SHAKAWN KUNGDAWN 67:1 - Jinghpaw Common Language Bible 2009

^1-2 Karai Kasang e, anhte hpe matsan dum nna shaman ya mi; anhte hpe na a matsan dum lama ai myit hte mada mara nga u. Shing rai, mungkan ting gaw na a ra sharawng ai myit hpe chye wa lu mu ga; amyu baw ni yawng hte mung, na a hkye hkrang la ai lam hpe chye na lu mu ga.

Jinghpaw Hanson Version Bible

¹ Karai Kasang e, anhte hpe matsan dum nna shaman ya mi: dinghta ga hta e na a lam,

SHAKAWN KUNGDAWN 67:1 ပူးပေါင်းရင်းမြစ်များ

SHAKAWN KUNGDAWN 119:135

Na a myi man shingkang hte ngai hpe shaman ya e, ngai hpe na a tara ni sharin ya e.

SHAKAWN KUNGDAWN 28:9

Madu e, na a amyu masha ni hpe hkye hkrang la u, na a amyu masha ni hpe shaman ya u. Shanhte hpe yu ai sagu rem wa tai nga nna, shanhte hpe htani htana lanu lahku nga u law.

SHAKAWN KUNGDAWN 31:16

Na a shangun ma a ntsa e, matsan dum ai myit hte mada mara ya e; na a dinggrin tsaw ra myit hte ngai hpe hkye hkrang la e.

SHAKAWN KUNGDAWN 4:1

Ngai hpe makawp maga ya ai Karai Kasang e! ngai akyu hpyi yang, htan ya e! Ngai ru tsang hkrum ai shaloi, nang ngai hpe karum la nit dai. Ngai hpe ya jang matsan dum ai hte nye a akyu hpyi ai ga hpe na ya e law.

SHAKAWN KUNGDAWN 4:6

“Madu e, anhte hpe chyeju grau nna jaw ya mi; matsan dum ai myit hte anhte hpe mada mara ya mi,” nga nna masha law law wa akyu hpyi nga ma ai.

SHAKAWN KUNGDAWN 6:1

Madu e, masin pawt ai hte ngai hpe hkum daru et! Na masin kahtet ai hte ngai hpe ari hkum jaw et!

SHAKAWN KUNGDAWN 76:1

Yuda mung hta e, Karai Kasang hpe chye ma ai, shi a mying nsang hpe Israela mung hta e, shagrau sha-a nga ma ai.

SHAKAWN KUNGDAWN 80:19

Chyahtum Chyalai n-gun rawng ai Madu Karai Kasang e, anhte hpe bai woi nhtang wa mi law. Na a matsan dum lama ai myit anhte hpe madun dan mi, shaloi anhte hkye hkrang la ai hkrum na raga ai.

SHAKAWN KUNGDAWN 80:7

Chyahtum Chyalai n-gun rawng ai Karai Kasang e, anhte hpe bai woi nhtang wa mi law! Na matsan dum lama ai myit anhte hpe madun ya mi, shaloi anhte hkye hkrang la ai hkrum na raga ai!

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

TARA JAHPRANG 21:8

Madu e, Egutu mung kaw nna nang hkrang shaw la nit dai Israela amyu masha ni a yubak mara ni hpe raw dat ya u. Anhte hpe mara raw dat ya mi. Ndai mara n kap ai masha wa sat kau hkrum ai a majaw anhte hpe mara hkum shagun mi law,’ ngu nna tsun na rai ma ai.