SHAKAWN KUNGDAWN 57:5 - Jinghpaw Common Language Bible 2009

⁵ O Karai Kasang e, lamu hta na a hkik hkam ai lam hte ga ntsa ting hta mung, na a hpung shingkang dan hkung nga ai hpe madun dan u.

Jinghpaw Hanson Version Bible

⁵ Karai Kasang e, sumsing lamu hta nang grau tsaw nga u ga; Aga ting hta e na a hpung shingkang dan hkung nga u ga.

SHAKAWN KUNGDAWN 57:5 ပူးပေါင်းရင်းမြစ်များ

1 HKAWHKAM LABAU 29:1

Hkawhkam Dawi gaw shawa hpawng ting hpe ning ngu nna ndau tsun wu ai: “Ngai sha Shawlumon gaw Karai Kasang e lata la hkrum ai wa rai nga ti mung, shi gaw naw kaji nga ai hte mahkrum madup garai n nga ai wa rai nga ai. Dai amu gaw masha a matu hkawhkam htingnu galaw ai n rai; Madu Karai Kasang a matu Nawku Htingnu galaw ai rai nga ai majaw galaw na amu grai kaba nga ai.

SHAKAWN KUNGDAWN 148:13

Dai Madu a mying nsang hpe shanhte yawng shakawn mu ga! Shi a mying nsang gaw kaga ni yawng hta grau nga ai; shi a hpung shingkang gaw ginding aga hte sumsing lamu a ntsa e, chyam nga ai.

SHAKAWN KUNGDAWN 21:13

Madu e, na a galu kaba ai n-gun atsam a majaw, anhte nang hpe shakawn ga ai! Anhte gaw na a daru magam n-gun atsam hpe mahkawn shakawn nga na ga ai law.

SHAKAWN KUNGDAWN 57:11

Karai Kasang e, lamu hta na a galu kaba ai lam hte aga ntsa ting hta e mung, na a hpung shingkang dan hkung nga ai hpe madun dan nga u law.

SHAKAWN KUNGDAWN 59:8

Rai ti mung, Madu e, nang gaw shanhte hpe mani kau nga ndai; tara maigan ni yawng hpe mung, nang ashu kau nga ndai.

SHAKAWN KUNGDAWN 64:4

Shanhte gaw shanhte a kaya n chye ai masu magaw ga ni hpe tin tin htawn shabra nga ma ai; nden n rawng ai masu magaw ga ni hte mai kaja ai masha ni hpe shatan nhkan ga tsun nna jahpyak nga ma ai.

SHAKAWN KUNGDAWN 72:19

Shi a hpung shingkang hte seng ai mying nsang hpe htani htana shakawn mu! Shi a hpung shingkang gaw mungkan ting hta pri rai nga u ga law. Amen! Amen!

SHAKAWN KUNGDAWN 8:1

O Madu anhte a Madu e, na a galu kaba ai lam hpe mungkan ting hta mu lu nga a hka! Nang hpe shakawn ai ga ni, sumsing lamu ni de du hkra hkrang lung nga ai;

GA SHAGAWP 12:18

Majoi mi baw law ai ga gaw sung hkra galun ai nhtu nma zawn jahpye ya lu ti mung; hpaji ga hte tsun shaga ai ga chyawm gaw shamai shatsai ya lu nga ai.

GA SHAGAWP 30:14

Matsan mayan masha ni hte n lu n lawm, ra kadawn nga ai ni hpe zai hku nna dip da ai ni hte jahten sharun ai masha ni nga nga ma ai; dai zawn galaw ai gaw shanhte a kan bau magam bungli rai nga ai.

ESAIA 12:4

Amyu masha ni gaw, “Dai Madu hpe chyeju dum mu! Nang hpe karum la na matu shi hpe shaga u! Shi galaw nu ai amu masha amyu baw ni yawng hpe tsun dan mu! Shi kade wa galu kaba nga ai lam shanhte hpe tsun dan mu!

ESAIA 2:11

Masha a gumrawng gumtawng ai gaw htum mat wa nna masha a myit tsaw myit dap ai gaw jahten kau ai hkrum na ra ai nhtoi gaw du wa nga sai. Dai hpang dai Madu chyu sha shagrau shatsaw ai hkrum na ra ai.

ESAIA 2:17

Masha a gumrawng gumtawng ai gaw htum mat na ra ai, masha a myit tsaw myit dap ai gaw jahten kau ai hkrum na ra ai. Hpara sumla ni tsep kawp mat mat nna, dai Madu chyu sha dai shani e shagrau shatsaw ai hkrum na ra ai.

ESAIA 37:20

Ya chyawm gaw, Madu anhte a Karai Kasang e, Asuri masha ni a lata kaw na anhte hpe hkye mawai la mi, shaloi mungkan ga na masha amyu baw ni yawng gaw nang chyu sha Karai Kasang rai nga ai hpe chye lu na mara ai.”

ESAIA 6:3

Shanhte langai hte langai gaw ning ngu nna tsun jahtau ma ai: “Chyoi pra, chyoi pra, chyoi pra! Chyahtum Chyalai N-gun rawng ai dai Madu gaw chyoi pra nga ai! Shi a hpung shingkang gaw mungkan ga hta hpring nga ai.”

HABAKU 2:14

Rai ti mung, Panglai ni gaw hka hte hpring nga ai zawn ginding aga gaw dai Madu a hpung shingkang a machye machyang hpaji hte hpring nga na ra ai.

HABAKU 3:3

Karai Kasang gaw Edom kaw nna bai sa wa nga ai; chyoi pra ai Karai Kasang gaw Paran kawng ni kaw na sa wa nga ai. Shi a hpung shingkang sumsing lamu ni hpe ka-up da nga ai; ginding aga gaw shi hpe shakawn kungdawn ai ga hte hpring nga ai.

BU HKAWM 14:21

Rai ti mung ngai gaw ahkrung nga nngai rai nna nye a hpung shingkang ga ntsa ting hta dan hkung nga ai hte maren,