SHAKAWN KUNGDAWN 51:6 - Jinghpaw Common Language Bible 2009

⁶ Nang gaw myit malang ai hte teng man ai lam hpe hpyi nga ndai majaw; nye a kraw lawang hta na a hpaji hte jahpring ya e.

Jinghpaw Hanson Version Bible

⁶ Myit kata na sadi sahka hpe nang tsaw nga nna, Kraw lawang e ngai hpe hpaji sharin ya ndai.

SHAKAWN KUNGDAWN 51:6 ပူးပေါင်းရင်းမြစ်များ

2 SAMUELA 12:13

Dawi gaw, “Dai Madu hpe ngai shut kau ni ai,” ngu nna tsun wu ai. Nahtan mung, “Dai Madu nang hpe yubak raw ya nga sai; nang si lu na nit dai n rai.

2 HKAWHKAM 20:3

“Madu e, ngai gaw nang hpe kangka ai hte sadi dung let daw jau ni ai; nang ra sharawng ai hpa lam hta rai ti mung ngai tut nawng shakut shaja galaw ai amu ni hpe dum ya e law.” Shi gaw ahkup ahka nga mat hkra hkrap let hpyi nem wu ai.

1 HKAWHKAM LABAU 29:17

Nang gaw masha shagu hte a myit masin hpe chyam dinglik yu nna ding hpring ai myit rawng ai masha ni hpe ra sharawng nga ndai hpe ngai chye nngai. Teng man ding man ai hte ndai arai ni yawng hpe awng sharawng ai myit hte nang hpe ngai jaw ya de ai. Ndai yang e hpawng nga ai na a amyu masha ni mung na a man de hkungga ni sak jaw ai lam gade sha kabu gara nga ma ai hpe ngai mu ni ai.

YOBA 32:8

Rai ti mung Chyahtum Chyalai N-gun Rawng Ai Karai Kasang a wenyi gaw shanhte kaw du nna hpaji byeng-ya jaw ya wu ai.

YOBA 38:36

Nila hka nu tung wa na rai yang, ibis ntsa malen u hpe kadai tsun a ta? Marang htu hkrat na rai yang ula hpe kadai tsun a ta?

SHAKAWN KUNGDAWN 125:4

Madu e, kaja ai masha ni hte na a hkang da ai ga ni hta madat mara hkan sa nga ai ni hpe, mai kaja ai lam jaw ya u.

SHAKAWN KUNGDAWN 15:2

Lam shagu hta Karai Kasang a ga hpe madat mara ai wa gaw teng man ai amu hpe tut nawng e galaw nga nna; shi tsun ai ga mung teng man ai hte myit malang nga ai majaw,

SHAKAWN KUNGDAWN 26:2

Madu e, ngai hpe dinglik yu nna chyam yu et, nye a myit ra ai lam ni hte myit sawn ai lam hpe san jep ya e.

SHAKAWN KUNGDAWN 32:5

Shing rai, ngai gaw nye a yubak ni hpe nang kaw yin la ni ai; nye a shut hpyit ai mara ni hpe mung ngai makoi magap da nngai n rai. Dai lam ni hpe nang kaw mara yin la na ngai daw dan ni ai; nye a yubak yawng hte hpe nang dat kau ya nit dai.

SHAKAWN KUNGDAWN 41:5

Nye a gumlau hpyen ni gaw nye a lam hpe matse ai hku tsun nga ma ai; shanhte gaw ngai si nna, masha ni ngai hpe malap kau na matu, ra sharawng nga ma ai.

SHAKAWN KUNGDAWN 5:9

Nye a gumlau hpyen ni tsun ai hpa lam hpe rai tim, galoi mung n mai kam nga ai; shanhte gaw jahten kau na matu sha, ra sharawng nga ma ai. Shanhte tsun shaga ai ga ni gaw dwi sau nna abawk shatsawm lu nga ma ti mung, dai ni gaw hkrit tsang mai ai hkalem ga ni hte hpring nga ai.

GA SHAGAWP 2:21

Ding man ai hte teng man kangka ai masha ni gaw ndai anhte a lamu ga hta shanu nga lu na mara ai.

GA SHAGAWP 2:6

Dai gaw hpaji byeng-ya hpe jaw ya ai Madu rai nga nna, machye machyang hpaji hte chye na hkawn hkrang ai nyan shi kaw na lu la nga ai.

YEREMIA 12:1

“Madu e, ngai nang hte amu dangrang hkat yang; nang ding hpring nga ndai hpe nang sakse madun nga ndai. Timung, ngai gaw nang hpe teng man rap ra ai tara hte seng nna san na nngai. N hkru ai masha ni gaw hpa majaw grai ngamu ngamai nga ma ta? Myit magaw ai masha ni hpa majaw awng dang nga ma ta?

YEREMIA 31:33

Israela amyu masha ni hte tawn da na ga shaka ningnan gaw ndai rai nga ai: Ngai gaw shanhte kata hta nan nye a tara hpe tawn da ai hte dai hpe shanhte a kraw lawang ni hta e ka da na nngai. Ngai gaw shanhte a Karai Kasang tai nna shanhte gaw nye a amyu masha ni tai na mara ai.

YEREMIA 32:40

Ngai gaw shanhte hpe htani htana prat dingsa na ga shaka tawn da na nngai. Shanhte a matu mai kaja ai amu galaw nga ai hpe ngai galoi mung jahkring kau na n rai. Ngai gaw shanhte hpe shanhte a myit masin mahkra hte ngai hpe hkrit hkungga shangun na nngai, shanhte gaw ngai kaw nna galoi mung n kayin mat wa lu na mara ai.

YEREMIA 5:3

Dai Madu gaw kaja wa kangka ai hpe tam nga ai. Shi nang hpe kayat ti mung, nang hpa zawn n nawn nga ndai; shi nang hpe agrawp mani kau ti mung, sharin la na matu nang ningdang kau nga ndai. Nang gaw du ja nna na a yubak ni kaw na n kayin wa nga ndai.

LUKA 11:39

Dai rai nna, Madu gaw, “Nanhte Hparishe ni gaw, nanhte a gawm hte ban hpe shinggan maga de sha kashin jasan nga myit dai, rai ti mung, nanhte a kata maga de gaw, kashun kashe re ai, nammak lawhpa mya lu mya sha ai myit, n hkru n shawp ai myit hte hpring chyat nga malit dai.

ROMA 7:22

Nye a kraw lawang myit gaw Karai Kasang a Tara hta kabu gara sharawng awng nga ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak lu ai ni e, nanhte a lata ni hpe jasan jaseng da mu. Sawt ai ni e, nanhte a myit masin kraw lawang ni hpe jasan jaseng da mu.

1 PETRU 3:4

Shing rai na malai, nanhte a tsawm htap ai ngu ai hta dai teng man ai myi hte n mu lu ai kata asak hkrung lam si mani nna galoi mung amu asim sha re ai myit ngu ai asak kaji kaba hte n seng ai tsawm htap ai lam rawng ra nga ai. Dai tsawm htap ai lam gaw Karai Kasang a man e hpu ging dik ai lam rai nga ai.

1 SAMUELA 16:7

Rai ti mung, dai Madu gaw shi hpe, “Shi gaw kade wa mi hkum shingyan galu nna ahpraw tsawm htap nga wu ti mung, myit hkum shang sha et, ngai gaw masha e daw dan masat ai zawn n daw dan ai majaw, ngai shi hpe n la nngai. Masha gaw shinggan ahpraw asam hpe sha yu chye nga ai; rai ti mung ngai chyawm gaw myit masin hpe she yu nngai,” ngu nna tsun wu ai.