SHAKAWN KUNGDAWN 56:4 - Jinghpaw Common Language Bible 2009

⁴ Ngai gaw Karai Kasang hta kam hpa nga ai a jaw e, n hkrit nga nngai; shi jaw da sai ga sadi a majaw ngai shi hpe shakawn na nngai. Shinggyim masha sha gaw ngai hpe hpa di lu na rai nga a ta?

Jinghpaw Hanson Version Bible

⁴ Karai Kasang hta shi a ga hpe ngai shakawn nga nngai, Karai Kasang hta ngai machyu nga nna, hpa mung n hkrit nga nngai: Masha ashan ngai hpe hpa di lu na rai nga a ta?

SHAKAWN KUNGDAWN 56:4 ပူးပေါင်းရင်းမြစ်များ

2 HKAWHKAM LABAU 20:3

Yehoshahpat chyawm gaw hkrit kahpra ai hte lam madun la na matu dai Madu kaw akyu hpyi wu ai. Dai hpang Yuda mungdan ting lusha gam na matu hkang dat wu ai.

2 HKAWHKAM LABAU 20:4

Yuda mung mare shagu na masha ni gaw lam madun la na matu dai Madu kaw hpyi nem na nga, Yerusalem de tin tin sa wa shajang ma ai rai nna,

SHAKAWN KUNGDAWN 118:6

Dai Madu ngai hte rau rai nga ai rai nna, ngai hpa hpe mung n hkrit nga nngai; Kadai wa ngai hpe hpa di lu na rai nga a ta?

SHAKAWN KUNGDAWN 119:160

Na a tara madung gaw teng man ai lam rai nga ai; na a ding man ai tara dara lam yawng hte gaw htani htana agrin nga ai.

SHAKAWN KUNGDAWN 12:6

Dai Madu a ga sadi ni gaw kam mai nga ai; dai ni gaw wan htung hta sanit lang shabyawng jen kau sai gumhpraw jet zawn rai nga ai.

SHAKAWN KUNGDAWN 138:2

Na a dinggrin tsaw ra myit hte sadi sahka gaw, na a mying nsang hte na a hkang da ai mungga ni hpe lam madun dan nga nit dai majaw, na a chyoi pra ai Nawku Htingnu de, ngai myi man yawng nna, dingnyawm ai hte na a mying nsang hpe shakawn na nngai.

SHAKAWN KUNGDAWN 27:1

Madu gaw nye a nhtoi hte hkye hkrang la ai wa rai nga ai; kadai hpe mung ngai n hkrit na nngai. Dai Madu gaw hkrithpa shara yawng kaw na ngai hpe makawp maga la nga ai rai nna; ngai galoi mung hkrit na nngai n rai.

ESAIA 31:3

Egutu masha ni gaw karai ni n rai ma ai-shanhte gaw shinggyim masha sha rai ma ai. Shanhte a gumra ni gaw shingra tara hta grau ai wenyi n rai ma ai. Dai Madu amu galaw ai shaloi, n-gun ja ai masha amyu baw gaw hpyai rai mat na ra ai, karum la hkrum ai n-gun kya ai masha amyu baw mung di hkrat mat na ra ai. Shan gaw jahten kau ai hkrum na mara ai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

YAWHAN 10:35

Karai Kasang gaw shi a mungga jaw da hkrum sai ni hpe ‘karai daw ni,’ ngu nna shamying mu ai rai nna, Chyum Laika hta tsun ai ga ni gaw galoi mung teng man nga ai hpe anhte chye ga ai.

HEBRE 13:6

Dai re ai majaw, “Dai Madu gaw ngai hpe karum ai wa rai nga ai, ngai hpa hpe mung hkrit kang na n rai. Kadai wa ngai hpe hpa di lu na rai ta?,” nga nna nden ja ai myit hte anhte tsun nga ga.

1 SAMUELA 30:6

Dawi a masha ni gaw shanhte a kashu kasha ni mat mat nna shanhte yawng ahkup ahka nga ai hte shi hpe nlung hte kabai sat na nga jahkrit sharim ma ai majaw, dai aten hta Dawi gaw ru tsang kaba hkrum sha nga wu ai; rai ti mung dai Madu shi a Karai Kasang mung shi hpe nden marai jaw ya wu ai.