SHAKAWN KUNGDAWN 60:2 - Jinghpaw Common Language Bible 2009

² Nang gaw lamu ga hpe gari ashun shangun nna, dai hpe nang kahtam hpaw kau nit dai; dai gaw ga ayai mat nga ai majaw ya dai nma ni hpe tsi shamai ya u.

Jinghpaw Hanson Version Bible

² Nang gaw dai mungdan hpe anawn dat nna, ga kau nu ai; Dai gaw gari awam nga ai majaw, De a kaprang ga ai hpe shapri ya u.

SHAKAWN KUNGDAWN 60:2 ပူးပေါင်းရင်းမြစ်များ

2 SAMUELA 22:8

Shaloi ginding aga gaw gari ashun nna awam nga ai; Karai Kasang masin pawt ai majaw sumsing lamu a npawt ni kangi kanga rai nna ashun awam nga ai!

2 SAMUELA 8:1

Ya aten ram ram na ai hpang, Hkawhkam Dawi gaw Hpilisti masha ni hpe bai htim gasat ai hte dang kau wu ai rai nna mung ting hpe up hkang nga ai shanhte a daru magam n-gun hpe jahtum kau ya wu ai.

1 HKAWHKAM LABAU 18:12

Kanu Zeruia a kasha Abishai gaw Jum Kadit e Edom masha ni hpe gasat dang kau nhtawm shanhte hta na masha mun mi hkying matsat hpe sat kau wu ai.

1 HKAWHKAM LABAU 18:3

Dai hpang, Dawi gaw Uhprat hka a lahta daw de na lamu ga ni hpe bai madu la na shakut nga ai Hadadeza a majaw Hamat lamu ga makau na Zoba mungdaw hpe up ai Suri Hkawhkam Hadadeza hpe htim gasat wu ai.

1 HKAWHKAM LABAU 18:5

Damasku mare na Suri masha ni gaw Hkawhkam Hadadeza hpe sa karum la na matu luksuk hpung mi hpe dat dat mu ai shaloi, Dawi htim gasat ai hte masha mun lahkawng hkying lahkawng hpe sat kau wu ai.

2 HKAWHKAM LABAU 7:14

shanhte galaw shut kau sai n hkru n shawp ai amu kaw nna myit malai ai hte kayin wa nhtawm ngai kaw akyu hpyi mu ai rai yang, sumsing lamu hta madat mara ya na nngai. Shing rai shanhte a yubak mara ni hpe raw dat kau ya nhtawm shanhte a mungdan hpe bai ngamu ngamai shangun na we ai.

YOBA 5:18

Karai Kasang gaw nang hpe machyi hkra shangun tim ningma ni hpe ahkyen kayawp ya nga ai; shi a lata hte nang hpe machyi hkra ti mung, shi a lata hte shamai shatsai ya nga ai.

YOBA 9:6

Karai Kasang gaw nnang nawng nawng shangun nna lamu ga hpe ashun awam di wu ai; shi gaw ginding aga hpe madi da ai shadaw ni hpe ashun wu ai.

SHAKAWN KUNGDAWN 104:32

Lamu ga hpe shi mada yu ai hte dai ni gari wa nga ai; bum ni hpe shi ahtawk dat wu ai shaloi, dai kaw na wan hkut ni pru wa nga ai.

SHAKAWN KUNGDAWN 114:7

Ginding aga e, dai Madu a man e mung, Yaku a Karai Kasang a man e mung, hkrit gari nga u.

SHAKAWN KUNGDAWN 18:7

Shing rai, Karai Kasang gaw pawt sindawng ai a majaw, ginding aga gaw gari awam wa nna, bum ni a npawt nhpang ni mung shamu shamawt nga ai.

SHAKAWN KUNGDAWN 89:40

Shi a mare bunghku ni hpe nang run jahkrat kau ya nhtawm; shi a hpyen dap ni hpe jahten kau ya nit dai.

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

ESAIA 30:26

Shata gaw ajan zawn htoi tu wa na ra ai, jan a nhtoi gaw mi na hta htam sanit grau htoi wa nna sanit ya na nhtoi gaw kalang mi htoi ai n-gun zawn tai na ra ai. Dai Madu gaw shi a amyu masha ni hpe shakap da ya sai nma ni hpe ahkyen kayawp nna shamai shatsai ya ai shaloi ndai lam byin wa na ra ai.

ESAIA 5:25

Dai Madu gaw shi a amyu masha ni hpe masin pawt nga ai, shanhte hpe ari jaw na matu shi a lata ladawn da nu ai. Bum ni gari ashun wa nna si mang ni mare lam nmaw hkan e shanut shanaw zawn jawng nga na mara ai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da na ra ai.

