SHAKAWN KUNGDAWN 69:17 - Jinghpaw Common Language Bible 2009

¹⁷ Ngai gaw ru tsang kaba hkrum nga nngai majaw, nang hkum nan na a mayam wa kaw nna hkum makoi nga et; ya jang, ngai hpe htan ya e!

Jinghpaw Hanson Version Bible

¹⁷ Ru tsang ai ngai hkrum nga nngai majaw, Na a mayam kaw na, na a myi man hkum kayin la et; alawan ngai hpe htan ya e.

SHAKAWN KUNGDAWN 69:17 ပူးပေါင်းရင်းမြစ်များ

YOBA 7:21

Nang gaw nye a shut hpyit mara hpe galoi mung n raw ya lu sani? Ngai galaw shut ai amu hpe nang mara n dat ya lu sani? Kade n na yang, nye a lup sung hku hta ngai taw nga na ni ai; nang ngai hpe tam ai shaloi, ngai nga na nngai n rai.

SHAKAWN KUNGDAWN 102:2

Ngai nni nkri hkrum nga ai shaloi ngai kaw nna hkum kayin mat wa et! Ngai shaga ai shaloi, nye a ga hpe madat ya nna, tin tin htan ya e!

SHAKAWN KUNGDAWN 13:1

Madu e, nang gaw galoi aten du hkra ngai hpe malap kau na ngu n ta? Htani htana du hkra kun? Nang gaw galoi aten du hkra ngai kaw na makoi nga na n ta?

SHAKAWN KUNGDAWN 143:7

Madu e, ngai hpe ya jang, htan ya e! nye a myit mada ai lam yawng htum mat sali ai. Na a myi man ngai kaw nna, hkum kayin kau nga et; shing rai yang, nsung hku kata de shang mat wa ai ni hta ngai lawm wa na ring ngai.

SHAKAWN KUNGDAWN 143:9

Madu e, makawp maga la na matu, nang kaw ngai sa wa nga nngai; nye a gumlau hpyen ni a lata kaw nna ngai hpe mawai la e law.

SHAKAWN KUNGDAWN 22:24

Shi gaw matsan mayan wa hpe n gawn n sawn di ai n rai, shanhte a nni nkri hpe n sawn n sang di ai n rai; shi shanhte kaw na kayin mat wa ai n rai, rai ti mung, karum la na matu shanhte shaga yang, shi htan ya nga ai.”

SHAKAWN KUNGDAWN 27:9

“Nang gaw ngai kaw na hkum makoi nga et!,” Ngai hpe masin hkum pawt et; Na a shangun ma wa hpe hkum n dang kau et; Karai Kasang, ngai hpe hkye hkrang la ai wa e, Nang gaw ya du hkra, ngai hpe karum la ai wa rai nga ndai majaw, ngai hpe hkum kau da et, ngai hpe hkum kabai da nga et.

SHAKAWN KUNGDAWN 40:13

Madu e, ngai hpe hkye hkrang la e! Ngai hpe ya jang, karum la e!

SHAKAWN KUNGDAWN 44:24

Nang gaw hpa rai anhte kaw na makoi nga n ta? Anhte a nni nkri hte ru tsang lam hpe hkum malap kau ya mi.

SHAKAWN KUNGDAWN 66:14

Ngai ru tsang hkrum nga nngai shaloi, ngai nang hpe tsun dan lai wa sai lam ni hte maren, nang hpe jaw na de ai.

SHAKAWN KUNGDAWN 70:1

Karai Kasang e, ngai hpe hkye hkrang la e! Madu e, ngai hpe ya jang, karum la e!

SHARUNG SHAYAWT 3:22

Dai Madu a n htum n wai ai tsaw ra myit hte matsan dum ai gaw ya du hkra matut manoi rai nga ai,

MAHTE 26:38

Dai rai nna, shi shanhte hpe, nye a myit masin si hkra yawn kaba hkrum nga li ai; ngai hte rau amaja nga na nang e naw nga nga mu, ngu mu ai.

MAHTE 27:46

Shana de hkying masum daram hta Yesu gaw nsen kaba hte “Elo-i Elo-i lema sabak htani,” nga nna jahtau ai. De a lachyum gaw, “Nye a Karai Wa e, nye a Karai Wa e, hpa rai nang ngai hpe kau da nga n ta?,” nga ai rai lu ai.