SHAKAWN KUNGDAWN 6:2 - Jinghpaw Common Language Bible 2009

² O Madu e, ngai hki ba la nga nngai, ngai hpe matsan dum la e law! Ngai tsep kawp kya gumba mat nga nngai majaw ngai hpe n-gun jaw ya e.

Jinghpaw Hanson Version Bible

² Yehowa e, ngai htum wa ni ai majaw, matsan dum la e, Yehowa e, nye a nra hkrit gari nga li ai majaw, shamai ya e.

SHAKAWN KUNGDAWN 6:2 ပူးပေါင်းရင်းမြစ်များ

NINGPAWT NINGHPANG 20:17

Abraham a madu jan Sara hta byin lai wa sai lam a majaw dai Madu gaw Abimelek a hkaw wang na numsha kadai hpe mung kashu kasha n kap hkra dim da nu ai. Dai rai nna Abraham gaw Abimelek a matu akyu hpyi ya wu yang, shi hpe mung, shi a madu jan hte mayam num ni hpe mung Karai Kasang shamai ya nu ai rai nna shanhte gaw kashu kasha ni shaprat mu ai.

YOBA 19:21

Nanhte gaw nye a manang ni rai nga myit dai! Ngai hpe matsan yu dum la mi law! Karai Kasang a lata hte ngai hpe kayat kadang tawn nu ai.

YOBA 5:18

Karai Kasang gaw nang hpe machyi hkra shangun tim ningma ni hpe ahkyen kayawp ya nga ai; shi a lata hte nang hpe machyi hkra ti mung, shi a lata hte shamai shatsai ya nga ai.

SHAKAWN KUNGDAWN 22:14

Ga ntsa e, hka hpe ru kau ai zawn, nye a n-gun hkoi mat sali ai. Nye a nra hkrihkraw ni mahkra kashai mat sai, nye a myit masin mung shabyawng da ai gitbaw zawn rai nga li ai.

SHAKAWN KUNGDAWN 30:2

O Madu nye a Karai Kasang e, karum la na matu ngai nang hpe jahtau ni ai, nang ngai hpe shamai ya nit dai;

SHAKAWN KUNGDAWN 31:10

Yawn hkyen lam a majaw ngai n-gun kya gumba mat nga nngai; hkrap sharung ai gaw nye a asak hpe kadun kau shangun nga sai. Nye a ru tsang ai lam yawng a majaw, ngai hta n-gun lagaw yawm nga nngai rai nna, nye a nrut nra ni du hkra tsam mat nga li ai.

SHAKAWN KUNGDAWN 32:3

Nye a yubak ni hpe ngai garai n yin la yang, shani tup hkrap nga ai majaw, ngai hki ba nga ni ai.

SHAKAWN KUNGDAWN 38:2

Na a pala ni a jaw e, ngai hta nma kap nga nna nang ngai hpe adup kadawng tawn nga ndai.

SHAKAWN KUNGDAWN 38:3

Na a masin kahtet ai majaw ngai laja lana machyi hkrum nga nngai; nye a yubak ni a majaw, nye a hkum ting hta ana zinli hkrai rai nga li ai.

SHAKAWN KUNGDAWN 38:7

Ngai gaw hkum kahtet machyi nga nngai hte si wa mahka rai mat nga nngai.

SHAKAWN KUNGDAWN 51:8

Kabu gara ai hte ngwi pyaw ai nsen ni ngai hpe na shangun et; nang ngai hpe daw agrawp kau ai rai ti mung, ngai kalang mi bai naw kabu gara wa lu na nngai.

PRU MAT 15:26

Shi gaw, “Nye a hkang da ai ga ni hpe shadik shatup nna, ding man ai hku galaw ai hte nye a ga matsun hpe tsep kawp madat mara hkan sa myit dai rai yang chyawm gaw Egutu masha ni hta ngai shakap ai ana ahkya hpa hte mung, nanhte hpe ngai ari jaw na made ai n rai. Ngai gaw nanhte hpe shamai ya ai dai Madu rai nga nngai,” ngu nna tsun wu ai.

YEREMIA 10:24

Madu e, na a amyu masha ni hpe shading sharai u, rai ti mung, anhte a ntsa e laja lana sharin ai hku n rai u ga; nang pawt sindawng ai shaloi anhte hpe ari hkum jaw mi; dai gaw anhte a hpang jahtum tai na ra ai.

YEREMIA 17:14

Madu e, ngai hpe shamai shatsai la e, shaloi ngai tsep kawp hkam kaja wa na ring ngai; ngai hpe hkye mawai la e, shaloi ngai hkum tsup hkra shim lu na ring ngai. Nang gaw ngai shakawn kungdawn ai wa rai nga ndai!

HOSEA 6:1

Amyu masha ni gaw, “Anhte dai Madu hpang de nhtang wa saga! Shi gaw anhte hpe machyi shangun nu ai, rai ti mung shi gaw anhte hpe teng teng shamai shatsai ya na ra ai; shi gaw anhte hpe nma shakap ya nu ai, rai ti mung shi gaw anhte a nma ni hpe kayawp ya na ra ai, shi galaw na n rai ni?

BU HKAWM 12:13

Dai rai nna Mawshe gaw dai Madu hpe, “Karai Kasang e, shi hpe shamai ya u!,” ngu nna jahtau tsun wu ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

TARA JAHPRANG 32:39

“‘Ngai hte ngai chyu sha Karai Kasang rai nga nngai; karai shaje kadai mung karai jet n rai nga ai. Ngai sat nna ngai jahkrung nngai, ngai jahpye nna ngai shamai nngai; ngai galaw ai lam hpe kadai e mung ninghkap lu ai n rai.