SHAKAWN KUNGDAWN 59:3 - Jinghpaw Common Language Bible 2009

^3-4 Yu u! Shanhte gaw ngai hpe sat na matu ala nga ma ai; mazut ai masha ni ngai hpe hkap daw na matu zup hpawng nga ma ai. O Madu e, shanhte gaw shanhte a shara ni hta gasat na matu jin jin rai nga ai lam gaw, ngai galaw shut kau sai shut hpyit lam, shing n rai, yubak a majaw mung n rai, dai sha n ga, nye a mara langai ngai a majaw mung n rai nga ai.

Jinghpaw Hanson Version Bible

³ Yu mu, nye a asak la na shanhte gyam nga ma ai, Ngai hpe jahten na, n-gun ja ai ni zuphpawng nga ma ai: Rai timung, Yehowa e, ngai mara n kap nngai, Ngai yubak mung n galaw nngai.

SHAKAWN KUNGDAWN 59:3 ပူးပေါင်းရင်းမြစ်များ

SHAKAWN KUNGDAWN 140:2

Shanhte gaw tut nawng e, n hkru n shawp ai amu hpe maw mawn nga ma ai hte, tut nawng e, ga law ga la lam hpe shalut kabrawng dat ya nga ma ai.

SHAKAWN KUNGDAWN 2:2

Dai Madu hte shi lata san da ai Hkawhkam wa hpe shanhte a hkawhkam ni gumlau nna, mung du ni mung ninghkap na matu jawm mayun bawng nga ma ai.

SHAKAWN KUNGDAWN 38:12

Ngai hpe sat mayu ai ni, nye a matu mahkam hkam da nga nna, ngai hpe machyi shangun mayu ai ni mung ngai hpe jahten shabyak lu na matu jahkrit shama nga ma ai; shanhte gaw ngai hpe n sim n sa n kaja ai lam maw mawn nga ma ai.

SHAKAWN KUNGDAWN 56:6

Shanhte gaw shim ai makoi shara hta hpawng nga nna, ngai galaw ai lam mahkra hpe shanhte lagyim yu ai hte, ngai hpe sat kau lu na matu myit mada nga ma ai.

SHAKAWN KUNGDAWN 69:4

Mara kata e, ngai hpe n ju n dawng nga ai ni gaw nye a baw na kara singgawng ni hta grau law nga ma ai; Nye a gumlau hpyen ni ngai hpe masu magaw shatan nhkan ga tsun nna, gumlang nga ma ai; Shanhte gaw n-gun ja nga ma ai rai nna, ngai hpe sat kau mayu nga ma ai. Ngai n lagu la ai arung arai ni hpe bai nhtang jaw shangun ma ai.

GA SHAGAWP 12:6

Tara n lang ai masha ni a ga gaw masha sai hpe jahkaw ya nga ai; ding hpring ai masha ni a n-gup aga gaw jahkrit shama hkrum nga ai ni hpe mawai la nga ai.

GA SHAGAWP 24:15

Tara malang ai masha wa hpe hpya kau nna, shi a nta hpe kashun la kau ya na matu maw mawn ai, dai tara n lang ai masha wa zawn, hkum rai nga et.

MIHKA 7:2

Dai yang e ding man ai masha langai mi pyi n nga nga ai; Karai Kasang hta sadi dung ai masha langai mi mung n nga nga ai. Langai hte langai gaw masha sat, sai jahkaw na ahkaw ahkang hpe ala nga ma ai. Masha hkum shagu shada da hkan gyam nga ma ai.

YAWHAN 15:25

Rai ti mung dai gaw, ‘Mara n nga ti mung, shanhte ngai hpe n dawng n yawt ma ai,’ nga nna shanhte a Tara Laika hta ka da ai ga dik wa na matu rai nga ai.

KASA 23:21

Rai ti mung shanhte ra ai hku hkum hkraw ya et, hpa majaw nga yang lam e masha mali shi jan shi hpe hkap rim na makoi nga na ma ai. Shanhte gaw Pawlu hpe garai n sat lu lu gaw hpa mung n lu n sha na, nga nna dagam shaka da ma ai. Ya pyi na a ahkang hpe ala let, ndai amu galaw na jin jin rai nga masai,” ngu wu ai.

1 SAMUELA 19:1

Shawlu gaw Dawi hpe sat kau na matu shi maw mawn da sai lam, shi a kasha Yonahtan hte shi a du salang ni yawng hpe tsun dan wu ai. Rai ti mung Yonahtan mahtang Dawi hpe grai tsaw ra nga ai rai nna,

1 SAMUELA 24:11

Yu yu u, nye wa e, ya ngai lang da nga ai na a ntsa palawng adaw achyen hpe mada yu u! Ngai nang hpe sat kau lu sha gaw rai sai, rai ti mung shing rai galaw na malai ndai adaw hpe sha kadoi di la nngai. Ndai hpe yu nna ngai nang hpe gumlau na matu n myit hkawn nga ai hpe mung, nang hpe n machyi shangun mayu ai hpe mung, nang hpe chye na hkawn hkrang shangun mayu nngai. Ngai chyawm gaw nang hpe hpa mung n shut n hpyit kau yu tim, nang mahtang ngai hpe sat kau na matu tam gyam hkawm nga ndai.

1 SAMUELA 24:17

Dai hpang, shi gaw Dawi hpe, “Nang galaw ai lam jaw nga ai; ngai mahtang shut nga nngai. Ngai nang hpe dai zawn shut ai hku galaw kau ti mung nang chyawm gaw ngai hpe grai kaja ai hku galaw nga nit dai!

1 SAMUELA 26:18

Dawi gaw, “Madu e, na a shangun ma wa hpe nang hpa majaw naw hkan shachyut nga n ta? Ngai hpa baw amu galaw shut kau nga a ni? Ngai hpa baw ru hka amu shut kau nga a ni?