SHAKAWN KUNGDAWN 57:4 - Jinghpaw Common Language Bible 2009

⁴ Masha shan sha ai hkanghkyi ni zawn, gumlau hpyen ni wang shinggrup da ai ngai hkrum nga nngai. Shanhte a wa ni gaw nri hte pala ni zawn rai nga ai, shanhte a shinglet ni dai ai nhtu ni zawn rai ma ai.

Jinghpaw Hanson Version Bible

⁴ Nye a myit masin hkanghkyi ka-ang e rai nga ai, Wan hkru ai ka-ang e ngai kaleng nga nngai: Shinggyim masha ni a wa, ri pala hte, Shanhte a shinglet, dai ai nhtu rai nga malu ai.

SHAKAWN KUNGDAWN 57:4 ပူးပေါင်းရင်းမြစ်များ

YOBA 41:14

Nyin jahkrit lu ai awa grup grup rawng ai shi a shakap ni hpe kadai wa mahka shangun lu a ta?

SHAKAWN KUNGDAWN 10:9

Shi gaw hkanghkyi langai zawn lagyim shara hta la nga nhtawm; matsan mayan ni hpe gamu rim la na shi la nga let, shi gaw shi a mahkam hta shanhte hpe rim bang ai hte shanhte hpe tsan tsan de garawt mat wa wu ai.

SHAKAWN KUNGDAWN 35:17

Madu e, galoi du hkra, nang a yu nga na ngu n ta? Shanhte a gasat gala ai kaw na ngai hpe mawai la e. Ndai hkanghkyi ni kaw nna, nye a asak hpe hkye la e law!

SHAKAWN KUNGDAWN 43:3

Na a nhtoi hte na a teng man ai lam hpe jaw dat rit, dai gaw ngai hpe woi lakawn mat wa nna; na a chyoi pra ai Ziun Bum hte nang shanu nga ai Nawku Htingnu de woi wa u ga.

SHAKAWN KUNGDAWN 52:2

Na a shinglet gaw dai kara rep nhkyi zawn kaga ni hpe jahten sharun na, maw mawn nga ndai. Nang gaw masu magaw ga hpe tut nawng e, gyin shalat ai wa rai nga ndai.

SHAKAWN KUNGDAWN 55:21

Shi a n-gup aga ni gaw htawbat hta grau manen nga ai; shi a myit masin kata hta n dawng ai myit rawng nga ai; shi tsun ai ga hkum ni gaw namman hta grau kya nga ti mung, dai ai nhtu zawn, gadoi di lu nga ai.

SHAKAWN KUNGDAWN 58:6

Karai Kasang e, ndai hkanghkyi matse ni a wa ni hpe shadaw kau ya u.

SHAKAWN KUNGDAWN 59:7

Shanhte a n kaw n law re ai hte jahkrit shama ai ga ni hpe madat ya u; shanhte a n-gup kata na shinglet ni gaw nhtu zawn dai nga ma ai; shanhte tsun shaga ai ga hpe kadai mung n na ma ai nga nna shanhte myit nawn da ma ai.

SHAKAWN KUNGDAWN 64:3

Shanhte gaw shinglet ni hpe nhtu ni zawn garang shadai nna; mazut ai ga ni hpe pala ni zawn shading da nga ma ai.

GA SHAGAWP 12:18

Majoi mi baw law ai ga gaw sung hkra galun ai nhtu nma zawn jahpye ya lu ti mung; hpaji ga hte tsun shaga ai ga chyawm gaw shamai shatsai ya lu nga ai.

GA SHAGAWP 25:18

N teng n man ai hku mara shagun ai lam gaw si shangun lu ai nhtu, adup ai hkawn hte masen ai pala ni zawn rai nga ai.

GA SHAGAWP 28:15

N hkru ai mung du wa a man e, matsan mayan masha ni gaw karum la masha n lu nga ma ai; Dai wa gaw, shabam ai hkanghkyi hte lagyim hkawm ai tsap hte maren, hkrit tsang ra ai wa rai nga ai.

GA SHAGAWP 30:14

Matsan mayan masha ni hte n lu n lawm, ra kadawn nga ai ni hpe zai hku nna dip da ai ni hte jahten sharun ai masha ni nga nga ma ai; dai zawn galaw ai gaw shanhte a kan bau magam bungli rai nga ai.

YAKU 3:6

Dai shinglet mung wan hte bung nga ai. Shinglet gaw anhte a hkum hkrang daw shan hta na n hkru n shawp ai mungkan rai nna hkum hkrang ting hta dai n hkru ai hpe chyam bra wa shangun nga ai. Shinglet gaw ngarai wan hte nan anhte a asak hkrung lam ting hpe shachyi dat nga ai.

SHINGRAN 19:15

Masha amyu baw ni hpe dang manga kau na matu, shi a n-gup hta na dai ai ntawng nhtu pru nga ai. Shi gaw shanhte hpe hpri sumdoi hte up na ra ai, Chyahtum Chyalai n-gun atsam rawng ai Karai Kasang a sindawng kahtet pawt bu ai ngu ai sabyi htumbyen hta shi kabye shup na ru ai.

TARA AGYI 9:20

Rai ti mung, dai hku n re ai sha, Abimelek kaw na wan grung pru wa nhtawm, Shehkem masha ni hte Betmilo ni hpe hkru kau u ga; dai hte maren, Shehkem hte Betmilo masha ni kaw na wan grung pru wa nhtawm Abimelek hpe hkru kau u ga,” ngu nna matut tsun wu ai.