SHAKAWN KUNGDAWN 52:8 - Jinghpaw Common Language Bible 2009

⁸ Rai ti mung, ngai gaw Karai Kasang a nta na tsit lali ai tsanlun hpun zawn rai nga nngai; Ngai gaw shi a dinggrin tsaw ra myit hpe htani htana prat dingsa kam hpa nga nngai.

Jinghpaw Hanson Version Bible

⁸ Ngai chyawm gaw, Karai Kasang a nta na, Tsit lali ai tsanlun hpun zawn rai nga nngai: Karai Kasang a chyeju hpe ngai tutnawng a hpa nga nngai.

SHAKAWN KUNGDAWN 52:8 ပူးပေါင်းရင်းမြစ်များ

SHAKAWN KUNGDAWN 1:3

Shanhte gaw hka kau e tu nna, shi a aten hta asi si nhtawm alap mung n hkraw mat ai hpun ni hte bung nga ai. Shanhte galaw ai lam shagu awng dang nga ai.

SHAKAWN KUNGDAWN 128:3

Na a nta hta, na a madu jan gaw si si ai sabyi hpun zawn, na a nsha ni gaw tsanlun hpun lawn kasha ni zawn na a sha ku grup yin e rai nga na ma ai.

SHAKAWN KUNGDAWN 13:5

Ngai gaw na a dinggrin tsaw ra myit hpe kam hpa nga nngai; nang ngai hpe hkye mawai la na rin dai majaw ngai kabu gara nga na nngai.

SHAKAWN KUNGDAWN 147:11

Rai ti mung, shi hpe shagrau sha-a ai ni hte shi a dinggrin tsaw ra myit hta kam hpa nga ai ni hpe shi ra sharawng nga ai.

SHAKAWN KUNGDAWN 33:18

Dai Madu gaw shi hpe hkrit hkungga ai ni hte shi a dinggrin tsaw ra myit hpe kam hpa nga ai ni hpe, sin yu nga ai.

SHAKAWN KUNGDAWN 58:11

“Ding hpring ai ni gaw teng teng shagrau sha-a ai hkam la na mara ai; mungkan hpe tara jeyang na Karai Kasang gaw teng teng nga nga ai,” nga nna masha ni tsun wa na mara ai.

YEREMIA 11:16

Lang mi, ngai gaw shanhte hpe tsawm htap ja kat ai asi ni hte hpring nna tsit lali ai tsanlun hpun langai mi ngu nna shamying da ti mung, ya chyawm gaw mu zawn wu kadu ai nsen hte ngai dai hpun lap ni hpe wan jahkru kau nna de a lakung lakying ni hpe agrawp daw kau we ai.

ROMA 11:24

Nanhte maigan masha ni gaw dai tsanlun chyalam lakung hpe gyi la nhtawm htung n nga ti mung mi na tsanlun hpun chyanyi majing hta shachyaw matut hkai ai hte bung nga myit dai. Yuda masha ni gaw dai tsanlun chyanyi hpun hte bung nga ai rai nna tsanlun hpun chyanyi lakung ni hpe mi na tsanlun hpun majing hta matut shachyaw hkai na gaw Karai Kasang a matu grau loi na n rai ni?