SHAKAWN KUNGDAWN 67:4 - Jinghpaw Common Language Bible 2009

⁴ Masha amyu ni hpe teng man ai tara hte nang jeyang ya nna; mungkan ga na amyu baw ni yawng hte hpe lam woi nga ndai majaw, amyu baw ni yawng kabu gara ai hte mahkawn shakawn nga mu ga.

Jinghpaw Hanson Version Bible

⁴ Nang gaw masha amyu ni hpe dingman ai hku tara dara nna, Ga ntsa amyu baw ni hpe lakawn la mu ai majaw, Shanhte awng wa nna, kabu gara let jahtau nga mu ga. [Selah.]

SHAKAWN KUNGDAWN 67:4 ပူးပေါင်းရင်းမြစ်များ

NINGPAWT NINGHPANG 18:25

Nang gaw teng teng mara n kap ai ni hpe sat kau na n rai nga ndai. Dai gaw mai byin na n rai! Shing re ai amu hpe nang galaw lu na n rai nga ai. Nang galaw ai rai yang, mara n kap ai ni mung, mara lu ai ni hte rau ari jaw ai hkrum na mu ai. Dai gaw n mai byin ai lam rai nga ai. Ga ntsa ting a tara agyi wa gaw teng man ai hku daw dan na rai wu ai,” ngu nna san wu ai.

SHAKAWN KUNGDAWN 2:8

Hpyi u, ngai nang hpe masha amyu baw ni hte shanhte a mungdan ni yawng hte hpe ap ya na de ai; lamu ga ting na a rai na ra ai.

SHAKAWN KUNGDAWN 82:6

‘Nanhte gaw karai ni rai nga myit dai, nanhte yawng gaw Tsaw Htum ai Wa a kasha ni rai nga myit dai,’ ngu nna ngai tsun ni ai.

SHAKAWN KUNGDAWN 9:8

Shi gaw mungkan ga hpe ding man ai hku up hkang nga nna; amyu baw ni hpe teng man rap ra ai tara hte shi jeyang nga ai.

SHAKAWN KUNGDAWN 96:10

“Dai Madu gaw hkawhkam rai nga ai! Aga hpe ngang ngang kang kang shi gaw da nna, dai gaw shamu shamawt nga ai n rai; shi gaw amyu masha ni hpe teng man ai lam hte tara jeyang na ra ai,” nga nna amyu baw ni yawng hpe tsun mu.

SHAKAWN KUNGDAWN 98:9

kawng ni e shi a man hta, kabu gara ai hte mahkawn jawm mahkawn shakawn nga mu. Shi gaw mungkan ga na amyu masha ni hpe teng man rap ra ai tara hte up hkang na ra ai.

ESAIA 54:1

Yerusalem e, nang gaw maudung num zawn rai nga ndai, rai ti mung, ya chyawm gaw nang mahkawn mangoi lu nna, kabu gara jahtau lu nga ndai. Ya chyawm gaw, madu wa galoi mung n kau da yu ai numsha hta pyi grau nna kashu kasha lu na rai ndai.

ESAIA 55:4

Ngai gaw shi hpe ningbaw hte masha amyu baw ni a hpyen du tai shangun ni ai, shi hku nna, ngai shanhte hpe nye a daru magam n-gun madun dan ni ai.

ESAIA 60:6

Gawla-uk ni hte hpaga ga ai wunawng mi gaw Midian hte Ehpa mung kaw na du sa wa na mara ai. Shanhte gaw Sheba mung na aja hte manam pyaw ai baw la sa na mara ai. Amyu masha ni gaw dai Madu galaw nu ai kabu gara shiga a lam tsun na mara ai!

KASA 17:31

Hpa majaw nga yang Madu lata san da sai wa a lata hte mungkan ga hpe tara malang ai hku daw dan na ninghtoi gaw shi tawn da nu ai rai nga ai. Dai wa hpe si ai kaw na shi hkrung sharawt la ai hte dai lata san da ai lam masha yawng hpe kam ram ai sakse madun dan nu ai,” ngu nna tsun wu ai.

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

GALATI 4:27

Hpa majaw nga yang, Chyum Laika hta, “Kasha n shangai ai maudung num ni e, kabu gara nga mu! Shinggyim machyi galoi mung n hkrum ga ai num ni e, marawn nna kabu jahtau mu! Hpa majaw nga yang, shagram kau hkrum ai num gaw la lu ai num hta kashu kasha grau nna lu na ra ai.” nga nna ka da nga ai.

TARA JAHPRANG 32:43

“Masha amyu baw ni e, nanhte gaw dai Madu a amyu masha ni hpe shakawn lu na rai myit dai; shanhte hpe sat ai ni yawng ari jaw ai hkrum na rai ma ai. Gumlau hpyen ni hpe shi matai htang nna, shi a amyu masha ni galaw shut ai yubak mara hpe raw dat ya na rai wu ai.