SHAKAWN KUNGDAWN 66:7 - Jinghpaw Common Language Bible 2009

⁷ Shi a chyalai n-gun hte htani htana shi up nga nna; amyu baw ni a ntsa e, shi azi yu nga ai. Shi hpe kadai wa mung n gumlang mu ga.

Jinghpaw Hanson Version Bible

⁷ Shi gaw shi a n-gun hte prat tup up nga ai, Shi a myi, masha amyu ni hpe azi yu nga ai: Je hpre ai ni tinang hkum hpe shagrau lu na ma ai n rai. [Selah.]

SHAKAWN KUNGDAWN 66:7 ပူးပေါင်းရင်းမြစ်များ

2 HKAWHKAM LABAU 16:9

Dai Madu hta sadi sahka myit rawng nga ai ni hpe n-gun atsam jaw ya na nga, shi gaw mungkan ga ting hpe mada azi yu wu ai. Nang chyawm gaw angawk ai hku galaw kau nit dai majaw ya kaw nna hpyen majan tut nawng ahkrum nga na nit dai,” ngu nna tsun wu ai.

YOBA 9:4

Karai Kasang gaw hpaji grai rawng ai hte daru magam n-gun rawng nga ai; kadai mung shi hpe gumlang lu ai n rai.

SHAKAWN KUNGDAWN 11:4

Dai Madu gaw shi a chyoi pra ai Nawku Htingnu hta e, nga nga ai; sumsing lamu hta shi a tingnyang nga nga ai. Shara shagu hkan nga nga ai amyu masha ni hpe shi mada yu nna, shanhte hpa galaw nga ma ai hpe chye nga ai.

SHAKAWN KUNGDAWN 140:8

Madu e, tara n lang ai wa a ra ai lam hpe hkum jaw ya et; shanhte a n hkru ai maw mawn lam ni hpe mung, hkum hkan ya nga et.

SHAKAWN KUNGDAWN 145:13

Na a up hkang lam gaw htani htana agrin nga nna, nang gaw htani htana prat dingsa agrin nga ai hkawhkam wa rai nga ndai; Madu gaw shi a ga sadi ni hta sadi dung nga ai hte magam bungli ni yawng hta tsaw ra matsan dum ai wa rai nga ai.

SHAKAWN KUNGDAWN 33:13

Dai Madu gaw sumsing lamu kaw nna gum yu nga ai hte shinggyim masha nlang hte hpe mu nga ai.

SHAKAWN KUNGDAWN 62:11

Madu hta daru magam n-gun rawng nga ai hpe mung, shi a tsaw ra myit dinggrin rai nga ai hpe mung, Karai Kasang tsun ai ga dai hpe law law lang, ngai na ni ai.

SHAKAWN KUNGDAWN 75:6

Tara dara ai lam gaw sinpraw maga kaw nna, shing n rai, sinna maga de na; dingdung maga kaw nna shing n rai, dingda maga de nna du sa wa na ra ai n rai;

PRU MAT 18:11

Egutu masha ni Israela amyu ni hpe dai zawn n kaw n law di mu ai shaloi, shi gaw ndai amu ni hpe galaw nu ai majaw, dai Madu gaw karai ni yawng hta grau kaba nga ai hpe ya ngai chye ni ai,” ngu nna tsun wu ai.

Daniela 4:34

Ya sanit ning lai jang, hkawhkam wa gaw, “Sumsing lamu de mada yu nna shi a myit bai grin wa nga ai. Ngai gaw Tsaw Htum ai Karai Kasang hpe shakawn kungdawn ai hte htani htana ahkrung nga ai wa hpe shagrau hkungga let shi a hpung shingkang hpe kungdawn nngai. “Shi gaw htani htana a up nga na ra ai, shi a mungdan prat mi hte prat mi agrin nga na ra ai.

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.