SHAKAWN KUNGDAWN 6:1 - Jinghpaw Common Language Bible 2009

¹ Madu e, masin pawt ai hte ngai hpe hkum daru et! Na masin kahtet ai hte ngai hpe ari hkum jaw et!

Jinghpaw Hanson Version Bible

¹ Yehowa e, na a masin pawt ai hte ngai hpe ari hkum jaw e, Na a myit kahtet ai hte ngai hpe hkum sharin ya et.

SHAKAWN KUNGDAWN 6:1 ပူးပေါင်းရင်းမြစ်များ

SHAKAWN KUNGDAWN 118:18

Shi ngai hpe laja lana di nna ari jaw nga ti mung: shi ngai hpe si shangun nga ai n rai.

SHAKAWN KUNGDAWN 12:1

Madu e, anhte hpe karum la mi! Mai kaja ai masha langai mung n nga sai; ding man ai masha ni hpe mung loi mi pyi n mu lu mat sai.

SHAKAWN KUNGDAWN 2:5

Shing rai, shi gaw shanhte hpe masin pawt ai hte sadi jaw nhtawm shi a pawt sindawng ai hte shanhte hpe jahkrit mu ai.

SHAKAWN KUNGDAWN 38:1

O Madu e, na a masin kahtet ai hta ngai hpe ari hkum jaw et!

SHAKAWN KUNGDAWN 4:1

Ngai hpe makawp maga ya ai Karai Kasang e! ngai akyu hpyi yang, htan ya e! Ngai ru tsang hkrum ai shaloi, nang ngai hpe karum la nit dai. Ngai hpe ya jang matsan dum ai hte nye a akyu hpyi ai ga hpe na ya e law.

ESAIA 54:9

“Noa a aten hta, ginding aga hpe galoi mung bai sha-u n sha-ing na matu ngai ga sadi da ni ai. Ya chyawm gaw, ngai nang hte masin bai n pawt na matu ga sadi da nngai; Ngai nang hpe daru mung n daru, ari mung jaw na n rai nngai.

ESAIA 57:16

Ngai gaw nye a amyu masha ni hpe asak jaw da ni ai, ngai gaw shanhte hpe matut nna mara shagun na n rai, shanhte hpe htani htana pawt sindawng na n rai.

YEREMIA 10:24

Madu e, na a amyu masha ni hpe shading sharai u, rai ti mung, anhte a ntsa e laja lana sharin ai hku n rai u ga; nang pawt sindawng ai shaloi anhte hpe ari hkum jaw mi; dai gaw anhte a hpang jahtum tai na ra ai.

YEREMIA 46:28

Ngai gaw nanhte kaw sa nna hkye la na nngai. Ngai nanhte hpe shabra kau dat ai mungdan na masha amyu baw yawng hpe ngai jahten kau na nngai. rai ti mung, ngai nang hpe jahten kau na n rai. Ngai gaw nanhte hpe ari n jaw ai sha dat dat na n rai; rai ti mung, ngai nang hpe ari jaw ai shaloi, ngai gaw teng man rap ra nga na nngai. Dai Madu ngai nan tsun ni ai.”