SHAKAWN KUNGDAWN 69:12 - Jinghpaw Common Language Bible 2009

¹² Mare lam ni hta, shanhte nye a lam hpe hkan shatan nga ma ai; chyaru nang ai ni mung, laka ga ni hte nye a lam hpe asawng nga ma ai.

Jinghpaw Hanson Version Bible

¹² Mare chyinghka e dung ai ni, nye a lam kajai nna, Chyaru nang ai ni, laka ga hte ngai hpe asawng ma ai.

SHAKAWN KUNGDAWN 69:12 ပူးပေါင်းရင်းမြစ်များ

NINGPAWT NINGHPANG 19:1

Dai lamu kasa yan gaw nrim aten e, Sodom mare de sa du ma yang, Lawt gaw mare chyinghka e dung nga ai. Shi shan hpe mu ai hte rau shan hte hkrum na matu rawt sa wa wu ai. Shi gaw shan a man e gum dagup let,

SHAKAWN KUNGDAWN 35:13

Rai ti mung, shanhte machyi hkrum nga ma ai shaloi, sharung shayawt ai hku nna, lachyit nba bu hpun let; lusha gam nna nye a hkum hpe shagrit kau nhtawm jinghku wa shing n rai hpu nau langai ngai a matu akyu hpyi myit dum ya ai zawn, nye a baw gum dagup ai hte ngai akyu hpyi ni ai.

YEREMIA 20:7

Madu e, nang gaw ngai hpe masu hkalem kau nit dai, ngai mung masu hkalem hkrum nga nngai. Nang gaw ngai hta grau nna n-gun ja nga ndai, nang gaw ngai hpe ka-up dang kau nga ndai. Masha shagu ngai hpe mani asawng ma ai; shanhte gaw ngai hpe shani tup mani asan nga ma ai.

Daniela 5:23

Nang gaw sumsing lamu Madu hpe ninghkap nhtawm shi a Nawku Htingnu na la wa ai gawm ni hte wan ni hpe la jashawn nga ndai. Nang mung, na a du magam ni mung, na a madu jan ni hte na a lashi num ni mung dai ni hta sabyi ntsin lu nhtawm, ja, gumhpraw, magri mang, hpri, hpun hte nlung ni hte galaw nna, myi n mu, na n na, hpa hpe mung n chye ai karai ni hpe shakawn kungdawn myit dai. Nang mahtang na a asak sumri sumdam hte nang galaw ai lam magup hpe yu hkang nga ai Karai Kasang hpe shagrau sha-a nga ndai n rai.

MAHTE 27:20

Hkinjawng agyi ni hte salang ni chyawm gaw, shawa masha ni hpe alau nna, Baraba hpe dat nhtawm Yesu hpe sat kau na hpyi na matu shawa masha ni hpe shadut mu ai.

LUKA 23:2

Shanhte gaw, “Ndai wa gaw, anhte a amyu hpe lam woi shadam ai hte, hkawseng kaw hkanse bang na lam hkum da nna, shi hkum dai hkawhkam rai nngai, nga nna tsun nga ai hpe anhte mu ga ai,” ngu nna shi hpe mara shagun mu ai.

TARA JAHPRANG 16:18

“Dai Madu nanhte a Karai Kasang nanhte hpe jaw ai mare shagu hta tara agyi ni hte kaga du salang ni hpe san tawn na rai myit dai. Dai masha ni gaw amyu masha ni hpe myi man n lata ai sha, tara jeyang na rai ma ai.