SHAKAWN KUNGDAWN 69:24 - Jinghpaw Common Language Bible 2009

²⁴ Shanhte a ntsa e, na a masin kahtet ai hpe ru bun u; na a sindawng kahtet ai gaw shanhte hpe dep nga u ga.

Jinghpaw Hanson Version Bible

²⁴ Na a n-yun bu ai shanhte a ntsa e ru bun nna, Na a sindawng kahtet ai shanhte hpe lep mu ga.

SHAKAWN KUNGDAWN 69:24 ပူးပေါင်းရင်းမြစ်များ

SHAKAWN KUNGDAWN 79:6

Nang hpe nawku daw jau ai lam n galaw ai ni, nang hpe akyu n hpyi ai masha amyu ni a ntsa e, na a masin kahtet ai lam, ru bun dat u.

PRU MAT 15:15

Edom ningbaw ni hkrit tsang nga ma ai; Moba a chyalai n-gun rawng ai masha ni mung hkrit gari nga ma ai; Hkanan masha ni nden n ja mat manu ai.

ESAIA 13:8

Shanhte gaw shinggyim machyi ai numsha zawn yawng hte gaw hkrit kajawng ai hte nchyi nmu hkrum sha na mara ai. Shanhte gaw hkrit ai myit hte shada da yu hkat na mara ai; shanhte a myi man ni gaw kaya kahpa hte hkyeng mat na mara ai.

HOSEA 5:10

Dai Madu gaw, “Yuda ningbaw ni gaw Israela hpe shang gasat nna shi kaw na lamu ga lagu ye la nga ma ai majaw ngai masin pawt nga nngai. Dai rai nna ngai gaw shanhte a ntsa e hka mawru zawn ari jahkrat bun na nngai.

ZEHKARIA 1:6

Nye a shangun ma myihtoi ni hku nna nanhte a kaji kawa ni hpe hkang da ai ga ni hte shadum jahprang ai ga ni jaw ya ni ai, rai ti mung shanhte mahtang dai ga ni hpe hpa n nawn ya ma ai majaw byin wa na nni nkri hkam sha manu ai. Galaw na ngu ngai shatawng shada da sai hte maren, shanhte hkam la ging sai hpe Chyahtum Chyalai N-gun rawng ai dai Madu ngai nan shanhte hpe ari jaw ni ai majaw shanhte myit malai wa ai hte ngai hpe yin la nga masai.

LUKA 21:22

Hpa majaw nga yang, Chyum Laika ni hta tsun da ai lam ni yawng mayawng dik wa lu na matu mara, ‘Jeyang daw dan nna ari jaw ai Nhtoi ni rai na ra ai.’

TARA JAHPRANG 31:17

Dai zawn byin wa ai shaloi, ngai gaw masin pawt wa nna shanhte hpe kabai kau na mawe ai. Shaloi shanhte hten byak ai hkrum na mara ai. Hkrit hpa ru yak tsin-yam tsindam law law gaw shanhte a ntsa e du pru wa nna shanhte a Karai Kasang ngai nan shanhte hte rau n nga ai a majaw dai tsin-yam tsindam ni pru wa nga ai hpe shanhte myit dum wa na mara ai.

SHINGRAN 16:1

Bai, dai lamu kasa sanit hpe, “Pru sa nna, Karai Kasang a pawt sindawng kahtet ai rawng ai gawm sanit hpe ga ntsa de ru bun dat mu!,” nga nna dai nawku htingnu kaw na ngoi pru ai nsen kaba ngai na nngai.