SHAKAWN KUNGDAWN 6:7 - Jinghpaw Common Language Bible 2009

⁷ Nye a gumlau hpyen ni a majaw myi bum mat hkra hkrap nna, ngai gaw adan aleng n mu lu nga nngai.

Jinghpaw Hanson Version Bible

⁷ Nye a myi yawn hkyen ai hte a mam nga ai; Nye a gumlau ni a majaw, myi mak mat sai.

SHAKAWN KUNGDAWN 6:7 ပူးပေါင်းရင်းမြစ်များ

2 HKAWHKAM 20:3

“Madu e, ngai gaw nang hpe kangka ai hte sadi dung let daw jau ni ai; nang ra sharawng ai hpa lam hta rai ti mung ngai tut nawng shakut shaja galaw ai amu ni hpe dum ya e law.” Shi gaw ahkup ahka nga mat hkra hkrap let hpyi nem wu ai.

YOBA 17:7

Nye a yawn hkyen ai gaw ngai hpe ganoi noi myi n mu shangun kau nga ai; nye a lata lahpum hte lagaw ni shingnip shingna zawn hpa nga li ai.

YOBA 7:3

Shata mi hte shata mi, asak hkrung nga lu na matu ngai hpa n lu nngai; lana mi hte lana mi, yawn hkyen ai gaw ngai kaw du nga ai.

SHAKAWN KUNGDAWN 32:3

Nye a yubak ni hpe ngai garai n yin la yang, shani tup hkrap nga ai majaw, ngai hki ba nga ni ai.

SHAKAWN KUNGDAWN 38:10

Nye a salum htuk htak nga li ai, nye a n-gun mung htum mat sali ai; nye a myi ni mu na atsam n rawng mat sai.

SHAKAWN KUNGDAWN 69:4

Mara kata e, ngai hpe n ju n dawng nga ai ni gaw nye a baw na kara singgawng ni hta grau law nga ma ai; Nye a gumlau hpyen ni ngai hpe masu magaw shatan nhkan ga tsun nna, gumlang nga ma ai; Shanhte gaw n-gun ja nga ma ai rai nna, ngai hpe sat kau mayu nga ma ai. Ngai n lagu la ai arung arai ni hpe bai nhtang jaw shangun ma ai.

SHAKAWN KUNGDAWN 88:9

nni nkri hkam sha ai majaw, nye a myi ni amam nga li ai. Madu e, ngai nang hpe shani shagu shaga nga nngai hte; nye a lata ni hpe sharawt nna, nang kaw akyu hpyi nga nngai.

YEREMIA 45:3

nang gaw, ‘Ngai asum jaw ni ai! Dai Madu gaw nye a ru tsang ai hta yawn hkyen ai mung kahtap jaw ni ai, ngai gaw yawn madai ai hte hki ba nga nngai, ban sa la na lam hpa mung ngai n mu lu nngai!,’ nga nna tsun nga ndai.

SHARUNG SHAYAWT 5:17

Anhte gaw gawng run gawng tsang hkrum nga ga ai; myi prwi si ni a majaw asan awan mu mada lu na yak nga ai.