SHAKAWN KUNGDAWN 64:3 - Jinghpaw Common Language Bible 2009

³ Shanhte gaw shinglet ni hpe nhtu ni zawn garang shadai nna; mazut ai ga ni hpe pala ni zawn shading da nga ma ai.

Jinghpaw Hanson Version Bible

³ Shanhte gaw tinang a shinglet hpe nhtu zawn karang nga ma ai: Myit malang ai wa hpe mayun de nna gap na,

SHAKAWN KUNGDAWN 64:3 ပူးပေါင်းရင်းမြစ်များ

SHAKAWN KUNGDAWN 11:2

hpa majaw nga yang, tara n lang ai ni gaw shanhte a ndan ni hpe shaw nna, kaja ai masha ni hpe shingnip kata kaw nna gap dat na nga, shanhte a pala ni hpe shading da ma ai.

SHAKAWN KUNGDAWN 141:9

Nye a matu, shanhte hkam da ai mahkam kaw na mung, n hkru ai amu galaw ai ni a mahkam kaw na mung, ngai hpe makawp maga la e.

SHAKAWN KUNGDAWN 57:4

Masha shan sha ai hkanghkyi ni zawn, gumlau hpyen ni wang shinggrup da ai ngai hkrum nga nngai. Shanhte a wa ni gaw nri hte pala ni zawn rai nga ai, shanhte a shinglet ni dai ai nhtu ni zawn rai ma ai.

SHAKAWN KUNGDAWN 58:7

Shanhte gaw hkyet mat wa ai hka zawn hkoi mat wa mu ga; lam ntsa e tu ai tsing ni hpe zawn shanhte kabye anut kau ai hkrum nga mu ga.

GA SHAGAWP 12:18

Majoi mi baw law ai ga gaw sung hkra galun ai nhtu nma zawn jahpye ya lu ti mung; hpaji ga hte tsun shaga ai ga chyawm gaw shamai shatsai ya lu nga ai.

GA SHAGAWP 30:14

Matsan mayan masha ni hte n lu n lawm, ra kadawn nga ai ni hpe zai hku nna dip da ai ni hte jahten sharun ai masha ni nga nga ma ai; dai zawn galaw ai gaw shanhte a kan bau magam bungli rai nga ai.

ESAIA 54:17

Rai ti mung hpyen laknak hpa mung nang hpe machyi shangun lu na n rai; nang gaw nang hpe mara shagun ai ni yawng a matu mahtai lu na ra ai. Ngai gaw nye a shangun ma ni hpe makawp maga nna shanhte hpe awng padang jaw na nngai.” Dai Madu tsun nu ai.

YEREMIA 9:3

Shanhte gaw tut nawng masu magaw ga tsun na jin jin rai ma ai; teng man ai a malai n ding n man ai hte mungdan up ma ai. Dai Madu gaw, “Nye a amyu masha ni n hkru ai amu langai hpang langai galaw nna ngai hpe mung shanhte a Karai Kasang hku n yin la ma ai,” ngu nna tsun ai.