SHAKAWN KUNGDAWN 6:6 - Jinghpaw Common Language Bible 2009

⁶ Ngai yawn hkyen ai hte hki ba la nga nngai, nye a hkrap agru ai kaw na pru ai myi prwi gaw nye a yupra hpe madi ya nga ai rai nna, nye a baw hkum mung myi prwi ni hte madi nyap nga li ai.

Jinghpaw Hanson Version Bible

⁶ Ngai madai nna hki ba la nga nngai; Shana shagu hkrap ai hte nye yup ku madi nga ai, Nye myi prwi hta nye a yup ra hpe ngai shayawng dat nngai.

SHAKAWN KUNGDAWN 6:6 ပူးပေါင်းရင်းမြစ်များ

YOBA 10:1

Ngai gaw asak hkrung nga ai hta hki ba nga nngai. Nye a ahkup ahka nga ai aput angun ga hpe madat ya e.

YOBA 16:20

Nye a manang ni ngai hpe asawng asang di ma ai; Karai Kasang a man e nye a myi prwi pru nga ai.

YOBA 7:3

Shata mi hte shata mi, asak hkrung nga lu na matu ngai hpa n lu nngai; lana mi hte lana mi, yawn hkyen ai gaw ngai kaw du nga ai.

SHAKAWN KUNGDAWN 115:17

Si mat sai ni hte, katsi katsang re ai shara de, du shang mat wa ai ni gaw dai Madu hpe shakawn lu ma ai n rai.

SHAKAWN KUNGDAWN 30:10

Madu e, ngai hpe na ya ai hte matsan dum la e! Madu e, ngai hpe karum la e law!”

SHAKAWN KUNGDAWN 38:9

O Madu e, ngai hpa hpe ra marit nga ai gaw nang chye nga ndai; nye a madai ai nsen ni yawng hpe mung nang na ya nga ndai.

SHAKAWN KUNGDAWN 39:12

Madu e, nye a akyu hpyi ai ga hpe na ya e, ngai hpyi jahtau ai nsen hpe madat ya e; ngai hkrap ngu hkrap ngoi nga yang, ngai hpe sa karum la e. Nye a kaji kawa ni yawng zawn, ngai gaw na a manam sha, jahkring mi tai nga nngai.

SHAKAWN KUNGDAWN 42:3

Ngai gaw shani shana hkrap nga nngai, shing rai, myi prwi ni sha, nye a lusha rai nga ai; “Na a Karai Kasang kanang nga nga a ta?,” nga nna aten shagu nye a gumlau hpyen ni ngai hpe san nga ma ai.

SHAKAWN KUNGDAWN 69:3

Ngai gaw karum la na matu marawn jahtau nngai majaw hki ba nga nngai, nye a yu hkraw mung machyi nga li ai. Nang karum la na hpe mada yu nga nngai majaw nye a myi ni mam mat li ai.

SHAKAWN KUNGDAWN 88:11

Lup sung hku kata e, na a dinggrin tsaw ra myit a lam hpe tsun kajai nga ma ni? Ngarai mung e na a sadi sahka lam hpe shanhte hkai nga ma ni?

SHAKAWN KUNGDAWN 88:9

nni nkri hkam sha ai majaw, nye a myi ni amam nga li ai. Madu e, ngai nang hpe shani shagu shaga nga nngai hte; nye a lata ni hpe sharawt nna, nang kaw akyu hpyi nga nngai.

ESAIA 38:18

Katsan ga na masha kadai mung nang hpe shakawn kungdawn lu ai n rai; Si hkrung si htan gaw na a sadi sahka hpe kam ai n rai.

YEREMIA 14:17

Dai Madu gaw nye a yawn hkyen ai lam hpe ning ngu amyu masha ni hpe tsun na matu ngai hpe hkang da nga ai: “Nye a myi prwi ni shani shana lwi nga u ga, ngai gaw galoi mung n sim n sa hkrap ngu hkrap ngoi nga u ga; hpa majaw nga yang, nye a amyu masha ni gaw grai sawng hkra hkala nba hkrum ai hte laja lana re machyi hkrum nga sai.

SHARUNG SHAYAWT 1:16

“Dai re ai majaw, nye a myi ni gaw myi prwi ni hte kabrat nga li ai. Kadai mung ngai hpe shalan shabran lu ai n rai; kadai mung ngai hpe nden marai shajat ya lu ai n rai. Gumlau hpyen gaw ngai hpe ka-up dang kau nu ai; nye a amyu masha ni hpa mung n lu mat manu ai.

SHARUNG SHAYAWT 1:2

Shi gaw shana tup hkrap nga ai rai nna shi a shabyi hku myi prwi ni lwi hkrat nga ai. Shi a shawng na jinghku ni yawng hta shi hpe shalan shabran na langai mi mung n nga nga ai. Shi a myit hkrum manang ni shi hpe gumle gumlau ai hte ya gaw shi hte nhtan shai nga masai.

SHARUNG SHAYAWT 2:11

Nye a myi ni gaw hkrap ngu hkrap ngoi hte hki ba nga ai; nye a wenyi nchyi nmu hkrum nga ai. Ngai gaw nye a amyu masha ni a hten byak ai yawn hkyen lam hte atsu atsa nga nga nngai. Ma kaji ni hte ma chyangai ni mung mare nmaw lam hkan e malap mali ndum ndam rai ma ai.

LUKA 7:38

Shingdu maga, Yesu a lagaw nhpang e hkrap tsap nga let, Madu a lagaw hpe myi prwi hte madit ya wu ai, dai hpang shi a kara hte katsut kau ya wu ai, shi a lagaw hpe mung pup nhtawm, manam pyaw ai mura hte chya ya wu ai.