SHAKAWN KUNGDAWN 60:3 - Jinghpaw Common Language Bible 2009

³ Nang gaw na a amyu masha ni hpe nni nkri laja lana hkam sha shangun nit dai; anhte gaw chyaru nang ai ni zawn, ndi nda kayin hkawm nga ga ai.

Jinghpaw Hanson Version Bible

³ Na a amyu hpe ru tsang nang jahkrum nna, Nang ai tsabyi anhte hpe jaw shalu mi ai.

SHAKAWN KUNGDAWN 60:3 ပူးပေါင်းရင်းမြစ်များ

NEHEMIA 9:32

“O Karai Kasang, anhte a Karai Kasang, Nang gaw kade sha galu kaba nga a hka! Kade sha hkrit mai nga a hka! Kade sha daru magam n-gun rawng nga a hka! Nang gaw ga shaka hte seng ai ga sadi ni hpe sadi sahka hte shatup ndai. Asuri hkawhkam ni anhte hpe dip gamyet sha ai aten kaw nna, ya du hkra pyi, anhte nni nkri kade daram hkam sha kau nga saga hka! Anhte a hkawhkam ni, anhte a ningbaw ni, anhte a hkinjawng ni hte myihtoi ni, anhte a kaji kawa ni hte anhte a amyu masha ni yawng nni nkri hkam sha kau nga saga hka! Anhte nni nkri kade daram hkam sha kau saga ai hpe adum nga u law!

SHAKAWN KUNGDAWN 71:20

Nang gaw ru tsang lam ni hte nni nkri lam ni hpe nye a ntsa e, hkrum sha shangun ai rai tim, nang gaw nye a n-gun hpe bai jahpring ya na rai nga ndai; lup sung hku de n du hkra mung, nang ngai hpe kyem mazing la na rin dai.

SHAKAWN KUNGDAWN 75:8

Dai Madu gaw shi a masin kahtet ai ngu ai nsa ja ai sabyi ntsin hte hpring nga ai gawm hpe shi a lata hta lang da nga ai. Dai ntsin hpe shi ru dat ai hte tara n lang ai ni yawng hte gaw dai hpe lu nga ma ai; shanhte gaw kahte mi pyi n ngam mat hkra lu kau nga ma ai.

SHAKAWN KUNGDAWN 80:4

Chyahtum Chyalai n-gun rawng ai Madu Karai Kasang e, nang gaw galoi du hkra, na a amyu masha ni a akyu hpyi ai ga ni a jaw e, pawt nga na n ni?

SHAKAWN KUNGDAWN 80:8

Nang gaw Egutu mung kaw na sabyi ru langai mi hpe la wa ndai; kaga amyu baw ni hpe nang gawt shapraw kau nhtawm, dai hpe shanhte a lamu ga hta, hkai nit dai.

SHAKAWN KUNGDAWN 85:5

Nang anhte hpe htani htana masin pawt nga na n ni? Na a masin kahtet ai lam galoi mung n htum mai na rai sani?

SHAKAWN KUNGDAWN 89:39

Na a shangun ma hte tawn da ai ga shaka hpe nang jahten kau nit dai hte; shi a janmau hpe ga nhpu de, nang jahkrat kau ya nit dai.

ESAIA 51:17

Yerusalem e, rawt u! Nang hkum nan jasu nna rawt u! Nang gaw dai Madu masin kahtet ai majaw nang hpe jaw lu ai ari gawm hpe lu kau nga ndai; Nang gaw dai hpe lu kau ai majaw, dai gaw nang hpe ndi nda byin shangun nga ai.

ESAIA 51:22

dai Madu na a Karai Kasang gaw nang hpe makawp maga ai hte, “Nye a masin kahtet ai majaw nang hpe jaw ai gawm hpe ngai la kau nga nngai. Nang gaw nang hpe ndi nda byin shangun ai sabyi ntsin hpe galoi mung lu ra sana n rai.

YEREMIA 25:15

Dai Madu Israela a Karai Kasang gaw ngai hpe, “Ndai sabyi gawm hta nye a pawt sindawng ai hte jahpring da u. Dai hpe ngai nang hpe shangun dat ai masha amyu baw ni yawng hpang de la sa nna, dai gawm kaw na shanhte hpe lu shangun u.

SHARUNG SHAYAWT 4:21

Edom hte Uza mung masha ni e, mani sumsai rai nga mu; nang dang lu ai made kabu gara nga u. Na a ru yak tsin-yam tsindam mung du wa ra ai; nang mung ndi nda rai lam hkawm nhtawm singgu krin kaya kahpa hkrum na rin dai.

Daniela 9:12

Anhte hpe mung, anhte a mung up hkang du ni hpe mung, nang galaw na ngu tsun nit dai hte maren nang galaw nit dai. Nang gaw ginding aga ntsa e nga ai kaga mare hta grau nna Yerusalem mare a ntsa e laja lana re ai ari jaw nga ndai rai nna,

HABAKU 2:16

Nanhte gaw arawng sadang a malai kaya kahpa hte bai htinggrum da hkrum na marin dai. Nanhte nan lu nang nna ndi nda rai wa na myit dai. Dai Madu gaw nanhte hpe ari gawm lu shangun nna nanhte a arawng sadang sari jahpoi kau hkrum na rai myit dai.

SHINGRAN 16:19

Dai rai nna dai galu kaba ai mare gaw masum brang rai ga mat wa nna, mungdan ni yawng a mare ni mung hten run mat ma ai. Karai Kasang gaw Babelon mare kaba hpe myit dum nna, shi a sindawng kahtet pawt bu ai ngu ai gawm hta na sabyi ntsin hpe lu shangun wu ai.

SHINGRAN 18:16

“Lachyit sumpan, shaba pu nsam rawng ai lai sumpan, hkyeng ai bu hpun palawng bu hpun nna, ja rai, hpu ging ai lungseng hte pale ni hte mawn sumli ai galu kaba ai mare gaw, dingnye lu a hka! Dingnye lu a hka!