SHAKAWN KUNGDAWN 69:33 - Jinghpaw Common Language Bible 2009

³³ Dai Madu gaw ra kadawn nga ai ni a akyu hpyi ga ni hpe madat ya nga nna; bawng dung nga ai shi a amyu masha ni hpe n malap kau nga ai.

Jinghpaw Hanson Version Bible

³³ Yehowa gaw matsan mayan ni hpe madat ya nga nna, Shi bawng dung ai ni hpe, n gawn n sawn di mu ai n rai.

SHAKAWN KUNGDAWN 69:33 ပူးပေါင်းရင်းမြစ်များ

SHAKAWN KUNGDAWN 68:6

Garen gari nga ai wa hpe shanu nga na nta shi jaw ya nga ai; bawng dung ai ni kabu gara ai shanglawt ahkaw ahkang lu la na matu, shi woi awn nga ai; rai ti mung, gumlau ai ni gaw akrin akraw re ai lamu ga hta shanu nga na mara ai.

SHAKAWN KUNGDAWN 146:7

Shi gaw dip gamyet sha hkrum ai ni a hpang maga de, tara dara ya nna; kaw si hkrum ai masha ni hpe lusha shahpa jaw ya nga ai. Dai Madu gaw bawng dung ai ni hpe mung shalawt dat wu ai.

SHAKAWN KUNGDAWN 12:5

“Rai ti mung, ra kadawn ai ni gaw dip gamyet sha hkrum nga ma ai hte, zingri zingrat hkrum ai ni machyi madai sharung nga ma ai majaw, shanhte marit nga ai shim lam, ngai shanhte hpe jaw ya na matu, ya jang, ngai sa wa na nngai,” nga nna Madu tsun ai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

EHPESU 3:1

Ndai lam a majaw, Hkristu a bawng dung ai wa ngai Pawlu gaw, nanhte maigan masha ni a matu Karai Kasang kaw akyu hpyi ya nngai.

LUKA 4:18

“Madu a Wenyi nye a ntsa e nga nga ai: matsan mayan ni hpe Kabu Gara Shiga hkaw tsun dan na matu, Shi ngai hpe namman jaw ya ni ai. bawng dung ai ni hpe shalawt lu na lam, myi kyaw ai ni hpe myi bai mu na lam, hkaw tsun na matu mung, zingri zingrat hkrum ai ni hpe dat dat shangun na hte,

SHAKAWN KUNGDAWN 102:20

Shi gaw bawng dung ai ni a madai ai nsen hpe na ya nna; si na matu, daw dan hkrum nga ai ni hpe shalawt dat nga ai.

SHAKAWN KUNGDAWN 102:17

Shi gaw kabai kau da hkrum ai shi a amyu masha ni a nsen ni hpe na wa na ra ai; shanhte a akyu hpyi ga ni hpe madat ya na ra ai.

SHAKAWN KUNGDAWN 34:6

Matsan mayan hkrum ai masha ni shi hpe shaga yang, shi htan ya nga ai; shi gaw shanhte a ru yak tsin-yam yawng kaw na shanhte hpe hkye hkrang la nga ai.

SHAKAWN KUNGDAWN 10:17

O Madu e, grit nem ai ni a akyu hpyi ga ni hpe nang madat ya na rin dai; nang gaw shanhte hpe nden marai jaw ya na ra ai.

ESAIA 66:2

Ngai hkum nan nga yawng danghta n-gawn tawa ting hpe hpan da ni ai! Ngai gaw shagrit shanem ai hte myit malai lu nna ngai hpe hkrit kamyin ai hte nye a ga madat mara ai ni hpe awng sharawng nga nngai.

SHAKAWN KUNGDAWN 107:10

Masha nkau mi gaw nsin kata hta myit nchyi nmu hte sharen da ai hkrum nga nna; bawng dung ai masha ni mung hpri sumri hte gyit da ai nni nkri hpe hkrum sha nga mu ai.

SHAKAWN KUNGDAWN 22:27

Amyu baw ni yawng hte gaw Madu hpe dum na mara ai. Mungkan shara shagu de na masha ni shi kaw kayin wa na mara ai; Masha amyu baw yawng hte mung, shi hpe nawku daw jau na mara ai.

SHAKAWN KUNGDAWN 34:3

Dai Madu a galu kaba ai lam hpe ngai hte rau htawn tsun ga; shi a mying nsang hpe anhte jawm shakawn ga!

AMO LAIKA (AMOS) 5:4

Dai Madu gaw Israela amyu masha ni hpe, “Ngai hpang de sa marit, nanhte hkrung nga na rai myit dai.

AMO LAIKA (AMOS) 5:6

Dai Madu kaw sa mu, nanhte hkrung nga lu na rai myit dai. Nanhte n sa ai rai yang, Israela amyu masha ni a ntsa e wan hkrat bun ai zawn ye magawn mat wa na ra ai. Wan gaw Behtela masha ni hpe hkru kau nna kadai mung dai hpe sat kau lu na ra ai n rai.