SHAKAWN KUNGDAWN 69:23 - Jinghpaw Common Language Bible 2009

²³ Shanhte a myi ni n mu lu mat hkra, shanhte a myi sin mak malu ga; shanhte a shingma marung ni hpe tut nawng e, kya kau shangun u.

Jinghpaw Hanson Version Bible

²³ Shanhte a myi n mu lu hkra, shinggang malu ga; Shanhte a nshang tut tut gari nga malu ga.

SHAKAWN KUNGDAWN 69:23 ပူးပေါင်းရင်းမြစ်များ

YEREMIA 30:6

Ya chyawm gaw dai lam hpe jahkring da nna myit sawn yu mu! Lasha gaw ma shangai ya lu nga a ni? Shinggyim machyi ai num zawn shi a lata ni hte shi a kan ntsa e jum tawn da ai lasha shagu hpe hpa majaw ngai mu a ta? Masha shagu hpa majaw nsam dai daram sum nga ma ta?

Daniela 5:6

Shi gaw myi man hten mat nhtawm grai hkrit kajawng mat ai hte lahput mung gari ashun nga wu ai.

ROMA 11:10

Shanhte myi n mu lu hkra shanhte a myi ni sin mak malu ga, shanhte a marung ni gaw gun hpai ra ai lit a majaw tut nawng htingkung nga shangun u,” nga ai.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

2 KORINHTU 3:14

Israela amyu masha ni a myit masin ni gaw kaja wa pat shinggang da nga malu ai. Dai ni du hkra pyi gaw ga shaka dingsa laika ni hpe hti ai ten shagu shanhte a myit masin ni hpe man magap dai hte naw magap htinggrum nga malu ai. Masha langai mi gaw Hkristu hta asak hkrung ai shaloi she dai man magap hpe gun kau lu nga ai.