ESAIA 7:8

Hpa majaw nga yang, Suri gaw de a mare daju rai nga ai Damasku hta grau nna n-gun n rawng nga ai, Damasku gaw Hkawhkam Rezin hta grau n-gun n rawng nga ai. Israela a matu chyawm gaw amyu baw langai hku naw ngam nga na ni gaw kru shi manga ning laman agrawp kau ai hkrum na mara ai.

YEREMIA 10:10

Rai ti mung, Madu e, nang gaw teng man ai Karai Kasang rai nga ndai, nang gaw ahkrung nga ai Karai Kasang hte htani htana hkawhkam rai nga ndai. Nang pawt sindawng ai shaloi, mungkan ga gaw gari kawa rai nga ai; masha amyu baw ni na a masin kahtet ai hpe n hkam lu ma ai.

YEREMIA 14:17

Dai Madu gaw nye a yawn hkyen ai lam hpe ning ngu amyu masha ni hpe tsun na matu ngai hpe hkang da nga ai: “Nye a myi prwi ni shani shana lwi nga u ga, ngai gaw galoi mung n sim n sa hkrap ngu hkrap ngoi nga u ga; hpa majaw nga yang, nye a amyu masha ni gaw grai sawng hkra hkala nba hkrum ai hte laja lana re machyi hkrum nga sai.

YEREMIA 30:17

Ngai gaw nanhte hpe kalang mi bai hkam kaja shangun na nngai; Nanhte a gumlau hpyen ni, ‘Ziun gaw kau da ai hkrum nga ai; kadai mung shi hpe lanu lahku ai n rai,’ nga nna tsun ma ti mung, ngai gaw nanhte a ningma ni hpe shamai shatsai ya na we ai. Dai Madu ngai nan tsun ni ai,” nga ai.

YEREMIA 4:24

Bum ni hpe ngai mada yu ai shaloi, dai ni ashun nga ma ai, kawng ni kade nde ashun nga ma ai.

YEREMIA 48:38

Kadai mung n ra mat sai di bu hpe shaga kau ai zawn, ngai gaw Moba mung hpe ga kau ni ai majaw, Moba mung na nta ntsa shagu e mung, shawa mare lam ni yawng hta mung, kaga lam hpa mung n nga ai sha, sharung shayawt nga ma ai.

SHARUNG SHAYAWT 2:13

O Yerusalem, tsaw ra htum ai Yerusalem e, ngai kaning ngu tsun lu na rai nga a ni? Nang hpe ngai gara hku shalan shabran lu na rai nga a ta? Ndai zawn re ai nni nkri hpe kadai mung n hkam sha yu ma ai. Na a ru yak tsin-yam tsindam gaw nammukdara zawn shadawn masat n lu hkra dam lada nga ai; mai byin na zawn re ai myit mada shara hpa mung n nga nga ai.

EZEKELA 34:16

“Ngai gaw mat mat sai ni hpe hkan tam na nngai, dam hkawm mat ai ni hpe mung woi nhtang wa na nngai; ningma machyi ai sagu ni hpe mung ahkyen kayawp ya na nngai, machyi ai ni hpe mung shamai ya na nngai; rai ti mung hpum sau ai ni hte n-gun ja ai ni hpe chyawm gaw ngai jahten kau na nngai, hpa majaw nga yang, ngai gaw teng man ai hte maren galaw ai sagu rem wa rai nga nngai.

HOSEA 6:1

Amyu masha ni gaw, “Anhte dai Madu hpang de nhtang wa saga! Shi gaw anhte hpe machyi shangun nu ai, rai ti mung shi gaw anhte hpe teng teng shamai shatsai ya na ra ai; shi gaw anhte hpe nma shakap ya nu ai, rai ti mung shi gaw anhte a nma ni hpe kayawp ya na ra ai, shi galaw na n rai ni?

AMO LAIKA (AMOS) 8:8

Dai rai nna ginding aga gaw ashun wa na ra ai, mungdan na masha shagu hte mung tsin-yam tsindam hkrum sha na mara ai. Mungdan ting gari ashun wa nna dai gaw Nila hka nu zawn rawt tung wa nna hkyet mat wa na ra ai.

HABAKU 3:10

Bum ni nang hpe mu ai shaloi, dai ni hkrit gari ma ai; lamu ni kaw na hka ru hkrat nga ai. Ginding aga a npu na hka ni wu kadu nga ai hte dai ni a hka leng ni rawt lung wa nga ai.

MAHTE 27:51

Shaloi, Nawku Htingnu na nba grang gaw ntsa de nna htumpa hkren lahkawng brang ga mat ai. Ginding aga mung ashun awam wa nna, lunghkrung ni ga mat wa ma ai.