SHAKAWN KUNGDAWN 52:5 - Jinghpaw Common Language Bible 2009

⁵ Dai majaw, Karai Kasang gaw nang hpe htani htana jahten sharun kau na ra ai; shi gaw nang hpe na a nta kaw nna gang gare la na ra ai. Shi nang hpe asak hkrung nga ai ni shanu nga ai mungkan ga kaw nna la kau na ra ai.

Jinghpaw Hanson Version Bible

⁵ Karai Wa nang hpe tut tut agrawp kau na ndai: Na a sum hta na shi nang hpe gare kau dat nna, Dinghta ga de na, na a aru hpe baw kau ya na rin dai.

SHAKAWN KUNGDAWN 52:5 ပူးပေါင်းရင်းမြစ်များ

YOBA 18:14

Shanhte gaw shim lum ai hte nga nga ai shara kaw na shaden kau hkrum nga ma ai, Si hkrung si htan a Hkawhkam wa a man de garawt woi wa ai hkrum nga ai.

SHAKAWN KUNGDAWN 116:9

Dai majaw, hkrung nga ai ni a mungkan hta dai Madu a man e, ngai hkawm nga na nngai.

SHAKAWN KUNGDAWN 27:13

Ngai naw hkrung nga ai prat hte hta Madu a mai kaja ai lam hpe ngai mu lu na hpe ngai chye nga nngai.

SHAKAWN KUNGDAWN 55:23

Rai ti mung, Karai Kasang e, nang gaw masha sat ai ni hte masu magaw ai masha ni hpe shanhte a asak ka-ang garai n lai yang pyi shanhte a lup sung hku ni de, jahkrat kau na rai nga ndai. Ngai chyawm gaw nang hpe kam hpa nga na nngai.

GA SHAGAWP 12:19

Masu magaw ai gaw asak kadun nga ai rai ti mung, teng man ai gaw htani htana agrin nga ai.

GA SHAGAWP 19:5

Tara rung hta e, nang n teng n man ai sakse ga tsun yang, nang ari jaw ai hkrum na rin dai; dai hta na nang lawt lu na n rai.

GA SHAGAWP 19:9

Kadai mung, tara rung hta masu sakse hkam ai wa gaw mara ari jaw ai kaw nna lawt lu ai n rai; shi ari hkrum na sha rai sai.

GA SHAGAWP 2:22

Rai ti mung, Karai Kasang gaw tara n lang ai masha ni hpe dai lamu ga kaw nna dun shapraw kau nhtawm, yubak lu ai masha ni hpe mung, tsing ni hpe zawn gang baw kau na ra ai.

ESAIA 22:19

Dai Madu gaw nang hpe amu kaw na shapraw kau nhtawm na a tsaw ai arawng aya kaw nna mung jahkrat kau na ra ai.”

ESAIA 38:11

Ngai gaw ndai ahkrung nga ai mungkan ga hta Dai Madu hpe mung, hkrung nga ai masha kadai hpe mung Galoi mung bai mu lu sana n rai, ngu myit nawn kau nngai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.