SHAKAWN KUNGDAWN 61:7 - Jinghpaw Common Language Bible 2009

⁷ Karai Kasang e, na a man e, shi htani htana a up nga u ga: na a dinggrin tsaw ra myit hte sadi sahka ai myit gaw shi hpe makawp maga ya nga u.

Jinghpaw Hanson Version Bible

⁷ Shi gaw Karai Kasang a man e tutnawng e anga nga u ga; Shi hpe bau sin na chyeju hte sadi sahka hpe san da u.

SHAKAWN KUNGDAWN 61:7 ပူးပေါင်းရင်းမြစ်များ

NINGPAWT NINGHPANG 24:27

Shi gaw, “Nye a madu hta shi a ga sadi hte maren, sadi sahka hte shatup ya sai nye a madu Abraham a Karai Kasang dai Madu a nga u ga law. Dai Madu gaw ngai hpe nye madu a amyu bawsang ni nga ai de ading sha woi wa ni ai,” ngu nna tsun ai.

NINGPAWT NINGHPANG 32:10

Na a shangun ma wa, ngai gaw nang madun dan sai matsan dum ai chyeju hte sadi sahka lam mahkra hte n ging n dan la nga nngai. Nye a dawhkrawng langai mi hte sha, ndai Yawdan hka hpe rap di nngai; ya chyawm gaw ndai hpung lahkawng hte ngai nhtang wa ni ai.

2 SAMUELA 7:26

Na a mying ningsang galu kaba wa nna amyu masha ni mung, ‘Chyahtum Chyalai N-gun rawng ai Madu gaw Israela a ntsa e nga ai Karai Kasang rai nga ai,’ nga nna htani htana atsun nga na rai ma ai. Nang gaw nye a magam tingnyang hpe ju majat prat janat shagrin da ya nga nu ga law.

SHAKAWN KUNGDAWN 21:5

Nang karum la ai a majaw, shi a hpung shingkang galu kaba nga ai; nang shi hpe gumhkawng ai hte arawng sadang jaw ya nit dai.

SHAKAWN KUNGDAWN 40:11

Madu e, ngai hpe matsan dum ai lam nang galoi mung jahkring kau na n rai nga ndai gaw, ngai chye nngai. Na a tsaw ra myit hte sadi sahka gaw ngai hpe tut nawng e, shim lum shangun na ra ai.

SHAKAWN KUNGDAWN 41:12

Teng man ai amu hpe ngai galaw nga nngai majaw nang ngai hpe karum la na rin dai; nang gaw ngai hpe na a man e, htani htana bau sin na rin dai.

SHAKAWN KUNGDAWN 43:3

Na a nhtoi hte na a teng man ai lam hpe jaw dat rit, dai gaw ngai hpe woi lakawn mat wa nna; na a chyoi pra ai Ziun Bum hte nang shanu nga ai Nawku Htingnu de woi wa u ga.

SHAKAWN KUNGDAWN 57:3

Shi gaw sumsing lamu kaw nna htan ya ai hte ngai hpe hkye hkrang la na ra ai; ngai hpe dip gamyet sha ai ni hpe shi dang kau na ra ai. Karai Kasang gaw shi a dinggrin tsaw ra myit hte sadi sahka myit, ngai hpe madun dan na ra ai.

GA SHAGAWP 20:28

Hkawhkam wa gaw shi a up hkang ai lam hta, ding man ai, teng man ai hte rap ra ai tara ni hte up hkang nga dingsa gaw shi a hkawhkam aya hta agrin nga na ra ai.

MIHKA 7:20

Nang gaw moi chyaloi nhkoi kaw nna anhte a kaji kawa ni hpe nang jaw ai ga shaka hte maren, Abraham hte Yaku a aru arat rai nga ai na a amyu masha ni hpe na a kangka re ai lam hte dinggrin tsaw ra myit madun dan na rai nga ndai.

LUKA 1:33

Shi gaw Yaku a aru arat ni a ntsa e htani htana a up nga na ra ai; shi a mungdan mung htum ngu ai nga na n rai,” ngu nna shi hpe tsun wu ai.

HEBRE 9:24

Hpa majaw nga yang, Hkristu gaw kaja wa chyoi pra ai shara majing a kanan rai nga ai masha lata hte galaw ai Chyoi Pra ai Shara de n shang ai sha, sumsing lamu de nan shang nna, ya anhte a malai Karai Kasang a man de dan pru nga sai.