SHAKAWN KUNGDAWN 61:2 - Jinghpaw Common Language Bible 2009

² Dum nta hte tsan gang nna myit htum nga yang, ngai nang hpe shaga nngai!

Jinghpaw Hanson Version Bible

² Ngai myit kaji nga yang, ga htum ai kaw nna, Ngai nang hpe shaga na nngai: Nye a matu naw tsaw la ai lunghkrung ntsa e, ngai hpe shalun da e.

SHAKAWN KUNGDAWN 61:2 ပူးပေါင်းရင်းမြစ်များ

SHAKAWN KUNGDAWN 142:3

Ngai gaw myit daw hten nna, asum jaw kau na matu jin jin rai nga ai shaloi, ngai hpa galaw ang ai lam hpe shi chye ya nga ai. Ngai hkawm sa wa ai lam hta nye a gumlau hpyen ni nye a matu mahkam up da ma ai.

SHAKAWN KUNGDAWN 143:4

Dai majaw, ngai asum jaw kau na matu, jin jin rai nga nngai; myit chyum myit htum, mung hkrum sha nga nngai.

SHAKAWN KUNGDAWN 17:1

Madu e, teng man ai lam a matu, nye a hpyi nem ai ga hpe madat ya e; karum la na matu, nye a jahtau tsun ai nsen hpe na la ya e! Nye a ding man ai akyu hpyi ga hpe madat ya e.

SHAKAWN KUNGDAWN 18:2

Dai Madu gaw ngai hpe makawp maga ai wa rai nna; nye a ngang kang ai hpyen dap shi rai nga ai. Nye a Karai Kasang gaw ngai hpe makawp maga ai wa rai nna, shi hta ngai shim lum nga nngai. Shi gaw ngai hpe ninggang langai mi zawn makawp maga nna, ngai hpe makawp maga ai hte shim hkra bau sin nga ai.

SHAKAWN KUNGDAWN 18:46

Dai Madu gaw ahkrung nga ai law! Ngai hpe makawp maga ai wa gaw a lu u ga law! Ngai hpe hkye hkrang la ai Karai Kasang gaw galu kaba nga ai hpe htawn tsun mu.

SHAKAWN KUNGDAWN 27:5

Ru tsang hkrum ai aten ni hta, shi gaw nye a shingbyi shara tai ya na ra ai; shi gaw ngai hpe shi a Htingnu kata hta shim ai hte bau sin na ra ai hte, tsaw ai lunghkrung ntsa e, ngai hpe shim nga shangun na ra ai.

SHAKAWN KUNGDAWN 40:2

Shi gaw ngai hpe hkrit hpa nhkun hta na mung, lup si shangun ai nawng wam hta na mung gang shaw la nhtawm; lunghkrung ntsa e, shim hkra ngai hpe tawn da nna makawp maga da ni ai.

SHAKAWN KUNGDAWN 42:6

Ngai gaw ndai yang e, bawng dung hkrum nga yang nye a myit grai kaji la nga li ai; shing rai, shi gaw yawn hkyen hpa langai hpang langai hpe hka leng ni zawn nye a wenyi a ntsa e hprwi di ya ni ai; jahten shaza ai wa gaw mawru hka zawn nye a man e wu kadu nga ai; dai gaw hka rum ni Hermon bum hte Miza bum kaw nna Yawdan hka de mu ngoi ai zawn wu kadu hkrat wa ai nsen hte bung nga ai.

SHAKAWN KUNGDAWN 43:5

Ngai hpa majaw nde wa myit n pyaw nga nngai kun? Ngai hpa majaw nde wa ru tsang hkrum nga nngai kun? Ngai gaw Karai Kasang hta myit mada nga let, nye a hkye la Madu hte nye a Karai Kasang hpe kalang mi bai ngai shakawn na ring ngai.

SHAKAWN KUNGDAWN 55:5

Ngai gaw nau hkrit gari mat ai majaw ging mat ni ai; ngai gaw kajawng kaja re ai hte htinggrum da ai hkrum nga nngai.

SHAKAWN KUNGDAWN 62:2

Shi chyu sha ngai hpe hkye hkrang la ai hte makawp maga nga ai; shi gaw nye a dahpran shara rai nga ai, ngai gaw galoi mung sum hkrum na nngai n rai.

SHAKAWN KUNGDAWN 62:6

Shi chyu sha ngai hpe hkye hkrang la ai hte makawp maga nga ai; shi gaw nye a dahpran shara rai nga ai, ngai galoi mung sum hkrum na n rai.

SHAKAWN KUNGDAWN 77:3

Ngai Karai Kasang a lam hpe myit yu ai shaloi, nsa kaba shaw nngai; ngai myit aru yu ai shaloi, myit ru myit yak ai lam hpe ngai hkam sha nga nngai.

ESAIA 32:2

Shanhte langai hte langai gaw nbung shingbyi shara hte nbung laru kaw na makoi shingbyi lu ai shara langai zawn tai na mara ai. Shanhte gaw zaibru jang e lwi nga ai hka shi ni zawn, akrin akraw re ai lamu ga hta nga ai kaba ai lunghkrung langai a shingnip zawn tai na mara ai.

ESAIA 54:11

Dai Madu gaw, “Nang gaw nni nkri hte matsan mayan hkrum ai mare, nang hpe shalan shabran na kadai n nga ai Yerusalem e, Ngai gaw na a npawt nhpang ni hpe hpu reng ai nlung ni hte bai gaw gap da na nngai.

LUKA 22:44

Myit masin hta dik hkra nni nkri hkrum nga ai majaw, shi grau nna akyu hpyi shaja wu ai. Shi a salu salat mung sai kahte ni zawn ga de hkrat lu ai.

TARA JAHPRANG 4:29

“Nanhte gaw dai hkan e dai Madu nanhte a Karai Kasang hpe marit let myit mada nna, nanhte a myit masin kraw lawang mahkra hte shi hpe hkan tam myit yang chyawm gaw mu lu na marin dai.