ESAIA 44:23

Sumsing lamu ni e, kabu gara jahtau mu! Ginding aga a sung ai shara ni e, jahtau mu! Bum ni hte nam maling na hpun shagu hte e, kabu gara jahtau mu! Dai Madu gaw shi a amyu masha ni hpe hkye la ai hku, shi a galu kaba ai hpe madun dan nu ai.

ESAIA 44:26

Rai ti mung, nye a shangun ma wa myihtoi ga tsun ai mung, nye a yaw shada lam ni shadan dan na matu kasa langai shangun dat ai shaloi mung, ngai gaw ndai yaw shada lam ni hte myihtoi ga ni hpe teng sha byin shangun nngai. Amyu masha ni Yerusalem hta bai shanu nga na lam mung, shanhte gaw Yuda mung na mare ni hpe bai de da na lam ni hpe mung ngai tsun nngai. Ndai mare ni hten run mat sai kaw na rawt wa na mara ai.

ESAIA 46:13

Ngai gaw ni sa wa nga ai awng padang nhtoi hpe la sa wa nga nngai, dai gaw tsan nga ai n rai. Nye a padang ninglaw gaw htingnai nga na n rai. Ngai gaw Yerusalem hpe hkye la ai hte dai yang e Israela a matu arawng sadang tawn da ya na nngai.”

OBEDIA 1:17

“Rai ti mung Ziun Bum ntsa e, nkau mi hprawng lawt lu nna, dai shara gaw chyoi pra ai shara tai na ra ai. Yaku a amyu masha ni gaw shanhte a ahkaw ahkang hte maren, dai lamu ga hpe madu la lu na mara ai.

SHINGRAN 14:1

Dai hpang ngai yu dat yang, Ziun bum ntsa e dai Sagu Kasha tsap nga ai hpe ngai mu nngai. Shi a mying hte shi a Kawa a mying hpe shanhte a lahtan ni hta shakap da ai masha 144,000 hte gaw Sagu Kasha hte rau rai nga ma ai.