SHAKAWN KUNGDAWN 69:2 - Jinghpaw Common Language Bible 2009

² Ngai gaw sung ai hkumpup hta lup wa nga nngai, dai shara hta kabye na ga shaja n nga nga ai. Sung ai hka de ngai rai wa nga nngai; hka leng ni ngai hpe marit shangun hkyen wa nga ai.

Jinghpaw Hanson Version Bible

² Sung ai hkumpup hta ngai chyat nga nna, kabye shara n hkap nga ai. Sung ai hka lam de ngai rai wa nna, hka hpuntun ni ngai hpe dip ni ai.

SHAKAWN KUNGDAWN 69:2 ပူးပေါင်းရင်းမြစ်များ

YOBA 22:11

Nsin grau sin mak wa nna nang hpe ka-up kau na hka mawru hpe nang n mu lu ndai.

SHAKAWN KUNGDAWN 32:6

Dai rai nna, na a sadi dung ai amyu masha ni yawng hte gaw ra kadawn ai aten ni hta nang kaw akyu hpyi na mai nga ai; ru tsang mawru kaba adawt shang wa ai shaloi dai gaw shanhte kaw du dep wa na n rai.

SHAKAWN KUNGDAWN 40:2

Shi gaw ngai hpe hkrit hpa nhkun hta na mung, lup si shangun ai nawng wam hta na mung gang shaw la nhtawm; lunghkrung ntsa e, shim hkra ngai hpe tawn da nna makawp maga da ni ai.

YEREMIA 38:22

Dai shingran gaw Yuda hkawhkam htingnu hta naw ngam nga ai numsha ni yawng hte gaw Babelon hkawhkam a du salang ni hpang de woi wa ma ai hpe ngai mu nngai. Shanhte pru sa mat wa ma yang, shanhte tsun ai ga hpe madat yu mu: ‘Dai hkawhkam wa a kaja htum ai manang ni gaw shi hpe lam woi shadam kau ma ai, shanhte gaw shi hpe dang kau masai. Ya chyawm gaw shi a lagaw hkumpup hta lup mat nna, shi a manang ni shi hpe kau da manu ai.’”

YEREMIA 38:6

Dai rai nna, shanhte gaw ngai hpe woi la nhtawm sumri hte gyit nna hkawhkam wang kata hkawhkam kasha Malhkiya a hka htung kata de ngai hpe shayu dat ma ai. Dai hka htung hta hka n rawng nga ai, hkumpup hkrai rai nga nna, ngai gaw dai hta lup nga nngai.

YONA 2:6

Ngai gaw bum ni a npawt de yu mat wa nna, katsan ga a chyinghka ni htani htana pat da nga ai. Rai ti mung, O Madu nye a Karai Kasang e, nang chyawm gaw ngai hpe sung htum ai shara kaw na woi la nga nit dai.

MAHTE 7:25

Dai marang htu nna, hka tung wa ai hte nbung bung wa nna, dai nta hpe ahtu wu timung, lunghkrung ntsa e gaw da nga ai majaw, n kadawng lu ai.