SHAKAWN KUNGDAWN 69:11 - Jinghpaw Common Language Bible 2009

¹¹ Sharung shayawt ai hpun palawng ngai bu hpun ti mung, shanhte ngai hpe mani asawng nga ma ai.

Jinghpaw Hanson Version Bible

¹¹ Nye a hpun palawng lachyit nba hpun we yang, Shanhte a jaw shara ngai tai nga nngai.

SHAKAWN KUNGDAWN 69:11 ပူးပေါင်းရင်းမြစ်များ

1 HKAWHKAM 9:7

shanhte hpe ngai jaw da ai mungdan kaw nna nye a amyu masha ni hpe yeng kau nna, ngai hpe nawku na shara ngu nna ngai majai da sai ndai Nawku Htingnu hpe mung ngai kau da na nngai. Shara shagu hkan nga nga ai masha amyu baw ni mung Israela hpe asawng asang rai nna n gawn n sawn di kau na mara ai.

YOBA 17:6

Ya chyawm gaw, ngai hpe ninghkap na nga, masha ni gaw dai ga shagawp hpe lang ma ai; shanhte gaw nye a myi man hpe mayen sa mahtaw bun ma ai.

SHAKAWN KUNGDAWN 109:24

Lusha kadawn ai majaw, nye a lahput lagaw ni gawng kya nga li ai; ngai gaw nra hta hpyi kap mat sai daram sha rai mat nga nngai.

ESAIA 20:2

Dai Madu gaw masum ning jau kaw nna Amot a kasha Esaia hpe shi a kyepdin ni hte shi hpun nga ai lachyit hpun nba raw kau na matu tsun nu ai. Shi madat mara ai hte singgu krin, kyepdin n din ai sha hkawm kayin nga ai.

ESAIA 22:12

Chyahtum Chyalai N-gun rawng ai Tsaw Htum ai dai Madu gaw nang hpe hkrap ngu hkrap ngoi ai, sharung shayawt ai, na a baw shangun na hte lachyit nba hpun na matu htet da nga ai.

YEREMIA 24:9

Mungkan ga na masha amyu baw ni yawng hkrit gari mat hkra, dai zawn re ai tsin-yam tsindam shanhte a ntsa e ngai shapraw na we ai. Ngai shanhte hpe shabra kau ai shara shagu hkan e, mung masha ni gaw shanhte hpe mani asawng ai, shatu asan ai, jahpoi jahpyak ai hte shanhte a amying mung dagam dala ga tsun hkrum na mara ai.

YOELA 1:13

Tawn hkungri hta daw jau amu galaw ai hkinjawng ni e, lachyit nba hpun let hkrap nga mu! Nawku Htingnu kata shang nna shana tup sharung shayawt mu! Nanhte a Karai Kasang a matu nawng ya na nsi naisi hte sabyi ntsin n nga sai.

YOELA 1:8

Amyu masha ni e, hkawn ram prat e si mat wa ai lasha a matu yawn hkyen hkrum ai numsha langai zawn, jahtau hkrap nga mu.

TARA JAHPRANG 28:37

Dai Madu nanhte hpe shabra kau dat ai mungdan hkan nanhte hta byin hkrum hkra ai lam ni a majaw masha amyu ni yu mau nhtawm mani asawng ai hte ashu kau na mara ai.