SHAKAWN KUNGDAWN 54:4 - Jinghpaw Common Language Bible 2009

⁴ Rai ti mung, Karai Kasang gaw ngai hpe karum la ai wa rai nga ai; dai Madu gaw ngai hpe makawp maga ai wa rai nga ai.

Jinghpaw Hanson Version Bible

⁴ Yu mu, Karai Kasang ngai hpe karum ai wa rai nga ai, Dai Madu, nye a asak shadaw ai ni hte lawm nga ai.

SHAKAWN KUNGDAWN 54:4 ပူးပေါင်းရင်းမြစ်များ

1 HKAWHKAM LABAU 12:18

Karai Kasang a wenyi gaw shanhte hta na langai mi rai nga ai Amasai hpe hkang shading nna “Marai sumshi” up hkang ai wa tai wa nga ai. Shi gaw, “Yese a kasha Dawi e, anhte gaw Na a maga de na ni rai nga ga ai! Nang hpe karum ai ni na a majaw awng dang ai lam lu la mu ga. Karai Kasang gaw na a maga de nga nga ai,” ngu nna tsun shapraw wu ai. Dawi gaw shanhte hpe hkalum la nhtawm shi a hpyen luksuk hta shanhte hpe du shatai da nga ai.

SHAKAWN KUNGDAWN 118:13

Ngai gaw laja lana gasat ai hkrum nna, sum hkrum nga nngai; rai ti mung dai Madu ngai hpe karum la nga sai.

SHAKAWN KUNGDAWN 17:1

Madu e, teng man ai lam a matu, nye a hpyi nem ai ga hpe madat ya e; karum la na matu, nye a jahtau tsun ai nsen hpe na la ya e! Nye a ding man ai akyu hpyi ga hpe madat ya e.

SHAKAWN KUNGDAWN 41:12

Teng man ai amu hpe ngai galaw nga nngai majaw nang ngai hpe karum la na rin dai; nang gaw ngai hpe na a man e, htani htana bau sin na rin dai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

HEBRE 13:6

Dai re ai majaw, “Dai Madu gaw ngai hpe karum ai wa rai nga ai, ngai hpa hpe mung hkrit kang na n rai. Kadai wa ngai hpe hpa di lu na rai ta?,” nga nna nden ja ai myit hte anhte tsun nga ga.