SHAKAWN KUNGDAWN 66:4 - Jinghpaw Common Language Bible 2009

⁴ Ga ntsa e shanu nga ai masha shagu hte gaw nang hpe nawku daw jau ma ai; shanhte gaw nang hpe mahkawn shakawn nga ma ai, na a mying nsang hpe shanhte mahkawn shakawn nga ma ai,” nga nna Karai Kasang hpe tsun ma ai.

Jinghpaw Hanson Version Bible

⁴ Mung shagu nang hpe nawku nna mahkawn mangoi na mara ai, na a amying nsang hpe mahkawn mangoi na mara ai,” nga nna tsun mu. [Selah.]

SHAKAWN KUNGDAWN 66:4 ပူးပေါင်းရင်းမြစ်များ

SHAKAWN KUNGDAWN 117:1

Amyu baw ni yawng hte e, dai Madu hpe shakawn mu!

SHAKAWN KUNGDAWN 22:27

Amyu baw ni yawng hte gaw Madu hpe dum na mara ai. Mungkan shara shagu de na masha ni shi kaw kayin wa na mara ai; Masha amyu baw yawng hte mung, shi hpe nawku daw jau na mara ai.

SHAKAWN KUNGDAWN 65:5

Nang anhte hpe awng padang jaw ya ai hku, anhte hpe htan ya nga ndai, anhte hpe hkye hkrang la na matu, mauhpa magam amu ni hpe nang galaw nga ndai. Mungkan ga ting hte panglai ni din ai shara shagu na amyu masha ni gaw nang hpe kam hpa nga ma ai.

ESAIA 11:9

Karai Kasang a chyoi pra ai kawng ngu ai Ziun ntsa e machyi tsin-yam hte n hkru ai amu hpa mung nga na ra ai n rai. Panglai ni gaw hka hte hpring nga ai zawn dai Madu a machye machyang hpaji gaw mungkan ting hta pri rai na ra ai.

Daniela 7:14

Shi gaw ahkang aya, shagrau sha-a ai hte hkawhkam a daru magam jaw shagrau hkrum ai wa rai nna, amyu baw ni yawng a masha ni yawng mung, amyu bawsang ni hte ga amyu myu shaga ai ni yawng mung shi hpe daw jau na mara ai. Shi a ahkang aya gaw htani htana agrin nga nna, shi a mungdan htum mat na ra ai n rai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

SHINGRAN 15:4

Madu e, nang hpe n hkrit hkungga ai kadai wa nga lu na rai ta? Nang galu kaba nga ai hpe n yin la ai kadai nga lu na rai ta? Nang chyu sha chyoi pra nga ndai; nang galaw ai amu ni ding hpring nga ai lam yawng mu lu ma ai majaw, masha amyu baw shagu ni, na a man e, sa nawku na mara ai law!,” nga nna tsun ma ai.