SHAKAWN KUNGDAWN 66:5 - Jinghpaw Common Language Bible 2009

⁵ Karai Kasang galaw dan sai amu hte shinggyim masha ni a lapran e, shi galaw dan sai mauhpa magam amu ni hpe, sa nna yu yu mu.

Jinghpaw Hanson Version Bible

⁵ Wa marit, Karai Kasang a magam amu hpe yu mu; Shinggyim masha ni hpe dan ai amu gaw, hkrithpa amu rai nga ai.

SHAKAWN KUNGDAWN 66:5 ပူးပေါင်းရင်းမြစ်များ

SHAKAWN KUNGDAWN 106:22

Dai mung hta shi galaw dan sai amu ni gaw kaning re ai mauhpa wa rai nga a hka! Nawng hkyeng hta shi galaw dan sai magam amu ni gaw kaning re ai mauhpa wa rai nga a hka!

SHAKAWN KUNGDAWN 111:2

Dai Madu galaw ai magam bungli ni kade wa mauhpa rai nga a hka! Dai amu ni hta awng sharawng nga ai nlang hte gaw dai lam ni hpe chye la mayu nga ma ai.

SHAKAWN KUNGDAWN 46:8

Sa marit, dai Madu hpa galaw da sai amu ni hpe yu mu. Ginding aga a ntsa e, shi galaw da sai mauhpa amu ni hpe mada yu mu.

SHAKAWN KUNGDAWN 46:9

Shi gaw mungkan ga na majan ni yawng hpe shazim kau nna; ndan ni hpe shi shadaw kau let, ri ni hpe jahten kau nhtawm, hpyen ninggang ni hpe wan hta nat kau nga ai.

SHAKAWN KUNGDAWN 47:3

Shi gaw anhte hpe masha amyu ni hpe dang lu ai, awng padang lam jaw ya nga ai; shi gaw anhte hpe masha amyu baw ni hpe up hkang shangun nga ai.

SHAKAWN KUNGDAWN 66:16

Karai Kasang hpe hkrit hkungga ai ni yawng hte e, sa madat la mu, shi nye a matu galaw dan sai amu ni nang hpe tsun dan na nngai.

SHAKAWN KUNGDAWN 66:3

“Nang galaw ai amu ni gaw kade wa mauhpa rai nga a hka! Na a daru magam n-gun grai galu kaba nga ai majaw, na a gumlau hpyen ni gaw na a man e, hkrit ai hte gum dagup nga ma ai.

SHAKAWN KUNGDAWN 99:3

Masha shagu hte gaw shi a galu kaba nna, hpung shingkang arawng sadang hte hpring ai mying nsang hpe shakawn na mara ai; shi gaw Chyoi Pra Ai Wa rai nga ai!

EZEKELA 1:18

Leng hkawp ni gaw myi ni hte hpring nga ai.

BU HKAWM 23:23

Israela amyu baw hpe matsa ai hta lawng hpaji, hpyi lamum hpaji hpa mung shang lu na n rai; Ya chyawm gaw masha amyu ni Israela a lam hpe, ‘Yu mu, Karai Kasang shing di kau nu hka!,’ ngu nna kajai na mara ai.