SHAKAWN KUNGDAWN 56:9 - Jinghpaw Common Language Bible 2009

⁹ Ngai nang hpe shaga ai shani e, nye a gumlau hpyen ni htingnut mat wa ai hkrum na mara ai; Karai Kasang gaw nye a maga de nga nga ai hpe ngai chye nga nngai.

Jinghpaw Hanson Version Bible

⁹ Dai majaw ngai jahtau ai nhtoi hta e, Nye a hpyen ni kanut mat wa na ma ai: Karai Kasang ngai hte rau rai nga ai, dai ngai chye nga nngai.

SHAKAWN KUNGDAWN 56:9 ပူးပေါင်းရင်းမြစ်များ

2 HKAWHKAM 20:5

shi hpe, “Na a nji nwa Dawi a Karai Kasang ngai Madu nan na a akyu hpyi ai ga hpe na ni ai; na a myi prwi ngai mu se ai; Ngai gaw nang hpe masum ya laman shamai ya na de ai; shaloi Nawku Htingnu de nang sa lu na rai ndai.

SHAKAWN KUNGDAWN 102:2

Ngai nni nkri hkrum nga ai shaloi ngai kaw nna hkum kayin mat wa et! Ngai shaga ai shaloi, nye a ga hpe madat ya nna, tin tin htan ya e!

SHAKAWN KUNGDAWN 118:6

Dai Madu ngai hte rau rai nga ai rai nna, ngai hpa hpe mung n hkrit nga nngai; Kadai wa ngai hpe hpa di lu na rai nga a ta?

SHAKAWN KUNGDAWN 27:2

N hkru ai masha ni ngai hpe gasat ai hte sat kau na matu shakut ma ai shaloi shanhte gaw ahtu ai hte kadawng mat ma ai.

SHAKAWN KUNGDAWN 46:11

Chyahtum Chyalai n-gun rawng ai dai Madu gaw anhte hte rau nga nga ai; Yaku a Karai Kasang gaw anhte a shingbyi shara rai nga ai law.

SHAKAWN KUNGDAWN 46:7

Dai Chyahtum Chyalai N-gun rawng ai Madu gaw anhte hte rau rai nga ai; Yaku a Karai Kasang gaw anhte a shingbyi shara rai nga ai.

SHAKAWN KUNGDAWN 9:3

Nang dan pru wa ai shaloi, nye a gumlau hpyen ni nhtang mat wa nna; shanhte kadawng taw mat ai hte si mat ma ai.

YEREMIA 33:3

“Ngai hpe shaga e, ngai nang hpe htan ya na nngai; nang hpa mung n chye lu ai mauhpa amu ni hte mau kajawng na zawn re ai amu ni ngai nang hpe tsun dan na de ai.

MALAHKI 3:16

Dai hpang, dai Madu hpe hkrit kamyin ai ni gaw shada da tsun nga ma ai, dai Madu hpe hkrit kamyin ai hte shi hpe hkungga ai ni ka matsing laika buk langai hta ka jahkrat da nga ai.

YAWHAN 18:6

“Ngai gaw dai wa nan rai nga nngai,” ngu nna Yesu tsun dat jang dai ni gaw hpang de htingnut wa nna ga hta kadawng taw mat ma ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?