SHAKAWN KUNGDAWN 69:15 - Jinghpaw Common Language Bible 2009

¹⁵ Mawru hka hte ngai hpe hkum ka-up kau shangun et; sung ai hka hte ngai hpe hkum marit shangun et, lup sung hku de mung ngai hpe hkum lup wa shangun et.

Jinghpaw Hanson Version Bible

¹⁵ Hka hpungtun ni ngai hpe n dip n ga, hka hpungwai ni ngai hpe n mayu kau nna, Dai hka htung mahka nye a ntsa e n pat u ga.

SHAKAWN KUNGDAWN 69:15 ပူးပေါင်းရင်းမြစ်များ

NINGPAWT NINGHPANG 7:18

Dai hka gaw grau nna tung jat wa magang sanghpaw li gaw hka ntsa e yawng nang magang rai nga ai.

MAHTE 12:40

Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra ga a sung ai kata e rawng nga na ra ai.

KASA 2:24

Rai ti mung si hkrung si htan a n-gun atsam kaw na shi hpe raw dat nna jahkrung sharawt nu ai. Hpa majaw nga yang dai si hkrung si htan gaw shi hpe gyit hkang sharen da na n mai nga ai.

KASA 2:31

Karai Kasang gaw du na ra ai aten hta hpa baw galaw hkyen nga ai lam Dawi chye wu ai rai nna Meshia bai hkrung rawt wa na lam hte seng nna, ‘Madu hpe Katsan ga hta kabai tawn da na n rai, Shi a hkum hkrang dai lup sung hku hta yat tsam mat shangun na n rai,’ nga nna shi tsun da wu ai.”