SHAKAWN KUNGDAWN 51:8 - Jinghpaw Common Language Bible 2009

⁸ Kabu gara ai hte ngwi pyaw ai nsen ni ngai hpe na shangun et; nang ngai hpe daw agrawp kau ai rai ti mung, ngai kalang mi bai naw kabu gara wa lu na nngai.

Jinghpaw Hanson Version Bible

⁸ Nang daw kau ai nrut nra ni bai kabu lu mu ga, Ga ngwi ga pyaw ngai hpe shana ya e.

SHAKAWN KUNGDAWN 51:8 ပူးပေါင်းရင်းမြစ်များ

1 HKAWHKAM LABAU 29:17

Nang gaw masha shagu hte a myit masin hpe chyam dinglik yu nna ding hpring ai myit rawng ai masha ni hpe ra sharawng nga ndai hpe ngai chye nngai. Teng man ding man ai hte ndai arai ni yawng hpe awng sharawng ai myit hte nang hpe ngai jaw ya de ai. Ndai yang e hpawng nga ai na a amyu masha ni mung na a man de hkungga ni sak jaw ai lam gade sha kabu gara nga ma ai hpe ngai mu ni ai.

SHAKAWN KUNGDAWN 13:5

Ngai gaw na a dinggrin tsaw ra myit hpe kam hpa nga nngai; nang ngai hpe hkye mawai la na rin dai majaw ngai kabu gara nga na nngai.

SHAKAWN KUNGDAWN 30:11

Nang gaw nye a yawn hkyen ai hpe kabu gara ka gumlawt ai hte galai ya nit dai; nye a myit yawn ai lam hpe nang la kau ya nna, kabu gara ai hte ngai hpe shinggrup da ya nit dai.

SHAKAWN KUNGDAWN 35:10

“Nang hte bung ai wa langai mi mung n nga nga ai, nang gaw n-gun ja ai wa a lata kaw na gawng kya nga ai wa hpe, dip gamyet sha ai wa a lata kaw na matsan mayan wa hpe makawp maga ya nga ndai,” ngu nna nye a myit masin mahkra hte dai Madu hpe tsun dan na nngai.

SHAKAWN KUNGDAWN 38:3

Na a masin kahtet ai majaw ngai laja lana machyi hkrum nga nngai; nye a yubak ni a majaw, nye a hkum ting hta ana zinli hkrai rai nga li ai.

ESAIA 35:10

Shanhte gaw kabu gara ai hte Yerusalem de du wa na mara ai, mahkawn mangoi ai hte kabu gara jahtau na mara ai. Shanhte gaw htani htana kabu gara na mara ai, yawn hkyen ai hte sharung shayawt ai kaw na htani htana lawt wa na mara ai.

YEREMIA 5:3

Dai Madu gaw kaja wa kangka ai hpe tam nga ai. Shi nang hpe kayat ti mung, nang hpa zawn n nawn nga ndai; shi nang hpe agrawp mani kau ti mung, sharin la na matu nang ningdang kau nga ndai. Nang gaw du ja nna na a yubak ni kaw na n kayin wa nga ndai.

MAHTE 5:4

“Yawn hkyen hkrum ai ni gaw a lu ma ai; hpa majaw nga yang, Karai Kasang shanhte hpe shalan shabran na maru ai!

LUKA 4:18

“Madu a Wenyi nye a ntsa e nga nga ai: matsan mayan ni hpe Kabu Gara Shiga hkaw tsun dan na matu, Shi ngai hpe namman jaw ya ni ai. bawng dung ai ni hpe shalawt lu na lam, myi kyaw ai ni hpe myi bai mu na lam, hkaw tsun na matu mung, zingri zingrat hkrum ai ni hpe dat dat shangun na hte,