SHAKAWN KUNGDAWN 68:4 - Jinghpaw Common Language Bible 2009

⁴ Karai Kasang hpe mahkawn mu, shi a mying nsang hpe mahkawn shakawn mu; sumwi jawn ai wa a matu lam shajin mu. Shi a mying gaw Madu rai nga ai, shi a man hta kabu gara nga mu!

Jinghpaw Hanson Version Bible

⁴ Karai Kasang hpe mahkawn mu, Shi a amying nsang hpe mangoi mu; Nam prang e jawn ai wa a matu lam waw mu, Shi a amying Yehowa rai nga ai; Shi a man e sharawng awng nga mu.

SHAKAWN KUNGDAWN 68:4 ပူးပေါင်းရင်းမြစ်များ

SHAKAWN KUNGDAWN 104:3

lamu madin hta nga ai hka ni a ntsa e, na a nta hpe gap da nga ndai. Nang gaw sumwi ni hpe na a gumra leng zawn, nang akyu jashawn nna; nbung a singkaw ntsa e, nang jawn nga ndai.

SHAKAWN KUNGDAWN 16:11

Nang gaw ngai hpe asak hkrung ai lam de woi sa ai lam madun dan na rai ndai; na hpung shingkang gaw ngai hpe kabu gara ai myit hte jahpring ya nna, sharawng awng ai lam htani htana jaw ya nga ai.

SHAKAWN KUNGDAWN 18:10

Shi gaw singkaw tu ai hkrung kanu a ntsa e jawn nna tin tin pyen sa nga ai; nbung a singkaw ntsa hta e, shi pyen hkawm nga ai.

SHAKAWN KUNGDAWN 5:12

Madu e, nang gaw na a ga madat mara nga ai ni hpe shaman ya nga ndai; na a tsaw ra myit gaw shanhte hpe ninggang zawn makawp maga ya nga ai.

SHAKAWN KUNGDAWN 66:2

Shi a mying nsang a hpung shingkang hpe mahkawn mu; hpung shingkang hte hpring ai shakawn kungdawn ga hte shi hpe daw jau mu!

SHAKAWN KUNGDAWN 66:4

Ga ntsa e shanu nga ai masha shagu hte gaw nang hpe nawku daw jau ma ai; shanhte gaw nang hpe mahkawn shakawn nga ma ai, na a mying nsang hpe shanhte mahkawn shakawn nga ma ai,” nga nna Karai Kasang hpe tsun ma ai.

SHAKAWN KUNGDAWN 67:4

Masha amyu ni hpe teng man ai tara hte nang jeyang ya nna; mungkan ga na amyu baw ni yawng hte hpe lam woi nga ndai majaw, amyu baw ni yawng kabu gara ai hte mahkawn shakawn nga mu ga.

SHAKAWN KUNGDAWN 83:18

Nang chyu sha Madu rai nga ai lam hte ga ntsa ting hta e, Tsaw Htum ai Wa rai nga ai lam hpe shanhte chye na la mu ga law.

SHAKAWN KUNGDAWN 97:11

Ding hpring ai wa a ntsa e, nhtoi hpe jahtoi ya nna; mai kaja ai ni a ntsa e, kabu gara ai lam tawn da ya nga ai.

PRU MAT 3:14

Karai Kasang gaw, “Ngai gaw Ngai rai nga nngai. Nang gaw shanhte hpe: ‘Ngai Rai Nga Nngai,’ ngu ai Wa gaw, nanhte hpang de ngai hpe shangun dat ni ai,’ ngu nna tsun lu na ndai.

PRU MAT 6:3

Ngai gaw Abraham, Isak hte Yaku ni kaw Chyahtum Chyalai N-gun Rawng Ai Karai Kasang hku dan pru ni ai; rai ti mung Ngai hkum nan shanhte hpe nye a chyoi pra ai mying ningsang dai Madu rai nga ai hpe n chye shangun mawe ai.

PRU MAT 6:8

Ngai gaw Abraham, Isak hte Yaku ni hpe jaw na ngu nna dagam shaka da sai ga sadi mungdan de nanhte hpe woi wa nna nanhte a sut gan sali wunli zawn nanhte hpe jaw na made ai. Ngai gaw dai Madu rai nga nngai,’” ngu nna Israela amyu masha ni hpe tsun u.

GA SHAGAWP 10:28

Mai kaja ai masha ni a myit mada lam gaw kabu gara lam de woi sa nga ai; tara n lang ai ni a myit mada lam chyawm gaw kaman lila rai nga ai.

ESAIA 19:1

Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

ESAIA 40:3

Nsen langai gaw, “Dai Madu a matu nam mali e lam lajang mu! Anhte a Karai Kasang a matu zaibru jang e lam jasan jaseng mu!

ESAIA 62:10

Yerusalem amyu masha ni e, Mare kata na pru mu, Nhtang wa nga ai na a amyu masha ni a matu nmaw lam galaw mu! Nmaw lam kaba lajang mu; nlung ni hpe jasan kau mu! Masha amyu baw ni chye lu mu ga, masat kumla sharawt tawn mu!

TARA JAHPRANG 33:26

Israela amyu masha ni e, nanhte a Karai Kasang hte bung ai karai mi n nga; shi a hpung shingkang hta jawn, Sumsing lamu de yawn; nang hpe karum la na nga, sumwi hta jawn nna du sa nga.