SHAKAWN KUNGDAWN 66:3 - Jinghpaw Common Language Bible 2009

³ “Nang galaw ai amu ni gaw kade wa mauhpa rai nga a hka! Na a daru magam n-gun grai galu kaba nga ai majaw, na a gumlau hpyen ni gaw na a man e, hkrit ai hte gum dagup nga ma ai.

Jinghpaw Hanson Version Bible

³ “Karai Kasang e, na a amu gade wa hkrithpa rai nga a hka; Na a chyalai n-gun majaw, Na a man e gumlau ni hkayawm na mara ai.

SHAKAWN KUNGDAWN 66:3 ပူးပေါင်းရင်းမြစ်များ

SHAKAWN KUNGDAWN 18:44

Maigan masha ni nye a man e, dingnyawm nga ma ai; ngai tsun ai ga hpe na ma yang shanhte madat mara ma ai.

SHAKAWN KUNGDAWN 18:45

Shanhte gaw shanhte a share shagan myit nden mat mat nna; shanhte a hpyen dap kata ni kaw na, hkrit gari let pru wa ma ai.

SHAKAWN KUNGDAWN 47:2

Tsaw Htum ai dai Madu gaw hkrithpa wa rai nga ai; shi gaw mungkan yawng hpe up hkang nga ai galu kaba ai hkawhkam wa rai nga ai.

SHAKAWN KUNGDAWN 65:5

Nang anhte hpe awng padang jaw ya ai hku, anhte hpe htan ya nga ndai, anhte hpe hkye hkrang la na matu, mauhpa magam amu ni hpe nang galaw nga ndai. Mungkan ga ting hte panglai ni din ai shara shagu na amyu masha ni gaw nang hpe kam hpa nga ma ai.

SHAKAWN KUNGDAWN 68:30

Mai-aw pa na matse labye dusat ngu ai Egutu mung hpe daru kau u; usu hpung ni hte shanhte a dumsu kasha ni ngu ai amyu baw ni gaw, nang hpe yawng jawm dingnyawm nna shanhte a gumhpraw sak jaw wa ai aten du hkra daru kau u. Majan shabyin na hpe ra sharawng nga ai ni hpe shabra kau u!

SHAKAWN KUNGDAWN 76:12

shi gaw gumrawng gumtawng ai hkawhkam shadang sha ni hpe shagrit kau nna; galu kaba ai hkawhkam ni hpe jahkrit shama nga ai.

SHAKAWN KUNGDAWN 81:15

Ngai hpe n ju n dawng nga ai ni mahtang nye a man e, hkrit kamyin ai hte dingnyawm wa nna; shanhte hkrum sha na ari mung htani htana rai na mu ai.

PRU MAT 15:21

Miriam gaw shanhte hpe woi awn let ning ngu mahkawn wu ai: “Dai Madu hpe mahkawn mangoi mu, hpa majaw nga yang, shi gaw hpung shingkang hte hpring ai awng padang hpe ninglaw nu ai; shi gaw gumra ni hte dai hta jawn ai ni hpe panglai hta kabai gumpye bang kau nu ai.”

ESAIA 2:19

Shi gaw ginding aga hpe ashun awam dat na matu du sa ai shaloi, amyu masha ni gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw nna myi man makoi lu na matu mung lungrawk lunghkrung bum na lungpu hku ni hta mung, ga e nhkun htu nna mung makoi gyem nga na mara ai.

ESAIA 25:3

Daru magam n-gun rawng ai masha amyu baw ni nang hpe shakawn kungdawn na mara ai; Mazut ai masha amyu baw ni a mare ni nang hpe hkrit kamyin wa na mara ai.

ESAIA 40:26

Sumsing lamu de mada yu mu! Nanhte mu ai shagan ni hpe kadai hpan da a ni? Hpyen luksuk hpe zawn lam woi ai wa gaw dai yang e kade nga nga ai hpe shi chye ai hte dai ni langai hte langai hpe amying shaga lu nga ai! Shi a daru magam n-gun gaw grai galu kaba nga ai- dai ni hta na langai mi gaw galoi mung yet lu na n rai.

ESAIA 64:3

Kalang mi na aten hta, nang du sa nna anhte n myit dum ai hkrit hpa amu ni hte jahkrit yu nit dai; shaloi bum ni gaw nang hpe mu nna hkrit gari ai hte ashun ma ai.

YEREMIA 10:10

Rai ti mung, Madu e, nang gaw teng man ai Karai Kasang rai nga ndai, nang gaw ahkrung nga ai Karai Kasang hte htani htana hkawhkam rai nga ndai. Nang pawt sindawng ai shaloi, mungkan ga gaw gari kawa rai nga ai; masha amyu baw ni na a masin kahtet ai hpe n hkam lu ma ai.