SHAKAWN KUNGDAWN 69:27 - Jinghpaw Common Language Bible 2009

²⁷ Shanhte a yubak yawng hte hpe jahpan galaw nna mazing da u; na a hkye hkrang la ai lam hta shanhte hpe daw chyen mi sha pyi, hkum hkam la shangun et.

Jinghpaw Hanson Version Bible

²⁷ Shanhte a mara ntsa e, mara kahtap ya nna, Na a dingman ai shara hta e, Shanhte hpe hkum jashawn la mu.

SHAKAWN KUNGDAWN 69:27 ပူးပေါင်းရင်းမြစ်များ

NEHEMIA 4:5

Shanhte galaw ai n hkru ai amu a matu, mara hkum dat ya et. Shanhte gaw bunghku galaw nga ai anhte hpe n kaw n law di mani ai majaw shanhte a yubak mara ni hpe hkum malap kau et,” ngu nna hpyi se ai.

YOBA 19:22

Nanhte gaw hpa majaw Karai Kasang galaw ai zawn ngai hpe zingri lu na rai myit ni? Nanhte gaw ngai hpe myit dik hkra n zingri lu nga myit ni?

SHAKAWN KUNGDAWN 109:14

Madu gaw shi a kaji kawa ni galaw ai n hkru n shawp ai amu ni hpe adum ya nga u ga; shi a kanu tawt lai ai yubak ni hpe galoi mung n raw dat ya lu u ga.

SHAKAWN KUNGDAWN 24:5

Dai Madu shanhte hpe shaman ya nna, shanhte hpe hkye hkrang la na ra ai; Karai Kasang gaw shanhte hpe mara n kap ai ni ngu nna tsun na ra ai.

SHAKAWN KUNGDAWN 81:12

Shing rai, shanhte a baw ja ai lam hku sa wa lu mu ga; shanhte ra mara hpe galaw lu mu ga, ngai shanhte hpe ahkang jaw dat nngai.

PRU MAT 8:15

Hkawhkam wa gaw shu ni si jawng nga ai hpe mu jang, dai Madu tsun da nu ai hte maren, shi a myit masin bai ja wa ai hte Mawshe yan Arun a ga bai n madat ya wu ai.

PRU MAT 8:32

Rai ti mung ndai aten du hkra, hkawhkam wa masin naw ja nga ai rai nna amyu masha ni hpe n dat ya hkraw wu ai.

PRU MAT 9:12

Rai ti mung dai Madu gaw hkawhkam wa hpe myit shaja ya wu ai rai nna dai Madu tsun da nu ai hte maren, Mawshe yan Arun a ga hpe hkawhkam wa n madat ya wu ai.

ESAIA 26:10

N hkru ai ni hpe nang matsan yu dum ti mung, shanhte gaw jaw ai amu galaw na matu galoi mung n sharin la nga ma ai. Ndai ding hpring ai amyu masha ni a lamu ga hta pyi shanhte gaw shut hpyit ai amu naw galaw ma ai; shanhte gaw na a galu kaba ai lam hpe hkap la na matu ningdang nga ma ai.

ESAIA 5:6

Ngai gaw dai hpe tsing ni hte shalim kau shangun na we ai. Ngai gaw sabyi ru ni hpe tsan kau na n rai, aga hpe chye pawm ya na n rai; shing di na malai, ngai gaw dai shara hpe ju hpun ni hte ka-up da shangun na nngai. Ngai gaw de a ntsa e marang jahtu ya na matu, sumwi ni hpe hkum shadang da na nngai.”

ESAIA 53:4

“Rai ti mung shi gaw anhte hkam sha ang ai nni nkri hte anhte gun ang ai nchyi nmu hpe hkam sharang ya nga sai. Shi a nni nkri gaw Karai Kasang jaw ai ari rai nga ai ngu, aten shagu anhte myit nawn la ga ai.

JAW JAU 26:39

Nanhte galaw ai yubak hte nanhte a kaji kawa ni a yubak majaw nanhte a gumlau hpyen ni a mung hta naw ngam nga ai kau chyen mi gaw yawm mat na mara ai.

MAHTE 21:19

Shaloi lam makau e tu ai maihpang hpun langai mi hpe mu wu yang, dai de shi sa wu ai, rai ti mung dai hpun hta lap ni hta kaga hpa n mu wu ai. Dai majaw shi gaw, “Ya kaw nna prat dingsa e, nang hta asi bai n si n ga!,” ngu nna dai hpun hpe tsun wu ai. Maihpang hpun mung kalang ta shaloi jang hkraw nyip mat wa ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

ROMA 9:18

Dai rai nna Karai Kasang gaw, Kadai hpe mung chyeju galaw mayu yang galaw nga ai, kadai hpe mung myit shaja mayu yang shaja ya nga ai.

ROMA 9:31

Rai ti mung, Israela amyu masha ni gaw Karai Kasang a man e ding hpring wa shangun na tara langai mi hpe tam shakut ma timung n mu tam ma ai.

2 TIMOHTI 4:14

Janghkam Alexandru gaw ngai hpe n kaja ai law law wa galaw ni ai; shi galaw ai hte maren dai Madu gaw shi hpe bai tai htang jaw na ru ai.