SHAKAWN KUNGDAWN 69:20 - Jinghpaw Common Language Bible 2009

²⁰ N kaw n law re ai lam ni gaw nye a myit masin hpe gawng sharun ya nga ai majaw, ngai myit htum nga nngai. Matsan dum la na masha hpe ngai myit mada yu ni ai, rai ti mung, langai mi mung n nga nga ai; myit shalan shabran ya na matu mung, kadai hpe mung ngai n mu lu nngai.

Jinghpaw Hanson Version Bible

²⁰ Shatan nhkan ai hte ngai myit htum nngai, Si hkra ngai machyi nga nngai; Myit yu machyi ai masha, ngai tam timung, n nga ai, Shangwi shapyaw ai wa mung, ngai n mu nngai.

SHAKAWN KUNGDAWN 69:20 ပူးပေါင်းရင်းမြစ်များ

SHAKAWN KUNGDAWN 123:4

Anhte gaw lu su ai ni a asawng asang re ai hte gumrawng gumtawng hte dip gamyet sha ai ni a shatan nhkan hpe hkam sha ai aten mung nau wa na mat wa saga ai.

SHAKAWN KUNGDAWN 142:4

Nye a makau mayang hkan e, ngai yu dat ai shaloi, ngai hpe karum la na masha kadai hpe mung ngai n mu nngai; ngai hpe makawp maga la na masha kadai mung n nga ai. Ngai hpe lanu lahku la na, kadai n nga nga ai.

SHAKAWN KUNGDAWN 42:10

“Na a Karai Kasang kanang nga nga a ta?,” nga nna shanhte ngai hpe tut tut san nga ma ai majaw, shanhte a jahpoi asawng ai nni nkri hpe hkam sha nga nngai.

SHAKAWN KUNGDAWN 42:6

Ngai gaw ndai yang e, bawng dung hkrum nga yang nye a myit grai kaji la nga li ai; shing rai, shi gaw yawn hkyen hpa langai hpang langai hpe hka leng ni zawn nye a wenyi a ntsa e hprwi di ya ni ai; jahten shaza ai wa gaw mawru hka zawn nye a man e wu kadu nga ai; dai gaw hka rum ni Hermon bum hte Miza bum kaw nna Yawdan hka de mu ngoi ai zawn wu kadu hkrat wa ai nsen hte bung nga ai.

ESAIA 63:5

Ngai yu dat yang, ngai hpe karum la na kadai mung n nga ai hpe mu ai shaloi ngai mau mat nngai. Rai ti mung, nye a masin kahtet ai gaw ngai hpe n-gun ja shangun ai hte ngai nan awng padang hkam la ni ai.

MAHTE 26:56

Rai ti mung ndai lam yawng hte byin wa ai chyawm gaw, myihtoi ni ka da ai laika ni dik wa mu ga majaw byin wa sai,” ngu mu ai. Shaloi jang sape ni yawng shi hpe kau da nna hprawng mat wa ma ai.

MARKU 14:37

Dai hpang shi bai wa yu yang sape ni marai masum hte yup pyaw taw nga ma ai hpe wa mu wu ai rai nna, Petru hpe, “Simun e, nang yup pyaw nga n ni? Hkying hkum mi sha pyi maja nga na, n sharang lu myit ni?

MARKU 14:50

Dai shaloi sape ni yawng hte gaw shi hpe kau da nna hprawng mat wa ma ai.

YAWHAN 12:27

“Ya ngai myit ru nga nngai-ngai kaning ngu tsun na rai ta? Wa e, ndai nni nkri hkrum na ahkying kaw na hkye hkrang la rit ngu nna tsun na rai ni?

YAWHAN 16:32

Yu mu, nanhte yawng bra mat nna, langai hte langai tinang a nta de wa mat nhtawm, ngai hpe hkrai sha kau da na ahkying gaw du wa ra ai rai nna, ya pyi du ra ai. Rai ti mung ngai gaw kaja wa ngai hkrai sha rai nga nngai n rai, hpa majaw nga yang Wa gaw ngai hte rau rai nga ai.

HEBRE 11:36

Nkau mi gaw asawng asang anu kayat di nna gyit hkang sharen ai hte htawng hta bang da ai hkrum ma ai.