SHAKAWN KUNGDAWN 60:4 - Jinghpaw Common Language Bible 2009

⁴ Nang hpe hkrit hkungga ai ni gaw jahten shabyak ai kaw nna lawt wa lu na matu, shanhte hpe shadum jahprang nit dai.

Jinghpaw Hanson Version Bible

⁴ Tengman ai lam majaw sharawt na dawnghkawn gaw, Nang hpe hkrit kamyin ai ni hpe, nang jaw nit dai. [Selah.]

SHAKAWN KUNGDAWN 60:4 ပူးပေါင်းရင်းမြစ်များ

SHAKAWN KUNGDAWN 20:5

Shing rai, anhte gaw na a awng padang a majaw, kabu jahtau nga na ga ai; anhte a Karai Kasang hpe shakawn kungdawn ai hte na a awng padang ninglaw hpe masat poi galaw na ga ai. Na a hpyi lajin ai lam yawng mayawng hte hpe mung Madu htan ya nga u ga law.

SHAKAWN KUNGDAWN 45:4

Teng man ai hte rap ra ai tara hpe makawp maga let awng dang ai kaw du hkra, hpung shingkang hta jawn sa wa u! Na a n-gun gaw nang hpe galu kaba ai awng padang ninglaw ni hpe hkam la shangun na ra ai.

PRU MAT 17:15

Mawshe gaw tawn hkungri langai galaw nna dai hpe, “Dai Madu gaw nye a ninglam rai nga ai,” ngu nna shamying wu ai.

Shawlumon A Mahkawn Ga 2:4

Shi gaw ngai hpe poi galaw ai shi a gawknu de woi wa nna nye a ntsa e tsaw ra dawnghkawn sharawt da nga ai.

ESAIA 11:12

Dai Madu gaw bra ayai hkawm nga sai Israela hte Yuda amyu masha ni hpe lamu ga jut mali kaw nna bai woi la ai hte shinggyin da nga ai lam masha amyu baw hpe madun dan na nga, kumla dawnghkawn langai sharawt da na ra ai.

ESAIA 13:2

Kawng krin pungding ntsa e majan dawnghkawn sharawt da mu! Hpyenla ni hpe jahtau mu, gumrawng gumtawng ai mare chyinghka ni hpe gasat na, shanhte a matu kumla tai u ga, nanhte a lata lahpum sharawt da mu.

ESAIA 49:22

Tsaw Htum ai dai Madu gaw shi a amyu masha ni hpe ning ngu tsun nga ai: “Ngai gaw masha amyu baw ni hpe kumla madun na nngai, shanhte gaw na a ma kaji ni hpe dum nta de woi wa na mara ai.

ESAIA 5:26

Dai Madu gaw sumtsan na amyu baw langai hpe saw shaga na matu kumla langai jaw nga ai. Shi gaw shanhte hpe lamu ga htum kaw nna sa wa na matu lahpyaw hte shaga nga ai. Shanhte gaw ndai shara de tin tin, chyang chyang hte sa wa ma ai!

ESAIA 59:19

Sinpraw maga kaw nna sinna maga de du hkra nga ai masha shagu hte gaw shi hpe mung, shi a galu kaba ai daru magam n-gun hpe mung hkrit kamyin wa na mara ai. Shi gaw agre yu wa ai hka nu hpungtun hte nbung bung ja zawn du sa wa na ra ai.