SHAKAWN KUNGDAWN 57:8 - Jinghpaw Common Language Bible 2009

⁸ Nye a wenyi e, dum hprang u! Nye a tingse hte sumpyi e, dum hprang u! Jan hpe mung ngai jasu na nngai!

Jinghpaw Hanson Version Bible

⁸ Nye a arawng sadang e, dum hprang u, Tingse hte sumpyi ni e, dum hprang mu: Jahpawt manap hpe mung ngai jasu na we ai.

SHAKAWN KUNGDAWN 57:8 ပူးပေါင်းရင်းမြစ်များ

2 HKAWHKAM LABAU 20:28

Shanhte gaw mare de du wa ai shaloi tingse sumpyi hte pahtau ni hpe dum let, mare na Nawku Htingnu de du wa ma ai.

SHAKAWN KUNGDAWN 150:3

Pahtau ni hte shi hpe shakawn garu mu. Tingse daw raw ni hte shi hpe kungdawn mu.

SHAKAWN KUNGDAWN 16:9

Nang gaw ngai hpe Si du a n-gun atsam kaw nna makawp maga la ndai, ngai nang hpe kangka ai hte daw jau ni ai, shing rai, nang gaw ngai hpe Katsan ga de n kabai kau na rai nga ndai majaw, ngai gaw kabu chyeju dum ai hte tsep kawp shim lum nga nngai.

SHAKAWN KUNGDAWN 27:6

Shing rai, ngai gaw ngai hpe wang shinggrup da ai nye a gumlau hpyen ni hpe dang kau nngai; shi a Nawku Htingnu hta kabu gara jahtau garu nhtawm shagu hkungga ni hpe nawng jau na ring ngai. Ngai gaw Madu hpe mahkawn mangoi let shi hpe shakawn na ring ngai.

SHAKAWN KUNGDAWN 30:12

Shing rai, ngai gaw atsin sha nga nga na nngai n rai; ngai nang hpe mahkawn shakawn nga na nngai. Madu e, nang gaw nye a Karai Kasang rai nga ndai; Ngai nang hpe htani htana chyeju dum nga na nngai law.

SHAKAWN KUNGDAWN 43:4

Shaloi, Karai Kasang e, na a tawn hkungri de ngai sa wa lu na ring ngai; nang gaw nye a kabu gara ai chyeju hka hpawk rai nga ndai. O Karai Kasang e, nye a Karai Kasang e, nye a tingse hpe dum ai hte nang hpe ngai mahkawn shakawn nga na nngai.

ESAIA 52:1

Yerusalem e, n-gun shaja ai hte kalang bai galu kaba u! Karai Kasang a Chyoi Pra ai mare e, na hkum hpe hkik hkam ai hpun palawng hte mawn sumli u! Sumla nawku ai ni na a mare chyinghka de galoi mung bai shang lu na mara ai n rai.

ESAIA 52:9

Hten run mat sai Yerusalem, nang e, kabu gara jahtau garu u! Dai Madu gaw shi a mare hpe hkye mawai la nna shi a amyu masha ni hpe shalan shabran na ra ai.

KASA 2:26

Dai re ai majaw nye a myit masin kabu gara ai hte hpring nna, nye a n-gup ngwi pyaw ai ga hte hpring nga li ai. Ngai gaw si chye ai masha rai nga ti mung, myit amu sha hte myit mada nga na nngai.

TARA AGYI 5:12

Hprang u, Debora, hprang u! Hprang u! Mahkawn mangoi u! Hprang u! Abinoam a shadang sha Barak e, Shawng de rawt sa u, Na a bawng masha ni hpe woi mat wa u!