SHAKAWN KUNGDAWN 51:9 - Jinghpaw Common Language Bible 2009

⁹ Nye a yubak ni hpe n mu lu u ga, na a myi ni hpe di da u; nye a n hkru n shawp ai lam yawng hte hpe arut kau ya e.

Jinghpaw Hanson Version Bible

⁹ Nye a yubak kaw na, na a myi man kayin kau nna, Nye a shut hpyit ai nlang hte hpe, arut kau ya e.

SHAKAWN KUNGDAWN 51:9 ပူးပေါင်းရင်းမြစ်များ

YOBA 9:30

Kaning re ai sabya hte mung nye a shut hpyit mara ni hpe kashin kau lu ai n rai.

SHAKAWN KUNGDAWN 51:1

Karai Kasang e, na a dinggrin tsaw ra myit a majaw, ngai hpe matsan dum la e. Na a galu kaba ai matsan dum myit a majaw, nye a yubak ni hpe arut kau ya e.

ESAIA 1:18

Dai Madu gaw, “Ya, anhte bawng jahkrup yu ga. Nanhte a yubak gaw sai zawn hkyeng nga ti mung hkyen zawn hpraw san hkra ngai kashin kau ya na nngai. Nanhte a yubak gaw dik hkra hkyeng nga ti mung, sagu mun zawn hpraw wa lu na marin dai.

ESAIA 38:17

Nye a nchyi nmu re ai gaw ngwi pyaw sim sa wa na ra ai. Nang gaw nye a asak hpe hkrit hpa yawng kaw na hkye la nga ndai; Nang gaw nye a yubak mara yawng hpe raw ya nga ndai.

YEREMIA 16:17

Shanhte galaw ai lam shagu hpe ngai mu nngai. Hpa mung ngai kaw nna makoi gyem lu ai n rai. Shanhte galaw ai yubak mara ni gaw nye a man kaw na hprawng lawt mat wa lu nga ai n rai.

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

BU HKAWM 19:18

Shawng na lang hta san seng ai wa gaw kungla pu matsun langai la nna hka hta tsing la nhtawm sum hpe mung, dai hta rawng ai arai ni yawng hpe mung, dai yang ma masha ni hpe mung, lapri bun na rai wu ai. Lahkawng lang ngu na hta san seng ai wa gaw masha nrut nra, si mang hte lup re ai ni hpe hkra ai wa hpe lapri bun na rai wu ai.

KOLOSE 2:14

Shi gaw anhte a n hpru n mai ai yubak mara a hka jahpan hpe mung, dai hte seng ai jep da ai tara ni hpe mung wudang ntsa e hpri hte dit shakap nna yeng seng kau nu ai.