SHAKAWN KUNGDAWN 64:2 - Jinghpaw Common Language Bible 2009

² Tara n lang ai ni a maw mawn ai lam hte n hkru n shawp ai masha ni a hpawng kaw na, ngai hpe makawp maga la e.

Jinghpaw Hanson Version Bible

² N kaja ai ni a bawng ai hku hte, Shut hpyit ai amu galaw ai shawa hpawng na, ngai hpe makoi magap la e.

SHAKAWN KUNGDAWN 64:2 ပူးပေါင်းရင်းမြစ်များ

NINGPAWT NINGHPANG 4:6

Dai hpang dai Madu gaw Ka-in hpe, “Nang hpa rai pawt nga n ni? Nang hpa majaw myi man sum nga n ta?

SHAKAWN KUNGDAWN 143:9

Madu e, makawp maga la na matu, nang kaw ngai sa wa nga nngai; nye a gumlau hpyen ni a lata kaw nna ngai hpe mawai la e law.

SHAKAWN KUNGDAWN 2:2

Dai Madu hte shi lata san da ai Hkawhkam wa hpe shanhte a hkawhkam ni gumlau nna, mung du ni mung ninghkap na matu jawm mayun bawng nga ma ai.

SHAKAWN KUNGDAWN 27:5

Ru tsang hkrum ai aten ni hta, shi gaw nye a shingbyi shara tai ya na ra ai; shi gaw ngai hpe shi a Htingnu kata hta shim ai hte bau sin na ra ai hte, tsaw ai lunghkrung ntsa e, ngai hpe shim nga shangun na ra ai.

SHAKAWN KUNGDAWN 3:1

Madu e, ngai gaw gumlau hpyen law law lu nngai, law law wa ngai hpe gumlau nga ma hka!

SHAKAWN KUNGDAWN 31:20

Masha ni a maw mawn ai kaw na nang shanhte hpe na a man na shim lum ai shara hta makoi da nna; shanhte a gumlau hpyen ni roi rip ai kaw nna mung shim ai shara hta nang shanhte hpe makoi da nga ndai,

SHAKAWN KUNGDAWN 56:6

Shanhte gaw shim ai makoi shara hta hpawng nga nna, ngai galaw ai lam mahkra hpe shanhte lagyim yu ai hte, ngai hpe sat kau lu na matu myit mada nga ma ai.

SHAKAWN KUNGDAWN 59:2

N hkru n shawp ai masha ni a lata kaw nna ngai hpe hkye hkrang la e; masha sat amu galaw ai ni a lata kaw nna mung, ngai hpe mawai la e!

ESAIA 32:2

Shanhte langai hte langai gaw nbung shingbyi shara hte nbung laru kaw na makoi shingbyi lu ai shara langai zawn tai na mara ai. Shanhte gaw zaibru jang e lwi nga ai hka shi ni zawn, akrin akraw re ai lamu ga hta nga ai kaba ai lunghkrung langai a shingnip zawn tai na mara ai.

YEREMIA 11:19

Ngai mahtang, sat na matu dun shapraw sa wa ai sumnung ai sagu kasha zawn rai nga nngai; shanhte gaw n hkru ai amu ni galaw maw mawn nhtawm ngai hpe gumle gumlau galaw kau na, dai hku lajang nga ma ai hpe ngai n chye nngai. Shanhte gaw, “Anhte gaw ndai hpun asi ja kat nga ai aten hta kran daw kau ga; kadai e mung shi hpe galoi mung n dum lu manu ga, anhte shi hpe sat kau ga,” ngu nna tsun ma ai.

YEREMIA 18:19

Dai rai nna ngai gaw, “Madu e, ngai hpa tsun nga ai hpe na ya e law, nye a gumlau hpyen ni nye a lam hte seng nna hpa tsun nga ma ai hpe madat ya e law.

YEREMIA 18:23

Rai ti mung, Madu e, ngai hpe sat na matu shanhte a maw mawn ai lam yawng hte hpe nang chye nga ndai. Shanhte a n hkru ai amu hpe mara hkum raw ya et; shanhte a yubak hpe mung hkum dat ya et. Shanhte hpe hkrat sum shangun u; nang pawt sindawng nga yang, shanhte hpe daw dan u,” ngu nna hpyi lajin se ai.

KASA 24:9

Yuda masha ni mung, dai ga ni gaw teng nga ai, nga nna jawm mara shagun lawm ma ai.

KASA 25:3

Shanhte gaw Pawlu hpe lam e hkap gyam sat kau na matu makoi magap ai hku lajang da ma ai. Dai rai nna, shanhte hpe chyeju galaw ai hku nna, Pawlu hpe Yerusalem mare de sa dat ya na Hpestu kaw hpyi ma ai.